عام المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
مُسافر مبتدأ
30-11-2022 - 03:21 pm
السلام عليكم و رحمه الله و بركاته
يا أخوان .. أنا عارف أنه سؤالي مكرر مليون مرة لكن حبيت تردون علي رد خاص لي .
أنا مُسافر مبتدأ و جديد .. ولا عمري سافرت و أنا كبير .. كل سفراتي و أنا صغير و لا كنت أهتم
للأسعار ولا الإقامة ولا غيره .. كنت لاحق الماما و البابا و ساكت ههه .
قررت أسافر مع 3 من الأصدقاء (أنا الرابع) ..
عندي مبلغ 1000 دينار كويتي , يعني تقريباً 13000 ريال سعودي
(المبلغ و الحسبه لي أنا فقط .. شامل كل شئ تذكرة سكن مواصلات الخ)
3ألف ريال سعودي .. يكفون ل سفرة مدتها أسبوع أو أكثر بيوم يومين ؟
أو أوفر مبلغ أكبر ؟ ال 13 ألف تسفرك أوروبا لشخص واحد شامل كل شئ مع التذاكر ؟
للعلم أنا لا أهتم للتسوق أبداً ولا يهمني أمور التسوق
مسافر ل
1- المشي و رؤية بلاد جديد
2- الطبيعة و الجو الجميل و هذا أهم شئ
3- الرحلات و الترفيه بشكل عام .
ف بالنهاية 13 ألف تكفي ؟
شامل كل شئ من باب بيتنا إلى باب بيتنا
ورجاءاً إذا كان المبلغ قليل لا تضحكون علي
تراني مبتدأ و صبروا علي بكرة أصير خبير
وللعلم
أفضل أوروبا ثم آسيا
أما الدول العربية بعدوني عنها
ملاحظة
يا أخوان تكفون لا تقولون لي روح الأقسام و دّور
ما شاء الله عشرات الأقسام و مئات المواضيع الواحد يضيع
دلوني على دربي و أنا أروح ل قسم الدولة .
مع السلامة


التعليقات (6)
cash2000
cash2000
حياك الله يا مبتدأ ، انصحك تروح تايلند فلوسك راح تكفيك وتطخطخ بعد او اندونيسيا ، وطبعا لا تنسى تروح للقسم الخاص بالدولة اللي يستقر رأيك عليها للاستفادة من تجارب الاعضاء الكرام

فيصل
فيصل
انت قولنا ربعك بيوافقون علي الدوله االمقترحه
اجلها شهر وخلها بمنتصف سبتمبر وروح فرنسا وسويسرا
0دينار تكفيك مصروف يومي بالراحه في باريس وبتلقى سكن تقريبا لك مع صديقك ب 70 دينار يعني سكن واكل بيكون 70-75 دينار
خلينا نقول بتفر باريس كلها بعشر ايام
او شباب تروحون بالباص الي بلجيكا او بالقطار سواء مباشر الي هولندا ام غيرها
انا ابيك بس تقول بك تحصل التذاكر ومتي سفركم بتالضبط علشان نتكلم بواقعيه اكثر

لا تناظرني بعين
لا تناظرني بعين
كل الدول ممكنه وع حسب سعر التذكره بعد
انا وزوجي وطفلي رحنا اسبوعين للنمسا كلفتنا تقريبا 20 الف ريال
ع بالك كل العالم تدفع 100 الف

مُسافر مبتدأ
مُسافر مبتدأ
cash2000
ما شاء الله إسبوعين ل ثلاث أشخاص بالنمسا كلف 20 ألف ريال فقط؟
ولا تلوميني إذا خفت من الأسعار لأنه قبل كم سنة كنت أسمع أنه فرنسا بلد غالي جداً
لدرجة أنه بطل المياه في فرنسا أغلى من سعر وجبة كاملة بالدول الخليجية .
لكن واضح أنه كلام مبالغ فيه .
شكراً على الرد

بـدوون اسسم
بـدوون اسسم
شوف انا رايح امريكا شهرين ب 13 الف ريال سعودي !
والحمد الله كفتني
بس لازم تعرف اني ال13 الف ذي بدون سعر التذكرة وان السكن كان مجانا الا 1000 ريال حق فندق في فلوريدا
يعني مادمكم 4 وناوين اسبوع ويومين رح البلد اللي بخاطرك
السكن بيكون قطة بينكم انتو ال 4 يعني راح توفر واجد .. و وشيل من المبلغ فلوس التذكرة بيصير معك تقريبا 9000 صافي .. يعني مبلغ كبير وتسوي اللي تبيه
يعني توكل على الله ورح المكان اللي تبيه

لوفتهانزااا
لوفتهانزااا
والله شوف ياخوي
رفيجي بالكويت سافر لفرنسا واسبانيا 7 أيام موزعه بين هالدولتين ويقولي معاه 1000 دينار للشخص وكفة وزود بعد
ولا خلو مكان مازاروه
وفيه واحد بالمنتدى هني راح لبرشولنه ومعاه 7000 الاف ريال وأدت الغرض وزود وجلس 6 أيام
فيعني ماعندك مشكله دامك وصلت الالف دينار توكل على الله
الناس مشكلتها بالسفر التسوق مكلف جداً
بالنسبه للفنادق تلقى رخيص جداً بمواقع الانترنت ومع استخدام الباصات والمترو مااتوقع تبي تكلفك
والله ييسر امورك يارب


خصم يصل إلى 25%