مسحور انت مسحور ولاكن سحر جمال تلك الديار التي لاتكل ولاتمل وانت بين احظانها ماتنلام وانت في الفلبين
اهنيك على اختيارك الرائع والاستفاده من رحلتك رغم قصر المده ..تنقل لك بين المدن التى ذكرتها سلفاً
تدل على انتك شخص تحب الطبيعه ............دمت بصحه وعافيه
..ببساطه انت الان تشكو من عدم تأقلمك مع الدوام وتشعر انك مكتئب
هذه تسمى الاعراض الانسحابيه ...وسوف تزول بسرعه

الحمدلله على السلامة ....... فعلاً الديرة لا تمل لكن نريد منك تعطينا موجز من او ما وصلت حتى اخر يوم منها اسم الفندق وسعر السكن وخلافه
اخوي بكم استأجرت السياره في مانيلا ومن اين ....................
ولا تنسانا من الصور
ولا تنسى الصور

الغالي PpPe اول شئ الحمد لله على السلامه
و الله يلوم الي يلومك بعشقك لها و الحقيقه انها تسحر و كل مره تروح لها تشدك اكثر من اول
و الى الحين عجزت اعرف سر السحر الي فيها
بس لا تتأخر علينا بالتقرير ترانا مشتاقين للورده

اول شئ الحمد للة على السلامة
ولا تتأخر علينا بالتقرير المفصل
وركز على الصور والاسعار
دمت بود

الحمد الله على سلامتك
والله على الصور

يعني شكلك تعلقت بعشق الوردة
الله يساعد قلبك للأجازة الجاية
بحجز لك كرسي جنبي
فى جمعيه عشاق الوردة

1. مشكورين لك من مر على الموضوع


2. اول شي ليه انا اخترت الفلبين؟؟!!

مشكورين لك من مر على الموضوع

اول شي ليه انا اخترت الفلبين؟؟!!

انا من اول يعجبوني الفلبينيين اللي موجودين عندنا من احترام و ثقافه على عكس كل الاجانب اللي موجودين عندنا. و كانت هذي نقطه خلتني افكر اروح لها خصوصا انه اخر سفره لي كانت للبرتغال اللي بصراحه كانت مقلب هع هع هع هع. النقطة الثانيه هي المواضيع اللي تطرح عندكم هنا شجعتني و حمستني اكثر و اخر شي انه صديقي و خويي و رفيق دربي بيتزوج هذا الصيف و قلت هذي بتكون اخر سفره معاه لأنه هو دايم خويي.
طرحت عليه الموضوع و قال اوكي و انا ما صدقت خبر رحت و اخذت التذاكر من طيران الخليج " للأمانه ما توقعته ممتازين للدرجه هذي و لكن يعيبهم التوقف و انت راجع للسعودية" اخذت التذاكر قبل السفر تقريبا بشهرين يوم جا موعد السفر كنت خايف شوي انها تكون مقلب مثل البرتغال.
أول ما طلعت لمطار جده و جلست في المطار تقريبا ساعتين و قبل ما تقلع الطياره ب نص ساعه تقريبا اعلنوا تأخير الرحله و انا قلت هذا اللي يشكون الناس منها............ و لكن يوم وصلنا للبحرين اقلعت بوقتها و انا بالطياره جلس جنبي واحد فلبيني مسلم و جلس ينصحني طول الطريق انه فيه مخاطر و انتبه ولا توثق بأحد و هذا رقم جوالي اذا صارت لك مشكله كلمني لدرجه اني حسيت اني بروح لأفغانستان... شوي طلب له شراب و انخمد و ريحني....
أول ما وصلت مطار مانيلا انبسطت لأن الرحله طويله و ما جاني نوم. نزلت و ختمت جوازاتنا كان فيه عسكري قهرني سألته عن شي و هاوشني و انا بنفسي اقول والله لو انك عندنا كان صارت علوم ههه بس بصراحه اعطاني انطباع سيء قبل ادخل الفلبين.
رحت لتاكسي المطار " أنصحكم تاخذونه وقت وصولكم لأنكم وقتها تكونون محملين بالفلوس و الاغراض و تعتبرون صيده للسواقين الاخرين.. كلام الناس بس ما اتوقع انه شي بيصير" و كان التاكسي من المطار الى مكاتي افينيو الشارع اللي يقاطع برقص 440 بيسو. بصراحه في البداية تغاليتها على الفلبين بعدين قلت ما يخالف دام انها على قولتهم امنه. اول ما وصلت للفندق اللي كان " ميلينيوم بلازا" و كنت مخطط اني اسكن اول ليله فيه و بعدين اغير...
لكن الفندق كان جدا جدا جدا آمن و رايق لكن مو فخم يعني عادي. بس الامان اللي فيه ما شفته بأي فندق سكنته قبل كذا. و بعدين مددت يومين زياده.. كان سعر الفندق لليله الاولى 2500 بيسو لأنه عن طريق النت و بعد كذا 3500 لأنه عن طريق الفندق نفسه.
بعد ما حطينا اغراضنا و خلصنا مع الفندق طلبت منهم يوفرون لي تاكسي عشان بروح للسفاره اسجل جوازاتنا. وقفوا لي تاكسي اتفقت انا وهو على العداد و اول ما وصلنا للسفاره قلت لخويي خل نسجل و بعدها نروح لمول اوف ايشيا نتغدا قال اوكيه.... قلنا للتاكسي خلاص انتظرنا عند السفاره و شوي و نرجع لك بس خمس دقايق قال طيب. و يوم خلصنا رحنا معه لمول اوف ايشيا حاسبناه والله ما ادري كم وقتها بس اعتقد حوالي 250 بيسوز
نزلت من عنده عن البوابه اللي قدام السوبرماركت و رحت تمشيت في المول شوي و بعدين تغدينا ببيتزا هت. و يوم خلصنا الغدا قلت خلني اكلم اهلي اسلم عليهم و يصير توهم صاحين و يوم قمت ادور الجوال و تصير المفاجأه **** لقيت ان الجوال نسيته في التاكسي و تقفل اخلاقي و كرهت الفلبين لأن كل ارقامي فيه و معلومات كثيره لي فيه. و قمت ادور بوسط المول على امل اني القى السواق من القهر. و لكن في الاخير سلمت في الموضوع قلت يالله مو مشكله نكبر و ننسى خ. ورحت من عند البوابه الرئيسية عشان اوق تاكسي و انا واقف اشوف الى القى واحد من بعيد على رجوله يأشر لي و ادقق فيه إلا خويي يققول لي هذا السواق اللي جينا معه و اشوف و اشوف مو مصدق بعد ساعتين الا شوي و انا جالس افر و اتغدا و كل شي القاه يحتريني عشان يعطيني الجوال واركض له و هو جاي عندنا و انا وقتها خلاص صرت كبايان مضبوط وقلت له انت الله جابك لي و رزقك جاك يا ولد. قلت له وش رايك تصير معي على طول من 8 الصبح الى 12 الليل قال اوكيه قلت له بكم قال لي 2500 قلت له لا وجلست انا وهو الين وصلنا 1500 باليوم و هو سواقنا الخاص.. ههه انا بصراحه ما ادري اذا كان السعر غالي و لا رخيص بس اهم ما علي راحتي يعني تخيلوا سواقك و ترسله يجيب اغراضك و متى ما تبي تروح تروح و اذا نزلك بمكان يقعد يستناك في المواقف الين تكلمه و انبسط يا ولد.
و صار السيد "راي" سواقنا الخاص رجعنا معه للفندق و ريحنا. صلينا بعدين كذا رحنا للسينما و تفرجنا على فلم.
بس احلى ما في مانيلا منطقة القرين بلت. جدا جدا رايقه من مطاعم و مقاهي و بارات و كل شي. تعشيت في مطعم هناك كان مره خطيره عنده طبق شرمب بينني يجنن اسمه "FISH Out of water".
و لي رجعه ان شاء الله عن بوراكاي و المدن الثانيه و الفندق اللي في مانيلا اللي سكنت فيه بعدين.
طولت عليكم و اسف على الاطاله و نشوفكم على خير

:هلا اخوي pppe مااقدر الومك على مشاعرك وتعبيرك عن حبك للورده لانه والله من وجهت نظري ومن تجاربي فيها من احسن دول العالم لسياحه انا صارلي فيها سنه وشهرين وبعدني اشوف نفسي جديد في الورده وهذا كله يدل على طيبت اهل البلد ومحبتهم وحترامهم لزائر او المقيم وانا احيك على رايك في الورده وفي الاخير كلنا من عشاق الورده..

الحمد لله على السلامة أولاً ... بصراحة موضوع المشاركة يخوف !
وهاه لا تتأخر علينا في سرد تقرير رحلتك ((بالتفصيل)) ...
,,,