مشكور على الطرح الجميل وحمدا لله على السلامة
لي كم يوم في دبي وجالس اصرف ضعف ما اصرفه في سويسرا
كفاية ضرائب الطريق الى الآن (3 ايام) فاتورة سالك بلغت 50 درهم
وجبة عشاء لشخصين 200 الى 400 درهم
فندق وسط منطقة بناء ب 800 درهم (وجدا محظوظ اني وجدت فندق 4 نجوم وجديد بهذا السعر)
شيء غير طبيعي
غلاء غير مبرر

ياخوان هذا الموضوع طرح بكثره وبعدة اشكال فماله داعي نكرر في هذا السياق الامر معروف وظاهر للعيان دعوننا لاخواننا ان يعينهم الله

بس اللي انا اشوفه ان البلد تستاهل ..
يعني انا ما ادفع الدبلات هذي على قولتكم يا اخواني على شي ما يسوى..
فنادق راقيه .. شوارع واسعه و حتى لو فيها شغل و بناء ما تحس من التنظيم ..
مطاعم راقيه و نظيفه.. اسواق ماعليها كلام..
و يكفي انها مدينه عربيه و خليجيه و قريبه..
و فعلا انا احس فيها كأني برا من كثر ما هي راقيه و هذا اللي نفتقده في اغلب ان لم يكن كل مدننا العربيه..
هذا رأيي.. و الله المستعان
تحياتي للجميع

السلام عليكم
والله شو نقول لك يا اخوي
نحن اهل البلاد نعاني من الغلاء اللي كسر ظهورنا
ومثل ما يقولون هذي ضريبة التطور والنهضة
الله يرحمنا برحمته
بس بصراحه اخوي انا اشوف الامارات ارخص من كثير من الدول
مثال على ذلك تركيا كنت آخذ كاس الشاي ب 4 دراهم تقريبا او ليره وحده
بس الشاي عندنا 75 فلس
وسندويتش الشاورما عندهم ب 3 ليرات اي 12 درهم تقريبا
وعندنا ب 3 دراهم
(طبعا الاسعار تختلف من مطعم إلى آخر وعلى حسب تصنيف المطعم اذا كان راقي بتكون ب 5دراهم او 6)
وعمار يا دار زايد
والله يحفظ شيوخنا ان شا الله
ويحفظ شعب الامارات
إماراتي ... إماراتي ... إماراتي وكلي فخر ... إماراتي

مشكورين يا اخوان والله على الافادة لاني كنت ناوي ذا الاجازة اجازة عيد الاضحى نجي ان شاء الله انا والعائلة وخططت اني اسكن في الشارقه لانها على كلام الاخوان والاخوات اللي هنا ارخص من دبي وسويت ميزانية للطلعات والتمشيات والحمدلله

الحمدالله على كل حال .. مهما قلنا تظل دبي مدينة التطور في الخليج .. جميله بسوقها بأهلها بشوارعها في بناياتها .. بكل شي .. .. تستاهل كل خير .. ..

شبيك لبيك
ضبط حساباتك و ميزانيتك و كل شي بيصير تمام ان شاءالله

ميزانية اسبوع بدبي = ميزانية 10 ايام او حتى اسبوعين بسويسرا .
غلاء الاسعار (و خصوصا اسعار السكن) غير مبرره ابدا

يا اخوان ويا اخوات
لازم ضروري يعني تسكن في دبي حبكت يعني
اسكن في الشارقه ارخص واحلى وانزل دبي تمشى وتعشى وارجع للشارقه والمسافه قريبه
وبالنسبه للصرف تستطيع ان تصرف في اليوم 500 وتستطيع ان تصرف 5000 الاف كل ن على حسب مصروفه
وشد الحزام طيب
وبدون قصور في دبي واهلها
انا استغرب تماما من العوايل السعوديه تروح دبي ياخي عندنا بالسعوديه خير اشهر االاسوق والماركات والطبيعه وانواع المناخ بارد حار دافئ
هل تعلمون اخواني واخواتي انه في هذا الوقت بينما الجو صقيع ((برد )) بالرياض والشرقيه واغلب دول الخليج
ان مدينه جده لازالوا يشغلون المكيفات خاصة في النهار وبالليل الجو ياسلالالالالالالالالالالالام سلم
ومن مدينة جده باتجاه الجنوب الى منطقة جازان الشريط الساحلي ((تهامه)) الطقس دافئ وجميل ومناطق سياحيه على البحر روعه
واسعار مناسبه وقرى تمتزج بثقافات متنوعه واللى يذهب اليها لاول مره صدقوني راح ينبهر -- ماهي دعايه بقدر ماهي حقيقه
أخيرا اتوقع لمدينة دبي بعد فتره انه مايقدر احد يعيش فيها من الغلاء المفاجئ
الا بشد الحزام على الاخير ويمكن ينفع ويمكن ماينفع
تحياتي