s3odeya-89
20-11-2022 - 10:23 pm
والله أحبك يآ قطر ، قد السمآ و قد البحر ، و قد الصحآري الشآسعه ، و قد حبآت المطر
و أحب هبآت النسيم ، من دوحتك والله العظيم ، و أحب أنآ بو مشعل حمد ، و أحب ولي عهده تميم
مساكم الله بالخير يا أهل قطر الكرام
كيف حالكم ان شاء الله الجميع بصحه وعافيه
انا من زمان كان بخاطري ازور دولة قطر و أتعرف عليها و على اهلها ، لانو هي الوحيدا اللي من دول الخليج ما شفتها
فا احنا ان شاء الله ناوين نزوركم لمدة اسبوع بإذن الله بس لما نعطل P:
لكن للاسف الشديد مانعرف ولا حاجه عن قطر
ام ياليت تساعدوني اذا ماعليكم أمر ، لعائله مكونه من 7 افراد و 3 اطفال من ناحية :
1- الطريق .. ياليت توصفولي من الرياض ل قطر ..
2- السكن .. ايش افضل شقق فندقيه تكون نظيفه و اسعارها مناسبه ..
3- المجمعات وكذلك الاسواق الشعبيه ..
5- أماكن ترفيهيه للاطفال ..
6- اماكن ترفيهيه للبنات ، يعني انا و خواتي الشابات ههه ، قصدي انو هل فيه اماكن ترفيهيه مخصصه للنساء ؟! او حاجه نستانس فيها نحن البنات اللي بعمر الزهور غير المجمعات ..
7- انا اعشق شي اسمه اشيائات تراثيه ، فا ابيكم تدلوني اذا ماعليكم كلافه على متاحف للتراث القطري و مطاعم تبيع اكلات شعبيه قطريه ..
8- الريال القطري كم يعادل الريال السعودي ؟
و هذا مافي جعبتي لول ، أبغى اعرف كل شي موجود بقطر الحبيبه $:
آسفه ع الإطاله .. بحفظ الرحمن
1- الطريق .. ياليت توصفولي من الرياض ل قطر ..
والله ماعرف اوصف بس في موضوع عن وصف الطريق من الرياض لين قطر
2- السكن .. ايش افضل شقق فندقيه تكون نظيفه و اسعارها مناسبه ..
عندق شقق رتاج الريان وشقق كمبنسكي وطبعا كلهم مايعلى عليهم من حيث المكان والموقع والفخامه واسعارهم جدا حلوه وهم جمب بعض تقدر تشوف ذي وذي والي يعجبك اسكن فيه وعلى شقة كمبنسكي يقع في منطقة الابراج وهو تقريبا اطول برج في قطر وفليل يشغلون عليه ايضاءات صفر يعني ينعرف مايضيع3- المجمعات وكذلك الاسواق الشعبيه ..
المجمعات راح اقولك من اضخم الى اصغر 1 - سيتي سنتر 2 - فيلاجيو مول 3 - لاند مارك 4 - حياة بلازا 5 - ذا مول 6 - رويال بلازا وطبعا اذا تبي اللاشياء الشعبيه هناك شي واحد وماشاء الله روعه اسمه سوق واقف
5- أماكن ترفيهيه للاطفال ..
شوف اذا بتجي في شهر سبعه راح يكون هناك موعد افتتاح المدينه المائيه واسسمها اكوار بارك قطر بس اذا مسكره عندكم في كل مجمع مدينة ترفيهيه لاكن افضلها 1 - جنغل زون في مجمع حياة بلازا 2 - جوندلينيا في فيلاجيو مول بس اغلبها ذي المدينه كلها الاعاب للكبار6- اماكن ترفيهيه للبنات ، يعني انا و خواتي الشابات ههه ، قصدي انو هل فيه اماكن ترفيهيه مخصصه للنساء ؟! او حاجه نستانس فيها نحن البنات اللي بعمر الزهور غير المجمعات ..
معلومه وحطيها في بالك قطر مافي شي اسمه نساء كله مكس في مكس يمكن يوجد عائلات لاكن للنساء لا بس مثل ماذكرت في ممدينة مائيه راح يفتحونها في واحد سبعه اعتقد اسمها اكوا بارك قطر وفي يوم مخصص للنساء بس يوم الثلاثاء راح يكون فقط وعندك مدينة ترفيهيه في فيلاجيو جدا حلوه
7- انا اعشق شي اسمه اشيائات تراثيه ، فا ابيكم تدلوني اذا ماعليكم كلافه على متاحف للتراث القطري و مطاعم تبيع اكلات شعبيه قطريه ..
المتاحف : 1 - متحف الفن الاسلامي 2 - متحف قطر 3 - متحف الفوتوغرافي
اكلات شعبيه واشيا روححو سو واقف لانه سوق يشمل كل شي يعني سوق فخم بس كتراث ومشهور في الاكلات الشعبيه ولاتنسون اكيد فيه فعاليلات
8- الريال القطري كم يعادل الريال السعودي ؟
عشر ريالات سعودي يعني 8 ونص تقريبا ريال قطري
لاتنسون تزورون جزيرة الؤلؤه افضل وافخم مكان في قطر والدخول ببلاش هو جزيرة صناعيه مثل الي في دبي فيها قهواي وممشى واسواق كانك في اوروبا وفييها احتفالايات اصغار
المصطلحات عشان اذا جفتو واحد اجنبي تخلونه يدليكم لان اهل قطر قليلين والاجانب اكثر عشان جي انسخي ذي المفردات
1 - سيتي سنتر ....... city center
2 - فيلاجيو مول ........... villagio mall
3 - لاند مارك ........land mark
4 - حياة بلازا .......hayatt plaza mall
5 - ذا مول ....... the mall
6 - رويال بلازا .... royal plaza mall
1 - متحف الفن الاسلامي ... Museum of Islamic Art
2 - متحف قطر ...... Museum of Qatar
1 - سوق واقف ........ souq waqef
1 - جزيرة الؤلؤه - قطر ........... the pearl qatar
ملاحضه : تره متحف قطر يمكن صيانه عليه قبل لاتروحون اسئلو عنه وبس
وان شالله ماقصرت معاكم اتمنى لكم رحله سعيده ولاتنسين تسويين تقرير عن قطر ولا ازعل عليكم لاني انا تعبت ولازم انتي تتعبي عشاني ههه رحله سعيده يارب