الحجز يكون من الآن لضمان السعر الجيد
و اذا اعطيتي احد ورقه الداخلي راح يدلك عليها بسهوله وهي مو صعبه لكن كثير المشي لها و تروحوا نفس اجرائات السعوديه تقصوا البوردنج
ولاتقلقوا

اها يعني يكفي اني اوريه ورقة الحجز الداخلي وهو يدلني ع باقي الاماكن <~ يارب نلقئ احد متعاون
الله يجزاك كل خير
اي اكيد الحجز المبكر غنيمة ؛)

سبحان الله نفس الوضع
متورط زيك اول مره اسافر ولا عندي لغة
بس على الله

هلا أختي وتامرين أمر :
الوصف الدقيق والممل ... داخل مطار اتاتورك عند وصولكم بالسلامه بتمشون مع الناس عبر ممر حتى توصلون صاله فيها يتوجهون بعض الناس للجوزات مباشره أنتم في اللحظه هذي
تتبعون اللوحه الارشاديه للتفييز .. لتختيم تأشيرة الدخول ( VISA ) .
واذا خلصتوا من التختيم ودفع رسوم الفيزا وهي 20 دولار لكل جواز .. تتوجهون للجوازات للتختيم ولوحتها الارشاديه ( PASSPORTS ) واذا خلصتوا من الجوازات
تروحون لاستلام الشنط ومكتوب لوحه على السيور المتحركه رقم رحلتكم واسم الشركه الناقله اللي على البوردنج .
بعد استلام الامتعه والخروج من البوابه الأولى قبل لا تطلعون للشارع بتدخلون على صاله فيها محلات تأجير السيارات اول ما توصلون هالمكان تلفون يسار
وتمشون جنب المحلات اللي عاليسار وتمشون بيجيكم صعود سللم كهربائي ممر
تمشون معه بعدين يلف بكم اجباري يمين تمشون سيده الين يلف اجباري يسار وبعدها تكون دخلتو صالة الرحلات الداخليه ولوحتها الارشاديه ( DOMESTIC )
الحين انتي في الصاله واول شي بتلاحظينه مكتب على يسارك فيه موضفات بس ماني متأكد يمكن الخطوط التركيه أو اونور أير عموما اللوحه للخطوط التركيه ( Turkish Airlines )
اذا ما هي هي بتكون قدام شوي مسافه يعني في الوجه
اذا خلصتو من قص التذاكر تتوجهون للكونترات اللي خلف المكتب الاول اللي قلت لك عليه هناك الخطوط التركيه يستلمون منكم الامتعه وتقصون البوردنج وتمشون سيده لدخول الصاله وتدورون البوابه اللي معكم رقمها .
وفيه نقطه مهمه دائما في مطارات تركيا أنتبهو لها :
دايم شيك على رقم الرحله ورقم البوابه في المونتر الشاشه اللي موزعه في انحاء المطار .. السبب في لحظه وبدون سابق انذار يغيرون رقم البوابه
وانت جالس تنتظر في مكان وبوابتك في مكان ابعد ويروح الوقت وانت يا غافلين لكم الله
فكل عشر دقايق انتضار حاول تشييك على الشاشه ورقم رحلتك مع رقم بوابتك ووقت الاقلاع .
ورحله سعيده يالريم .

ي اله ربي يسعدك ي قيصر والله ماتوقعت اني راح القئ مثل هالاجابة الشافيه
ربي يفرج همك والله
شكرا يالذيب

تستاهل تكون عمدة لهالقسم والله
كل مااستفسرت الاقي الفزعه منك
عن جد احرجتني ب طيبك :& ربي يوفقك

وش دعوى يوخيتي ما سويت شي
ومشكوره على الأطراء .. والعموديه أخر همي
ويكفيني دعواتكم : الحمدلله ماضاقت بالواحد اللا والله فرجها : دايم أربطها بدعوات صادقه من أخواني وأخواتي
يارب الله ييسر لكم أموركم في حللكم وترحالكم وتردون بالسلامه .. يالريم