الحمد الله على سلامتك
وعجبني فيك الرضاء بالقضاء والقدر
والله يوفقك يارب

الله يسلمك من الشر
والحمدالله على كل حال

الحمد لله على السلامه وسلامات على بنتك
ونحن في الإنتظار

الحمدللة والثناء لوجة جلالة كما ينبغي على سلامتكم وعودتكم الميمونة .
اختي العزيزة أم ريان بداية أشكرك من كل قلبي على الاطراء والشكر الذي أتمنى ان أستحقة
عاهدت نفسي أن لا أبخل وبحدود امكانياتي ومعلوماتي المحدودة على رواد وأعضاء المنتدى نظرا لما أجد الصدى الطيب منهم والتفاعل ازاء الردود مما يكسب لدينا جميعا الخبرة الكافية واثراء معلومات كانت مجهولة ومبهمة ولعلي من أكثر المستفيدين من هذا التفاعل بحيث نالني النصيب الوافر من منهل المنتدى بالعديد من المعلومات التي كونت لدي الخبرة الوافية في باريس وأوروبا بشكل عام .
أكرر شكري لأختي العزيزة أم ريان والشكر موصول لكل من قال كلمة طيبة في حقي
وفقكم اللة جميعا لما تبتغون ويرضى
ونحن في انتظار تقرير أم ريان لأنني أعلم ببعض سيناريو رحلة العيد الباريسية
تقبلوا حبي للجميع
أخوكم / أبوفواز
من الكويت ( للتو وصلتها من دولة قطر )

الحمد الله ع السلامة اخوي

الحمد لله على سلامتج وسلامة ريونة الحلوة وان شاء الله استانستوا وريونة استانست في ديزني اهم شي.

um kenaz
الله يسلمج ويسلم غاليج اختي مشكورة ما قصرتي وان شاء الله اني مو مطوله عليكم
qatar2007
الله يسلمج حبيبتي وانتي بعد ما انسى فضلج في سفرتي مارس 2009
abofawaz
هلا والله باخوي العود
الله يسلمك من الشر
خلاص حسبت عمرك وطلعت اكبر مني ب 8 سنين
لول اي والله يا اخوي عندك علم باحداث التقرير كله والله
hmoodi
افا وانا اختك نسيتني وسويتني اخوك وهذا وانا كنت ذابحتك اسئله
بس يالله ماعليه والله يسلمك من الشر
fab u lus
الله يسلمك من الشر ما قصرت
وريون حده استانست في دزني شرت ملابس البرنسس كلهم وصورت مع جميع الشخصيات
وبالتقرير ان شاء الله بقولكم المزيد
ومشكورين جميعا ونطروني

الحلقه الاولي
مرحبا فيكم جميعا
انا ماراح اقول جزء لانه موضوعي عبارة عن حلقات ماراح اذكر كل تفاصيل الرحله راح اذكر لكم بس بعض المواضيع
الصغيرة الي اتمنى تضيف شي جديد للمنتدى مع اني واثقه انه منتدانا مو ناقصه شي بس نوع من رد الجميل لك كلكم
وبسبب حبي لكم وحبي انكم تشاركوني رحلتي السعيده
اول شي الرحله كانت على طيران الخليج
سبب اختيارنا لهذي الخطوط اهو ان ماشاء الله ماكان في ولا رحله من الكويت لباريس في هذا التاريخ الا على طيران الخليج
طبعا مو بالمتسوى المطلوب ولا انصح بتاتا فيه
سعر التذكره كانت 275 للشخص الواحد
وطبعا السبب لانه حجزنا قبلها بفتره قصيرة جدا
لو حاجزين من زمان كانت راح كون ارخص وايد
طرنا من الكويت الساعه 10ونص ووصلنا باريس الساعه 7 الصبح الاقلاع والوصل كان بالوقت المحدد من غير تاخير
وتوجهنا على طول لفندقا في دزني الي اهو Magic Circus
تقيمي للفندق بالنسبة لسعره 9 من 10
اخذنا تاكسي وكلف حسب العداد 80 يورو
وصلنا الفندق الساعه 9 الصبح وكان موعد استلام الغرفه الساعه 3 ولا في اي غرفه فاضيه ممكن يساعدونا ويعطونا ياها
بس الموظفين كانو جدا متعاونين وبلغتهم انه مكتب السفريات مبلغهم انه الجك ان ارح يكون مبجر فقالو اوكي لغاية الساعه 10 ننطر وبيعطونا الغرفه ويشكرون طبعا على هذي الحركه
وقعدنا نتمشى بالفندق وحديقة الفندق واتركم مع الصور
اول الشي صورة الغرفه من الانترنت اوكي لاني ما صورتها
الغرفه كانت واسعه ومريحه
في سخان ماي وشاي وشكر
بس مافيها ثلاجه :"(
بس في كل دور في ثلاجه كبيرة تبيع كاكاو وبيبسي و ماي وجذي
وثلاجه للثلج مجانيه
اللوبي في العاب بسيطه للطفال وهذي صورتها من الانترنت بعد
هذي مثل خيمه فيها كور للاطفال
وفي حمام سباحه
مطعم الفطور
والحين بخليكم مع صوري واتمنى تعجبكم
صورة الفندق من برى
منظر الي تطل منه غرفتنا
هذي صورة المطعم من شباك الغرفه
وهذي البحيرة الي يم الفندق
هي مو كبيرة ترى صغيرة
يمكن تحسون اني عطيت الفندق اكثر من حجمه الفندق نفسه ومرفقاته عاديه جدا مثل ما قلت مناسبه جدا للسعر
الي عجبني حديقة الفندق المنظر الي تطل عليه الغرفه صحيح راحه واستجمام
اتمنى يعجبكم وعطوني رايكم
اتظروو الحلقه اليايه مع دزني وتقبلوو تحياتي