1. سؤالي1 : كيف هي طريقة الحمامات في هذا المنتجع؟؟

السلام عليكم
اول شي احب اشكر جهودكم في هذي البوابة ,,, والي كان لها اثرها الكبير بالتعريف عن الجزر وما يتعلق بها من معلومات مفيدة ونافعة
انا عندي 5 منتجعات للمالديف الي رسيت عليهم بعد بحث لمدة اسبوع تقريبا ,,, ابي منكم لو سمحتو تعطوني فكرتكم عن كل منتجع وايش الافضل بالنسبة لنا نسكن فيه
طبعا اعتمدت في البحث الرئيسي ان المنتجع يصير فيه مسبح خاص ,,, وبعد ما خلصت البحث ومت من التعب انصدمت زي مرح تنصدمون ان امي فجاه يوم وريتها المنتجعات ودرت ان الحمامات ( الله يكرمكم) مكشوفة طلعت الفرمان انها مرح تروح المالديف دام ان الحمام كذا ,,, انا ام الصدمات الي جاتني من وين اطلع حمام مسكر من كل الجهات ,, طبعا عدت البحث مرة ثانية لكن هالمرة كان البحث عن الحمام المغلق ,,, وتخيلو التعب اني اعيد افتح كل منتجع واقرا او اشوف اذا الحمام مغلق ولا لأ ,,, والله اني ضحكت على نفسي الناس يتناقشون ويتفرجون اذا الغرف حلوة او فخمة وانا واختي نتناقش اذا الحمام مسكر ولا لا !!!,,,بس كل هذا في سبيل ان احنا نروح المالديفاول منتجع :taj exotica
سؤالي: انا شفت فيه مسبح خاص لكن صاير مكشوف عالشاطئ تبع هذا النوع من الغرف Deluxe Beach Villas ,,, ما ادري المسبح صاير خاص او لا ؟؟؟ ما فهمت صراحة !!!!!! يعني البيتش خاص فينا وبكذا بيكون المسبح خاص ؟؟؟ ولا البيتش عام ممكن اي احد يمر من عنده وبكذا يكون المسبح مو خاص ؟؟؟
سؤالي 2 : قريت ان المنتجع يعتمد في الفطور على منيو مو بوفيه ,,, صدق ولا لا ؟؟؟ثاني منتجع : Kurumba Maldives
سؤالي : هل ممكن اختار شكل المسبح الي ابيه ؟؟؟؟ ثالث منتجع : irufushi
هذا المنتجع اختاره لنا وكيل السفريات ,, ولا اعرف عنه ولا شي .. لان الموقع مو موضح بالصور نوع غرفتنا
سؤالي : كيف طريقة او صورة للمسبح + الحمام (BEACH SUITES WITH PRIVATE POOL )
سؤالي 2 : ما هو تقيم المنتجع كويس او لا ,, لاني ما قريت اي موضوع يتكلم عنه ؟؟؟رابع منتجع: Diva, Maldives
عجبني شكل المنتجع
سؤالي : ما هو تقيم المنتجع كويس او لا ,, لاني ما قريت اي موضوع يتكلم عنه ؟؟؟خامس منتجع:island hideaway

سؤالي1 : كيف هي طريقة الحمامات في هذا المنتجع؟؟

سؤالي2 : ما هو تقيم المنتجع كويس او لا ,, لاني ما قريت اي موضوع يتكلم عنه ؟؟؟هذي المنتجعات الي لقيتها وتناسب متطلباتنا ,,,, ما اردي اذا في غيرها وافضل منها وما ادرجتها هنا ,,, ادري اني كثرت عليكم بس لازم والله ارسل المنتجعات الي نبيها الاسبوع هذا للوكيل حتى يحجزها ,, وانا الحين اصلا مرة متاخرة,,, والمشكلة انا الي ماسكة الحجز فابي المنتجع يكون حلو وراقي ويناسب عائلة ,,, لان كل شي بيطيح على راسي لو طلع شي خطا
(((طبعا لقيت منتجع عجبني ستايله وحلوة الخيارات حقته بس طلعت مشكلة حماماته -الله يكرمكم- في الهواء الطلق الي هو soneva fushi ,,, انقهرت!!)))
اتمنى انكم تساعدوني في الاختيار ولكم مني الدعاء بالتوفيق والسعادة
شكرا لكم مقدما