هلا يالغالية اول شي قولي لي شنو ناوية تشترين
يعني تبين للاطفال بنات او اولاد
حريم لزواج واعياد ولا لبس يومي
رجالي ابواك كبكات اقلامة وجزم اعزج الله ولا كل شي تبينه عشان اجتهد لك بشي معين ولا اشتتك كثير
تبين عطور مميزة ومصانع وشي ما ينباع الا في باريس ولا عادي
تبين صوايغ لعجايز ولا لخواتك وخوات زوجك
ردي علي وبرد عليك بالتفصيل
وابشري بسعدك

واي فديت قلبج الله يسعدج دنيا وآخره
انابي اشتري ملابس لي وحق أولاد صغيرونين حق المناسبات أهم شي واذا في عملي ليش لا
وابي شنط وأكسسوارات ماركات, ترى الشنط مو لي حق خواتي لأنهم بيذبحوني إذا شريت شنط زيادة>>> توها شارية شانيل وبوتيجا الشهر اللي طاف
المهم بحاول أقاوم
وعشان يرضى زوجي لازم يشتري له ساعه أو كبك أو قلم
ولازم آخذ صوايغ والا بيذبحوني أهلي
وأهم شي العطورات ال exclusive لأنها إذا متوفرة عندنا مابيها ليش اثقل نفسي واخذها من هناك مع ان ريحتهم غير
ماي التولايت في أوروبا كأنه مركز عندنا.
بس.... ********ماقصرتي
شكلي باكلف عليج السموحة منج
بس لاحظت انج وحدة تحبين الزين مو العادي
فإنتي احسن وحدة تقولي وين أتسوق

1. نجي للاطفال


2. وللاولاد واللبس اليومي عجبني بولو

اشكرك يالغالية على الكلا الحلو وان شاء الله اكون عند حسن ظنك
شوفي انتي تقريري وتمقلي بمواقع المحلات لاني بعطيك شبة رؤس اقلام وتابعي الكلام في التقرير

نجي للاطفال

انصح بالغالاري لافيات فيه الماراكات الي من ناحيتي تعجبني للاعياد مثل الموناليزا وديور وفيه كولكشن جديد من بربري رهيب واذا تبين هالماركات وقريبة جنبك راح تحصلينها في مجمع اسمه فناك fnac جنب لي كلاريج الي في الشانز تدخلينه سيده على طول راح تحصلين ساعة ام الماي مثل الي في مجمع شرق بالكويت
المهم محل الطفال بتحصلينه على يدك اليسار عنده نفس بضايع الغالاري وعنده ماركه غالية للاطفال اغلا من الموناليزا واديور بس نسيت اسمها تنورة حق ام 10 سنوات ب400 يورو بعد التخفيض يعني غلا وبالاخير محد يعرف هالماركة
ترا انا احب اشتري حق الاعياد من ديور وانصحك اذا حصلتي عنده تخفيض اشتري منه لانه رزة ومميز وناعم وفية ماركة ثانية بعد راقية اول ماتدخلين لهم اطلبي الكاتلوج الجديد منهم واتفرجي عليه وخلهم يعرضون لك الي عندهم واسم الماركة فيها شوكلاته et chocolat وتراه في كل عاير في باريس بصراحه انا اسميها زمان ماركة ببارو فيل بس بعدها غيرو اسم الماركة وخلوة كذا والاسعار غلوها الدبل
طيب هذا بالنسبة لباريس نجي للاوت ليت فيه كذا ماركة حلوة للاطفال عندك كنزو ودي اند جي بدله كامله من 3 قطع شريتها ب200 يورو بس ملكية وروعه شريتها لبنتي عمرها سنتين ونص وفيه محل ما اعرف اسمة وعلامته كرزتين ( تراني ما احفظ اسامي اعرف بشكل اللوحه اتكيسل افكك الاسم واقراه ) المحل جنب ديبون راقي وعنده اطقم للاعياد

وللاولاد واللبس اليومي عجبني بولو

فيه في باريس عند متحف اللوفر من جهة الحديقة محلات تبيع فساتين فرنسية بس ماكات مو معروفة واسعارها حلوة ترا دواعيس الي بين الحديقة وشارع سنت هونير رهيبة لحد ما تصلين اللوفر وعندك ميكي هاوس بعد حركاته حلوة وفية ماركة بو شراع الي بالشانز تلقين اسمها في موضوعي شغلاتها حلوة لليومي
ونسيت اقولك في الغالاري شيبي وديرهي كيدز وikks مررة روعه اما دزن تقدرين تاخذين منه جكيتات للمدارس وجزم اعزك الله وشنط
وان شاء الله تحصلين تخفيضات حلوة في وقتكهذا ما في جعبتي بالنسبة للاطفال ولبسهم

بالنسبة للكبار بصراحه كل وحدة واستايلها انا ام اعيال والمجتمع الي حولي عجايز ما يعجبهم القصير والمشخلع
فتشوفيني ما شريت الا تاير من جالري جلوريا الي في الاوت ليت وثاني من نفس المحل بس بالشانز
وفية محل في المجمع الي جنب الاوت ليت عنده لبس للجمعات ومكسي ومرتب على اللبس وله فرع جنب الاوبرا والغالاري لافيات اسم الماركة ارمند ثيري
http://maps.google.com/maps?f=q&source=s_q&hl=ar&geocode=&q=fantine+et+chocolat&sll=48.877615,2.323737&sspn=0.019277,0.034375&ie=UTF8&radius=0.78&filter=0&rq=1&ll=48.873071,2.327213&spn=0,359.965625&z=15&layer=c&cbll=48.873062,2.327359&panoid=2VpMN_i_4Byb68j2Jw0ZWg&cbp=12,218.07,,0,10.96
و خذت لي تشيرت تذكار من بلانت هيلود وبس لان استايل لبسي كويتي يعني احب ريفا وانوتا وامزون ومن هالحركات
فساتين الزواجات حصلت لي في شارع سانت هونير محل روعه وفساتينه تهبل واكتشفت بعدين يوم رجعت انه مصمم فرنسي مشهور في تقريري راح تصلين اسم المصمم وموقعه
بالنسبة للشنط انتي تقولين خواتك موصينك معناها ماراح تشترين لهم استوك اكي يبون الجديد والنيوارايفل يعني الاوت ليت ماراح يفيدك في موضوع الشنط اغلبها قديم موديلها
عندك احب شارع لقلبي هو شارع سانت هونير امترة باليوم عشرين الف مرة من وراى ساحة الفاندوم لحد السفارة البريطانية رايحه جاية لان فيه اغلب الماركات اذا مو كلها هيرمز حبيب الشعب
غوتش ديور اسكادا ايف سانتلوران برادا بلغاري ريبورتو كفالي تومي كارتير ونفس الشي عندك شارع افنيو مونتيه مرة رعة ديور الي فيه هو الي اتعامل معاه وهم الي يعرفوني من اول ما ادخل وسيرفسهم رائع بمعنى الكلمة كنت شارية عندهم عام 1998 جاكيت بيج والبسة للسفر الزراير ذهب ومنحوت عليها ديور وعام الصنع رحت فيه دزني وطاح زرار منه وضاع صار منظرة يفشل وكنا وقتها بالاسبوع الاول في دزني صرت ما البسة ولبست فرير كنت ماخذته معاي ويو رحنا باريس وجيتهم على طول جابو كافي وجلست عشر دقايق الا هم جايبين الجاكيت والزرار نفسه بالضبط مركب وملبسينة جراب بعد يعني سيرفس ما شفت ارقى منه ما قالو مديله قديم ماعندنا ولا عطينا افلوس هذا زرار من ماي الذهب ولا شي
ونصيحه بخصوص الشنط الي راح تشترينها لخواتك لا تشترين الي الوانها فاتحه خبرك حنا نلبس عبي والعباية تعتبر دمار شامل للشنطة البيضاء او البيج وتسود فيها وخاصة من جهة اليد والجهه الي تحك بالعباية حاولي تاخذين لهم الالوان الغامقة انا السنة خذت غوتشي وبربري شانيل وكارتير وعلى فكرة انا يوم اروح كنت مقرة اشتري وحده بس
يعني متوقعه انك تغيرين رايك
وان شاء الله قدرت اوصف لك اهم الاماكن بالنسبة للبس والشنط

بالنسبة لزوجك بصراحه الاوت ليت كل الي فيه كان موجود عند زوجي وخاصة دانهيل وديبون وجفنشي من كبكات واقلامة يعني ما قند راسي شي شريت لزوجي ساعة من فولي فولي حلوة انا ما اهتم بالساعات لان موظفين ارامكو كل خمس سنوات يعطونا ساعه الماس رولكس كونكورد يعني غرقانين ساعات ونادر ما نشتري الا اذا موديلات مميزة مثل ايتين اجنر او فرساتشي
شوفيلك كبك من مونت بلانك او لويس فتون وكلهم بالشانز واحد يمين والثاني يسار
بوك رجالي بصراحه زوجي حبه وهو البوك ابو حديدة بالوسط تمسك الفلوس صغير وينحط بجيب الصدر
الحين غوتشي في قطر مسوي خصم 50 بالمية ويبيع هالنوع ب350 ريال فما بالك اذا حصلتية بالتخفيض في باريس 70 بالمية بس يقولون عامل خصم على الموديلات القديمة وما شافو موديل الي شراة زوجي وحتى شنطتي ما شافوها انزلت عندهم في قطر هذا الي طمني
القلامة الموضة الحين الجلد وشي يكون القطر مال القلم مربع مو دائري من كارتير ب3000 ريال القلم ومن ديبون ب1000 ريال تختلف الاسعار على حسب المديل وطبعا اكيد تسألين عن الجاف لان رجاجيلنا مو مال حبر
الجزم انتى ما ذكرتيها بس لان زوجي موظف يهتم بالجزم للدوام غوتشي ودوليس جبانا ولويس فتون هم الي موديلاتهم حلوة وجودتهم عالية وعلى فكرة دوليس جبانا يختلف عن دي اند جي الاول اغلى واجود من الثاني
هذا بخصوص الرجال وان شاء الله اكمل معاك بكرة على خير يارب

بصراحة احرجتيني
مشكورة مشكورة مشكورة
والله ماقصرتي الله يجزيج خير
تقرير رحلتج خليته في الفيفوريتس
صج عطيتيني الإجابة الشافية
بس بسألج عن شي ثاني ماله دخل بالتسوق.
شفتي فندق شاتو فرونتيناك حلو والا لا؟
أنا حاجزه فيه موقعه حلو وسعرة أحلى بس الصور في النت مادري صحيح حلوة لأنه حسيت ستايله باريسي مو مودرن يعني أنا احب التغيير

اختلفنا
لا احراج ولا شي يالغالية حنا خوات وتامرين امر
بصراحه مرة رحت اتعشى في العجمي ولفت انتبهاي الفندق حلو والماركات حوله وقريب من افنيو مونتية شارع الماركات غير الماركات الي جنبه ومن الشانز الى الفندق بالليل عادي يعني مو الطرق الي تخافين منها اومليانه بارات بالعكس طريقهم نظيف والحي هادي اما من داخل بصراحه مادخلته ولا سكنت فيه مشكلتي انا وزوجي ما نحب المغامرة دايم بالماريوت واخر مرة لان بناتي معاي سكنا بالي كلاريج الي على الشانز بس فيه ناس تمدحه وناس تقول ان المنتدى عطاه اكثر من حقة ولولا اختلاف الاذواق لبارت السلع

نجي للصوايغ
فيه انواع اما رمزية وهي ام يوروين مجسم برج ايفل يقولون لك ب5 يورو او 4 يورو انا اخذ المقاس الوسط ب 2 يورو لاني اقولهم عطوني 2 درزن ب 2 يورو ولا مابي يعني الي يتجولون ينفع معاهم المكاسر
او هدية ام 5 يورو وهي اكواب حليب من دزني لاند تهبل بصراحه وتنفع كمساعد معا الصوايغ
او عطر من مصنع العطور فرغنرد
ابو 200 مل ب175 ريال ب35 يورو
http://maps.google.com/maps?f=q&source=s_q&hl=ar&geocode=&q=Provins&sll=48.828566,2.081909&sspn=0.645498,1.100006&ie=UTF8&ll=48.772483,2.966309&spn=0.865248,1.757813&z=9&iwloc=A
طبعا هالاشكال عندهم 11 صنف الله يعينك جلسي شمشمي لين تتسندرين ههه
ومن ناحية العجايز انا متعودة اخذ لهم شيئين اما عطر من مونتال

او قماش من محل جنب الفاندوم عند محل مونتال
اشتري 4 امتار او 3 امتار ونص من الاقمشة الي نقشتها غامقة اشوي تعرفين العجايز ما يحبون الفواتح
بس المحل غالي اشوي القطعه تطلع ب1500 ريال ام 4 امتار
كان هالمحل فاتح بالشانز محل قاب بس صكر وفتح هناك عند الفاندوم
وفيه محل ذكرته في موضوعي اسمة زينه عنده اطقم عطوور رخيصة وحلوة تصلح للهدايا
هذي صورة المحل وترا مكانه سهل تخيلي انك في ساحة الفاندوم وتبين تروحين للاوبرا وعلى طول تحصلين المحل يمينك قبل ساحة الاوبرا

ما شاء الله عليج يا ام سيف طلعتي خبيرة بجد وفرجيتينا باريس بتقريرك واحنا ببيتنا .........صرت لنا مرجع مهم للسفرة....مشكورة وما قصرتي.