سهم الغدر
30-10-2022 - 07:06 pm
السلام عليكم
انا ان شاء الله رايح باريس تاريخ 12/7 يعني بعد كم يوم وعندي كم سؤال ابي منكم الرد السريع اذا سمحتوا
1/ بخصوص شريحة الجوال سمعت ان في كرت جديد للمكالمات الخارجية هل هذا صحيح؟
2/ بخصوص النت في باريس انا عن نفسي اتأذى يوم اشبك من الفندق لان تكلفته عالية والسرعة تعبانة فهل عندهم في باريس خدة البرودباند للسياح؟؟ اقصد يعطوني القطعه والشريحة كأجار اسبوعي مثلاً؟؟
3/ بخصوص ديزني انا عن نفسي رحت القرية من قبل بس مارحت للأستوديو وانا ابي احجز الاستوديو هالمرة بس قريت في بعض المواضيع ان الاستوديو صغير فهل تنصحوني اخذ تذكرة للحديقتين؟؟؟
4/ بخصوص هضبة مونمارت انا رحت لباريس اكثر من مره بس ولا مره فكرت اروح الهضبة ومن ردود الاعضاء لاحظت ان الهضبة اعلى منطقة في باريس ؟؟ هل تسلقها يكون بالدرج ولا في طريق للسيارات او التيلفريك؟؟
5/ عطوني منطقة أو مجمع للتسوق فيه تخفيضات كبيرة غير وسط باريس ولا فالي فيليج الي عند ديزني؟؟
6/ افضل الاماكن الي اقدر اجرب فيها الافطار الفرنسي ؟؟
ويعطيكم العافية
بالنسبة لشريحة الجوال مافية شي من الكلام اللي تقول الشريحة متوفرة بحدود 30 يورو مع جهاز موبايل صغير هدية وبالنسبة للنت فاللي اعرفة انك تشبك من الفندق فرري ببلاش (دائما احب اسكن شقق لانها اريح من الفنادق وفيها نت خاص بي ) والقطعة اللي تبي انسى امرها لانها لازم اشتراك سنوي تشتري القطعة بحدود 300 يورو واشتراك شهري ب 24 يورو
مونمارت تقدر تصعدها بالدرج لاني ولا مره صعدت بالاسانسير
مجمع الفصول الاربعة في اللاديفانس انصحك فية