وعليكم السلام ورحمة الله وبركاتة
صباح الخير أخي الكريم الفهد 2006 الفندق لا أعلم اي معلومات عنه لكن عملت بحث سريع عبر النت غرفة اقل من عادية وسعر الليلة 600 ريال في موقع اجواد أعتقد السعر مبالغ فيه تستطيع زيارة هذا الموضوع والاطلاع على الملف المرفق ثلاث ليال بالتذاكر عن طريق القطرية وفنادق خمس نجوم ذات سمعه طيبه والامر راجع لك
https://artravelers.com/p/re/551786
عموم انا من محبين الاماراتيه للعطلات والسياحه في دبي بشكل خاص عندي قضاء خمس ايام بدبي في فندق رايق اجمل من الذهاب لبعض الدول بس حبيبة القلب المالديف غير طبعا فيها سحر خاص أما في دبي أطلب تجد الخيارات متاحه لديك وسبل الترفيه ايضا لذا انا احب ان اسافر عن طريق الاماراتيه حتى اختم جولتي بدبي وهذا افضل ماعملت المالديف ودبي يجتمعان معا
راجع الاماراتيه واقترح عليهم بعض المنتجعات مثل كونراد ودبليوا وانتارا ديغو والشيراتون فل مون والهلتون فوشيه والفور سيزون وشوف الباكجات حقتهم ممكن اغلا شوي ولكنها منتجعات ذات سمعه وانطباع رائع عند اغلب رواد بوابة الجزر

فندق دبي غيره الغالي
اقترح عليك كراون بلازا فيستيفال ستي جديد وعندك فيستيفال سنتر تحتك ومطاعم وايد على الخور وسينما وملعب غولف والخ بما انه مب فارق عندك الشاطيء واخترت روتانا روز .. لا روحي الكروان بلااز فيستيفال ستي وجنبه انتركونتتنال مو جنبه الا لاصق فيه ( الانتر + الكروان + المول ) تقدرين تدخليهم كلهم بدون ما تطلع برع الفندق الي حاجز فيه ومربوطين في بعض وفيه شغله حلوه ( هناك ما يحتاج تطلب اكل من الفندق روح المول 5 دقايق ولا 10 وتنقى من اكثر من 20 مطعم هناك ) .. انصح فيه بشده وسعره معقول يمكن يزيد 100 او 200 على روتانا .. شي فنادق وايد اذا تبي حاظرين
ايضا .. غير فندق المالديف .. انانتارا البنقلو فيه سعره معقول عن تجربه شخصيه .. وحلو المنتجع بس مقسم 3 جزر .. ارخصهم اللي فيه بنقالو بس نسيت اسمه . وشوفك الكونراد والهلتون والفور سيزن ..
انتي كستمر ومن حقك تسألي لين بكره مع موظفي الامارات للعطلات .. قوله سويلي 4 كوتيشنات ولا 3 كوتيشنات .. وكل كوتيشن فندق غير بالمالديف وخل يطرشهم على ايميلك وشوف شو يناسبك ..
والسموحه

شاكر ومقدر لكم نصائحكم
طلبت اليوم يعدل لي البرنامج أعطاني
kurumba / garden villa with private jacuzzi
السعر شامل الوجبتين لمدة اربع ليالي والتنقل الداخلي وثلاث ليالي في دبي 19369
العرض الثاني
vivanta by taj coral reef / charm beach villa
السعر بالوجبتين 21500
هل اسعاره معقوله
الأخت الم عرض القطرية حلو بس اليوم رحت لمكتبهم في الرياض قالوا ما عندنا عروض احنا حجوزات طيران فقط فكيف اراسلهم ؟؟

هل المالديف مناسبة هالايام على حسب التقارير يمدحونها من نوفمبر الى مايو
مجرد رأي واستفسار

العرض الاول سيء للغاية سواء اللي في المالديف او في دبي
العرض الثاني حلو لكن الكرومبا مزدحم شوي وفيه اطفال وعوائل اكثر
العرض الثالث راائع وانصحك في وبقوة خصوصا الوتر فيلا
بالنسبة لدبي احجز في العنوان اللي دبي مول
رحلة سعيدة

شاكر لك يا ابو عزوز والله ما نقدر نستغني عن نصايحك
بإذن الله راح آخذ vivanta by taj coral reef / charm beach villa
بس بغيت أسأل فيه فرق بين بيتش فيلا وبين الوتر فيلا ؟
وبعد ما فهمت عليك وش تقصد بدبي احجز اللي في العنوان دبي مول ؟؟

الفهد2006
هلا بك والله
لا ابد انا رشحت لك الوتر فيلا لانها احلى والبيتش فيلا على الشطايء والواتير فيلا في وسط البحر
طبعا الوتير فيلا افخم واحلى واكثر خصوصية واغلى
الادريس او العنوان هو اسم الفندق في دبي

مشكور يا الغالي والله ما قصرت
الله يجزاك خير وينور عليك

الفهد2006
أهلا بك الاخ الفهد 2006 للاسف العروض لازم عن طريق الدوحه ترسل لهم ايميل او تتصل عليهم وهذا الافضل وتعطيهم الاوقات والخيارات وايميلك وعلى الفور يجهزون لك باكج ويرسلونه لك على الايميل وفي حالة توافق معك الباكج الدفع على حسب علمي بالدوحه ولكن تقدر عن طريق الفيزا تدفع لهم ويرسلون لك كل شي بالايميل سبق وعملت هالامر عن طريق الاماراتيه عملت الحجز بالتلفون ودفعت له بالفيزا وانا بالبيت وارسلي لي الحجوزات على الايميل مجرد خذت ارقام الحجوزات معي وبرنت للاحتياط للاوراق المرسله على الايميل ولكن لا اعلم اذا كان الامر هذا متاح في القطرية