آمنت بالله
30-07-2022 - 03:46 pm
السلام عليكم ..
أخوتي محتاجه مساعدتكم في امور كثيره .. انا ان شاء الله طالعه لرحله لأوربا في شهر أبريل لمده 20 يوم (شهر عسل ) مقسمه كالاتي
5 ليالي باريس
4 ليالي جنيف
ليلتين انترلاكن
3 ليالي ميلان
ليلتين في زلامسي
4 ليالي في فينا
وعندي كذا استفسار ,,
1- الاماكن السياحيه وكيفيه ترتيبها خلال زيارتي بأوقات تكفي الايام لكل منطقة ..
2- ناويين نتنقل بالقطار احنا شخصين
كم سعر التذاكر تقريبا ..
وكم ساعه بين كل منطقه واخرى
وسمعت ان ما في من جنيف إلى انترلاكن دايركت فهل هذا صحيح ؟؟
3- المطاعم اللي يكون اكلها حلال
والمهم ... محلات الاوت لت للماركات العالميه ( اعرف اللي في باريس فقط )
جزاكم الله خير ..
اختي بالنسبه لباريس
اطبعي هالجدول وان شاء الله كافي ووافي ماقصر اخونا الغالي بالترتيب
وبالنسبه لمناطق سويسرا والله ادخلي بوابه سويسرا (( دليل سويسرا السياحي )) عند المهندس ابو عزيز عنده دليل تفصيلي لسويسرا ومناطقها وراح يفيدج جدا
وراح تلقين مجمع اوت لت موضوع كامل عنه عند ابو عزيز
وبخصوص زيلامسي ماعتقد بتكفي ليلتين وايضا انترلاكن وخصوصا شهر عسل لما تتمتعان به من هدوء وسكينه
وراحة بال
ماضفت شي من عندي بس هذا مجهود الشباب بس ابي افيد واختصر عليج مشقه البحث