فندق " AB Skipper Hotel " .. يقع بالقرب من حديقة ZOO للحيوانات
ويبعد عن شاطئ برشلونة .. 300 متر ..
وأقرب محطة مترو للفندق .. Ciutadella Vila Olimpica
موقعه حلوو .. وهادئ
بحثت ولقيت .. فنادق قريبة من الفندق المراد
اضغط عليهم .. وتأكد من الموقع والاسعار ..
https://www.booking.com/hotel/es/arts-barcelona.html?aid=1300939

اخوي ابشرك القطريه عندهم خط دايركت الحين حق برشلونه تمتع بالرافهيه صراحه

يزاكم الله خير
سؤال ثاني لو سكنت في شارع لا رمبيلا افضل ؟ يعني الشارع قريب او بعيد و كيف انتقل من الشارع لى الفندق الي فيه مؤتمر ؟؟
مافيه هناك مكاتب سياحية تنظم لي رحلات داخل برشلونه ؟ يا حبذا لو عربية او ناس يتكلمون انجليزي

" H10 Marina Barcelona "
هالفندق اشوف سعره ممتاز
شو رايكم اسكن فيه او احجز في شارع لا رمبيلا و احضر المؤتمر بالتاكي لمدة يومين ؟

ممكن موقع خطوط الجوية القطرية عشان احجز معاهم ؟ ويلا تنصحوني احجز عن طريق مكتب سفريات

إعمار
أكيد السكن في شارع الرامبلا.. او في ساحة كاتالونيا .. أفضل
لانك بتكون في وسط المدينة .. والمنطقة هذي حيوية طوال اليوم ..
يوجد مكاتب سياحية .. لكن من الافضل انت من تختار الاماكن ..
وصراحة أحس انك متسرع بقوة ..
اقراء التقارير .. لانهاا راح تساعدك كثير
وفيها صور لفنادق من سكن الاعضاء .. والاماكن .. وغيرها
خذ فكرة كاملة عن برشلونة .. بقراءة التقارير ..

إعمار
السكن في الرامبلا .. افضل
ويكمن الانتقال الى فندق المؤتمر .. بالمتروو + شووي مشي

زين ممكن موقع فندق ممتاز في شارع الرامبلا والسعر يكون معقول (اهم شي الراحة بعدين السعر)؟؟
قريت كم من تقرير معظم الصور مختفيه وبيني وبينك ياخوي اخاف اضيع وقت ولا احصل حجز بعدين
اريد اخلص كل شي قبل العيد
مكتوب 2 كم من فندق H10 Marina Barcelona لين الرامبلا يعني المسافة قريبا جدا (انا اركض في اليوم 7 كم) !! شو رايك يعني مافي داعي للمترو (ماحب المترو)
انا كنت بحجز لكن سرت صليت القيام و توني راجع و شفت ردك وبزاك الله كل خير..
ماشي مبارايات في هالوقت في برشلونا ؟
انا مخزن عندي الاماكن لابد من زيارتها لكن خايف من شيئين وهم الفندق و المواصلات علما انا بكون لوحدي
شو عن المواصلات من المطار لين الفندق او لرامبلا ؟ اخذ تاكسي او مترو او باص او الفندق عندهم شاتل.... بصراحة انا غير معتاد على الدول الاوروبية كل سفراتي لامريكا ودول شرق اسيا..
يزاك الله كل خير ياخوي و شكرا على طولة بالك

بالنسبة للفنادق في الرامبلا .. أرشح لك
Hotel 1898
Le Méridien
Rivoli Ramblas
هي الافضل .. بس طبعا غالية
في فندق أنا عاجبني مكانه.. أمام ساحة كاتالونيا .. Olivia Plaza Hotel
.. بالنسبة للمتروو .. بالعكس سهل وايضا حلوو
في موضوع كامل وشرح له .. سبق ان كتبت عنه .. تلقاه في دليل المدن
وبالنسبة للمباريات .. مافي للاسف في أسبانيا كلها في هالوقت .. بسبب التصفيات الاوربية
واستخدم التاكسي من المطار الى الفندق .. بياخذ عليك تقريبا 21 يورو
والمواصلات .. بالعكس سهلة جدا.. وطبعا اهمها المتروو .. صدقني ماتتخيل سهولته.. والباص السياحي ايضا
والتاكسي لاتحاول تستخدمه الا الى المطار ..
وأي مكان .. ودك تعرف كيفية الوصول له .. علمني .. وانا اوضح لك كل شئ