الإعرابي 411
20-04-2022 - 07:42 pm
سيداتي .. سادتي ..ايها المسافرون العرب
ايها الشباب السهارة .. عشاق الترحال ..
ايها الشعب الكريم
البعض يعرفني اني الاعرابي 411 احد الاعراب المنطلقة الى الغرب .. الاوربي
سبق وذهبت لالمانيا قبل 7 اشهر واذكر ان الاخ علي "طير شلوى "
ماقصر معي وتوجيهاته لي كانت مرشدا ودليل ..
واليوم
(جيتك خافق القلب ولهان ) >>>فاصل
قرر الاعرابي وبكامل الحالة المقررة شرعا التوجه يوم 2-2-2011
الى دوسلدورف عبر فرانكفورت .. وتعرفون الاعرابي بخديه المفلطحين ودمه العربي الحار .. لم يسبق له وشاف ثلج
وش رايكم ويش نسوي
ومن سبق وراح في فبراير .. يقولون ان السيارة الصبح كود تحفر عنها
وكم تبعد دوسلدورف عن فرانكفورت .. يعني لازم امرح ليلة بفرانكفورت بعد السفر ولا ممكن اواصل واخلي حجزي من اوله بدوسلدروف
علي ياعلي .. فرصتك .. مارحت معي المره الاوله .. اليوم كانك بتخاويني خلنا نشب الدافور على طريق دوسلدورف .. وترا دله فرانكفورت اللي قبل اشهر مازالت معي والكاتم ... يتستس ...
خلني اخليك تضبط الدله وانا اضبط رجل الثلج بالبرحه
ونكون اول من اقهوى العريبيان كوفي وهو يبني رجل ثلج ..
تراكم مواعدني ياعلي .. روح معي خلني اذبح لك خروف من خرفانهم اللي تميع من العشب ..يم يم
(عريبيا قوة العبور الى الغد )
وختاما .. اي نصائح عن البرد وطرق التعامل معه .. وخصوصا في القيادة .. شكلي ماني عارف اسوق .. فرصه نفحط بالثلج
((بالعربي هل سنعرف نسوق بالثلج ولا صعبه ))
وهاهو الاعرابي 411 ينتظركم
على سن ورمح رابط شنطته والكاتم ودلته .. وان حمستوني اكثر اخذت الفروة ..
بانتظار تواصلكم
اذا حبيتو منتجع ثلجي ومديه اولمبيه ثلجيه فهي غارمش وجبلها زبتك .. الرائع وفيها الفعاليات الشتويه المتنوعه .. وهي بتجاه ميونخ العكس تماما من دوسلدروف .. وممكن ضم معها النمسا وريفها وثلوجها وجبالها ..
ثانيا توقيت السفر ما يشجع على القياده وخصوصا اذا صادف عواصف واجواء غير مستقره ..
من فرانكفورت الى دوسلدروف ساعتين وربع بالسياره ... ممكن بالقطار دايركت .. مع تفضيلي راحه يوم بفرانكفورت بالوصول والعوده ......
طبعا لو نعرف كامل مدة الرحله وهل هي فقط لدوسلدروف .. وللعلم الكثير من الفعاليات بتحصله مغلقه ..
ويشرفني والله اني اذهب معكم .. جربت من قبل كم سنه وكانت الاجواء بارده جدا والمدينه شبه ميته
تحياتي لك وتشرفنا في مسافر مثلك وعضو