السلام عليكم ورحمة الله وبركاته
اولا : موضوع يعتمد علي وجهة نظري الخاصه ومن ناظري انا شخصيا قد تتوافق مع غيري وقد لا تتوافق
علشان يكون في عقلانيه في الرد علي الموضوع من الاخوان ..
نتئمل في ( فكرة السفر والدراسه في الخارج اذا كانت فقط لاكتساب اللغه الانجليزيه فقط )
أنا لحظة فئة كثيره متواجده في الخارج للسفر واثر ذلك ( خسارة فلوس خسارة وقت ) والمصيبه
من غير ( هدف معين للوصل اليه ) يعنى ناخذها في العاميه اكثر شخص مسافر ومكلف اهله المبالغ
الفلانيه ومحمل وزره علي غيره وفي الاخير مايطلع في نتيجه .. واذا سئلته عن الاسباب قال
اللغه بحر ولا تجي في شهر ولا شهرين ولا ست شهور .. يعني الانسان الي اخذ اللغه واكتسبها
في فترة سنه نفرض او في فترة ست اشهر وكانت له متابعه من قبل في اللغه يعني هذا معجزه
ولا انسان مختلف عن شخصك ولا عقليته تفرف ولا شخص (( كان عنده هدف وجاء لتحقيقه ))
انا الصراحه استغرب كثير وخاصه الي جاي علي حسابه وهدفه فقط لغه لاغير يعني لاهو جاي
بعثه علي حساب الدوله جاي علي حاسبه وحساب اهله المساكين ومضيع وقته في جمعات
وطلعات وجلسات عرب في عرب والايام تمشي والمده تخلص ويجي في الاخير مايطلع في شي
طيب عزيزي وين الاسباب الي سويتها ولا هاذي اسبابك جمعات وطلعات والمشكله مع عرب
يعني لا انت الي طلعت مع اجانب ( مارسة لغتك معاهم واستفدت من كلمات جديده ولا انت الي
ذاكرة واستفدت ) وفي الاخير وش تكون النتيجه (( صفر للاسف )) ..
انا انصحك اي شخص طالع للسفر وخاصه ( يبي لغه ) ولا فيه خطه معينه راح يمشي فيها ويشوف
نفسه والله اني راح يرتخي ولا راح يصبر ويتعب يجلس عند اهله احسله والله وفيه معاهد ولا اروع
في السعوديه وتدريس جدا قوي وواضح من هنا خاصه في النطق وسرعة الكلام واجلس مع اخوياك
واطبخ وانفخ واطلع علي كيفك
انا الصراحه دايما اقول الله يعيين الاهل الي عيالهم مثل كذا لانهم من جد خسرو علي غير فايده
الله يعوضهم بس .. قالة شخص هنا جالس ( ثمان شهور مايعرف يفرق بين can -- could واساسيات
في القرمر مايعرفها حتى اسمه يغلط فيه اذا جاء يكتبه ) وش نظامه شقة سعوديين مع بعض وضحك وجمعات وعزايم والطاسه ضايعه
الصراحه شي يقهر بس الله يعافيهم ولا يبلانا
وانا اكتب الشي هذا ماهو ضحك ولا هو استهزاء بس من باب ان الواحد ممكن يقراء ويعرف قيمة
الهدف اذا كان الشخص راسمله هدف وطالع علشانه ..