slovem
21-09-2022 - 02:37 pm
السلام عليكم ورحمة الله وبركاته
بصراحه احترت وقلت اخواني مايقصرون بيساعدوني
انا محتاره في اجازه لمدة اسبوع الى الامارات بين فندق ياس ابوظبي وفندق اتلانتس دبي
انا مزاجي بالسفر الهدوء والرومانسيه والخصوصيه والفخامه
دخلت موقع فندق اتلانتس وشفت الفعاليات الموجوده بصراحه مافي شي دخل بالي يعني الانشطه لسفره مع اطفال او عايله كبيره مو لسفره انا وزوجي بس
ودخلت موقع ياس وعجبني حيل البريزيدانتس سويت وخصوصا وجود حوض السباحه الخاص داخل السويت
لكن موقع الفندق مايعطي دايم الحقيقه
ودي لو احد شايف او سامع عنه يقولي
وشنو الفعاليات والانشطه الموجوده بالفندق غير المطاعم
وشنو الاماكن القريبه من الفندق
ادري كثرت اسأله بس ادري انتوا اخواني وماتقصرون معاي
فندق ياس بصراحة في قمة الروعة والغرفة الكلاسيكية عريضة وفي قمة الروعة وبصراحة
أن حاجز فيها ان شاء الله في يوم 6نوفمبر 2010م ولمن وريتها اخو زوجتي عجبتو وقال انها روعة
ووريتها زوجتي فعجبتها الغرفة فهي في قمة الجمال
وياليت تتأكدين في البريزيدانتس سويت هل يوجد فيه مسبح خاص ام لا لأنه اعتقد ما فيه مسبح خاص
والعلم عند الله فتأكدي من الأمر
ويا حبذا لو تكتبين او تحطين صور عن الفندق بعد ما تسكنين فيه لأن محتاج استمتع بالصور عن
هذا الفندق الرائع
والمارينا مول يبعد عن الفندق ما يقارب ربع او ثلث ساعة فتأكدي من الامر بالاتصال على الفندق
واحتمال انه الفندق فيه مول لكن ما ادري فتح ام لم يتم الفتح
وسفريتي لأبوظبي بسبب هذا الفندق
أما اتلانتس فهو رائع وفخم فموقعهم يحكي ما فيه
وان شاء الله راح اسكن فيه ليلتين في 12 و13 نوفمبر
اذا سكنت في ياس لا تنسين وضع صور لتعم الفائدة للجميع
وشكرا