المخطط افضل يكون كذا ومده الرحله 27 ليله ممتاز يعني 28 يوم
3 ليالي ميلانو - ليله سالزبورغ -6 ليالي كابرون

• 6 ليالي ميونخ - 3ليالي رست - 4 ليالي انترلاكن
• 4 ليالي جنيف

الانتقال من ميلانو الى سالزبورغ بالطياره وان شاء الله راح اتاكد لك من مطار سالزبورغ
وبعدين تستاجر سياره من القريه الالمانيه اللي جنب سالزبورغ وتروح فيها زيلامسي وميونخ ورست
المسافه من ميونخ الى رست 381كلم والطريق سريع انا جربته هالصيف وتروح العاب اليورب بارك وبادن بادن وغيرها
واذا ودك تسلم السياره في فرايبورغ القريبه من رست سلمها
بس لازم تحسب حساب اسعار تذاكر القطار من رست الى انترلاكن وسعر استئجار السياره من انترلاكن لمده 8 ليالي وهل السعر يفرق كثير بين لو خليت السياره اللي استاجرتها من المانيا وسلمتها في سويسرا
ترى الحجوزات في كابرون اذا تبغى فلل تكون بالاسبوع وليس 6 ليالي اذا يمديك زيد ليله او ممكن تدفع حق اسبوع لان الاسعار ليست مرتفعه
انا انزل على مطار ميونخ واخذ معانا شنطه فيها اكل واخذ قدر الضغط وعادي ما احد كلمنا
اما القهوه انتبه تراهم دقيقين مره يعني اذا تبغون تطبخون يفضل استئجار شقق يكون فيها مطبخ عشان تسوون القهوه والشاي والكبسه كمان اذا حبيتوا

الاسهل تستاجر سياره من ميلانو وتسلمها بميونخ اوزيورخ
ميلانو-فينيسيا-كابرون -انترلاكن-زيورخ ثم التوجه بطيران داخلي لباريس
او
ميلانو-فينيسيا-كابرون-ميونخ ومنها الى باريس طيران داخلي _((تقدر من كابرون تزور سالزبورغ وانترلاكن وترجع لكابرون))اذا كان السعر ممتاز لاسبوع
عادي انا اخذت غلايه خاصه للقهوه وسويت قهوه بالفندق في ميونخ
لو تشوف تقريري وصوره من اغراضي مكركبه
في المطبخ
اخذ تمر شيبسات معمول بساكيت
وابشر بس خلك مركز ههه

مشكورين على التفاعل ومازلت انتظر اقتراحات اكثر ..
بالنسبه للغلايه قصدك غلاية المويه العاديه ؟

شوف تقريري
انا خذيت غلايه ستيل حقت الامويه لكن خصصتها للقهوه عشان الطعم
والحمدلله طبخت القهوه بالفندق ولااحد تكلم
وكثير من الاعضاء نفس الشي بفنادق 5نجوم

اكيد عادي يسوي القهوه بالغلايه حقته بس هو يقول يبغى يطبخها على النار مايبغى الغلايه عشان كذا قلت له بالفنادق اذا ما حطوا لك فرن ماتقدر تسويها الا بالغلايه

ايوه هذا قصدي مابي اسويها بغلاية المويه ابي قهوه صح ..
يعني مالي الا اخذ شقق ..
طيب بالنسبه للطريق الى الان انا محتار ..
ابي اروح لدزني لاند بفرنسا وش اقرب مدينه لها ..

اذا عجبك مخططي انا اضفت رست عشان تروح العاب اليورب بارك وتراها احلى من ديزني لاند بمية مره
خليك على مخططي مرتب واحسن

يعطيكم العافيه ..
بس بسالك بنت حواء هل سبق لك زيارة دزني لاند؟
اذا كنتي زرتيها ياليت تسوين لي مقارنه بسيطه بين الثنتين ...

انا مارحت لها لكن اقاربي اللي راحوا للاثنين يقوولون انه دزني لاند العاب اطفال وانه عددها قليل بالنسبه لالعاب اليورب بارك
والعاب اليورب بارك حديقه مو بس العاب فيها انهار واماكن حلوه للجلسات وتحس نفسك كانك في كل دول العالم
مقسمه الى عده دول مثلا قسم فرنسا تلقى فيه برج ايفل ومطاعم فرنسيه وحتى طريقه البناء
وكمان حقت افريقيا نفس الحكايه مسوين غابات وبراحه مره روعه
نصيحتي لك لاتفوتها لانكم راح تنبسطون انتوا وعيالكم اما دزني لاند اغلبها للاطفال الصغار