ابشر .. أبشر .. أبشر ..
السلام عليكم اخي الكريم
الحقيقة كنت شهر شوال في إيران ومنذ ذلك الحين وأنا أعد بتقرير مفصل عن كل شيء في إيران أتممت ثلاث ارباعه تقريبا والمشكلة الوقت الله يعين!! وسيكون جاهز بإذن الله كحد أقصى منتصف الشهر القادم .
واضع لك بعض المعلومات :
ليه شيراز فقط .. يوجد مناطق كثيرة افضل من شيراز بالف مرة من حيث الطبيعة وغيرها .
الشعب الإيراني شعب مسالم .. وطيب .. على عكس ما كنت أتوقع .. والأمن منتشر ولله الحمد .. وإيران مناسبه للعائلة أكثر من اي بلد آخر لا الشام ولا ماليزيا !! أقصد من حيث الصخب والفساد !!
وأنوي أن اسافر بالعائلة لإيران هذا العام بإذن الله !!
شيراز لم اسافر لها لكن أحضرت معلومات عنها للتقرير .. والفنادق ما هي بالكثيرة .. وليست كذلك بالفخمة .. لأن كل شي صناعة إيرانية .. ويوجد شقق مفروشه .. وكذلك منتجعات أشبه بالاستراحات ..
أنصحك تسافر لطهران ومن هناك انطلق برحلة برية للشمال سترى العجب وستتوقف تكرارا ومرارا .
المطاعم .. تسمع بالمعيدي خيرا من أن تراه .. ليست بالفخامة الي عندنا .. يلعبون علينا .. الطبخ ممتاز والشيش طاووق يسمونه كباب .. والكباب يسمون لقمتي !! يعني مطاعمهم حتى التي بالفنادق ***** نجوم ليست بالجيدة !! الشعبية افضل منها بألف مره .
مدري يا ريت تكون سواليفي هذي فيها فايده
وتسلم يا ابو خليل وش ما تكون !!

مشكور اخوي المغامر و عساك على القوة و الصحه و انا سوف انتظر ردك او موضوعك ان شاء الله .
اليوم سئلت اصحاب لي في العمل و قالوا ان اكثر شي ازعجهم هو ان الناس هناك اجلاف و لا يحبون الغريب والاخوه الى قالوا هذا الكلام من الشيعه عندنا الذين يذهبون بنتظام لزياره الاضرحه ( ادمان) و الحقيقه انى انزعجت بس هم طمائنونى ان الشعب برغم انهم اجلاف بس هم في حالهم ولا يؤذون احد.

بصراحة كان ودي افيدك اخوي ابراهيم بس للاسف ولا مرة سافرت ايران
بس سمعت انها دولة جميلة جدا من ناحية الطبيعة ورخيصه جدا من حيث التكاليف المعيشية
.
.
.
.
بس ها
لاتنسى التصوير نبي نشوف الصور بالمنتدي
اطيب الامنيات بسفرة سعيده وموفقه

اخي الحبيب المغامر
اين انت واين الوعد والعهد
ذكرت لى انك سوف تعطينا تقرير خاص عن رحلتك الموفقه الى ارض فارس .
ارجوا منك ان تتحفنا بماعندك لاننا في اشد الشوق لقرأءت متسطره لنا
خفظك الله و حفظ الله لك مالك و عيالك
اخوك
ابراهيم

السلام عليكم
هنا ..::]

1. قلت استغل الفرصة وحجزت ورحت على حسابي مدة 12 يوم معهم

ابو خليل
سبق لي زيارة ايران العام الماضي وذلك بعد حانت فرصة جيدة وهي وجود بعض الشباب انتداب من قبل الوزراة للمشاركة في احد المعارض الدولية

قلت استغل الفرصة وحجزت ورحت على حسابي مدة 12 يوم معهم

والاخ المغامر له شرح ما شاء الله متوسع حول زيارته .. لكن ان بغيت معلومة خفيفة انا مستعد
وبالنسبة لشيراز زرتها وهي بلد حار .. وتجولت فيها .. وصورت كذلك صور عديدة .. زرت فيها مكان قديم ومزروع بشكل جميل وبعد دفع الرسوم دخول مبالغ فيها لما دروا انا اجانب .. صار ضريح من زين الطبايع !! لشاعر مشهور اظن اسمه السعدي
كذلك زرت مسجد اهل السنة هناك وهو عبارة عن عمارة مفرغة ؟؟ يصلون فيها الفروض والاعياد والتراويح وقمت بتصويره وهم ممنوعون من اقامة ولو مسجد واحد في شيراز بشكل رسمي ..
لكن بفضل الله تم اقامة موقع وصب القواعد لمسجد جديد بعد الاذن له ولكن بمساحة 1500 متر فقط .. والتمويل من قبل تاجر اماراتي جزاه الله خيرا
تجولت في شيراز ثم اتجهت الى الجنوب قرى السنة هناك .. وبلدة عوض المشهوره والتي ينحدر منها الشيخ العوضي
وعشت ايام هناك بينهم وهي بالمناسبة ذكروا انها اول زياره لخليجيين سنة الى هذه القرى السنية من سنين طويلة !!
اظن اني ابعدت عن صلب الموضوع ..
زرت كذلك متحف جميل في شيراز عن الحياة والطبيعة وهم بالمناسبة يسمونه موز .. اي متحف وان تيسر لي نزلت الصور هنا وهو متحف جميل
واذا اردت زيادة او احد الاخوة سؤال خفيف عن الرحلة فاهلا .. وعذرا على الاطالة
اخوكم

1. حدائق الشاه السابق.


2. قمة جبل دماوند قريبة من طهران ومنطقة طبيعية.


3. الشمال :


4. مشهد :


5. مدينة طرقبة في مشهد فيها الجو حلو وصناعات يدوية ايرانية .

السلام عليكم
زرنا إيران مرتين العام اللي فات واللي قبله ...
النصائح تقدر أخوي تتعلم شوي فارسي لأنه يحبون يكلمهم الواحد بلغتهم ، الصرف أخذ معاك دولارات أحسن وايد ، لا تصرف من الفنادق لأنه ينقصون في الصرف وايد ، اصرف من محلات الصرافة أحسن ...
في مناطق في إيران ما يحبون العرب بس في الشمال وأصفهان ومشهد الناس تعاملهم راقي أكثر من طهران ..
الأماكن اللي تصلح للزيارة كثيرة بس أنت أخوي ذكرت شيراز واحنا زرناها ولا حبيناها بالمرة جوها حار وايد وجاف ، بس فيها متاحف وحديقة فيها قبر شاعر ايراني مشهور اسمه حافظ الشيرازي وقبر ثاني لسعدي والحديقة طبيعة حلوة ..
وفيها آثار من قبل عهد الاسكندر المقدوني في تخت جمشيد بس لا تروحون ليها الا في العصر لأنه الشمس حارة مره في الصباح والظهر.

حدائق الشاه السابق.

أقل المدن الإيرانية أمان هي شيراز ، نسبة اليهود فيها كبيرة وفي الليل من بعد الساعة 8 بتوقيت شيراز غير مأمونة.
أصفهان منطقة روعة فيها متاحف وقصور وأسواق شعبية بتستمتع فيها ، أهم معالمها قصر عالي قابو وجنبه سوق كبير فيه سكك وفيها الصناعات التقليدية الإيرانية مثل السماور (للشاي) والفضيات والتحف والاكسسوارات والرسوم ، تقدر تشتري منها تحف حلوة .
فيه نهر اسمه سي وسه معلم أساسي من معالم أصفهان و مسجد اسمه مسجد الأربعين عمود مصمم على شكل أقواس تعكس الصوت وتركزه ، يعتبر تحفة معمارية.
السجاد في سوق عالي قابو روعة بشكل مو طبيعي سجاد يدوي بعضه يتغير لونه مع الضوء في نفس اليوم تقدر تشتري حتى بالفيزا من أصفهان.
المسجد الجامع في أصفهان.
حديقة الطيور ، حديقة الزهور .
التعامل مع الأصفهانيين يعتبر مريح لأنهم مثقفين ومعتادين على السواح ولغتهم الانجليزية ممتازة.
طهران :
المتاحف كثيرة وتستحق الزيارة ، لكن المدينة ملوثة ومزدحمة (20 مليون نسمة) على حسب آخر احصائية ، وفيها أسواق بس مو بحلاوة أسواق الشرقية.
ميدان آزادي (ساحة الحرية) اللي دائماً تطلع في الأخبار .
متاحف فيها صور وقصر للشاه.
الطهرانيين التعامل معاهم صعب لأنهم دايماً شايفين روحهم وأخلاقهم كريهة .

قمة جبل دماوند قريبة من طهران ومنطقة طبيعية.

الشمال :

منطقة لازم تروح ليها جمال طبيعي وخضرة دائمة وجو لطيف للاسترخاء ممتازة ، وفيها منطقة رامسر ، لاجوس (محافظة مازندان) ومناطق ثانية نسيت اسمها بس طبيعة سبحان الخالق ، وحلو انك تاخذ يوم بالتلفريك إلى قمة الجبل وتتغذى ويا العائلة هناك.
السكن في الشمال : فندق رامسر الجديد ، فندق رامسر القديم ثنينهم جنب بعض وفيهم سواح أجانب (معظم الأجانب ايطاليين وأسبان) وسكن زين أو تأخذ فيلا وتسكن فيها .

مشهد :

اذا ما تبغى مناطق دينية تقدر تسكن فيها يومين بس تزور المتاحف ، وفيها منطقة طبيعية تروح ليها يوم كامل مع رحلة للطبيعة ، تمشي في نهر بارد أو تركب خيول أو بغال أو حمير وتحتاج ساعة بالحمير وساعة ونصف مشي بس بتتوصخ اذا مشيت ، ولما توصل فوق تشوف شلالات وتقدر تاخذ لك مكان وتونس صدرك ويا الطبيعة بس هذي الرحلة متعبة للعائلة (الحريم والأطفال) بس ممتعة للشباب واذا فيه عندكم بنات يحبون المغامرة خذوهم بيستانسون مره .
فيها مدينة ألعاب عادية (نوع من التغيير للأطفال) وجنبها حديقة حيوان .

مدينة طرقبة في مشهد فيها الجو حلو وصناعات يدوية ايرانية .

فيه فندق في طرقبة ممتاز مره 6 نجوم وتقدر ترتاح فيه وتسترخي ، فندق بارس في مشهد 5 نجوم وممتاز واذا ما سكنت فيه تقدر تروح تأكل من عندهم لأنه أكلهم زين .
بس الأسواق إجمالاً في إيران مي زود بالمره يعني الحريم أكيد ما بيستانسون ما فيه مجمعات عدلة ، ولا محلات حلوة بس اذا حابين تتسوقون تحف للبيت وسجاد أفضل مكان أصفهان ولا تنسوا تأخذون مقاسات المكان اللي تبغون له سجادة.
المطاعم والله أتعس شي في ايران مطاعمهم الأكل مو مره زود بس الوجبة الايرانية الشعبية شلو كباب (كباب لحم) مع رز بزعفران ، وقيمة (عدس) ، ورز بشبنت ، صالونة باميا ، هذي أهم الأكلات الشعبية والمطاعم اجمالاً مي مره ، فيه محلات بيتزا مشهورة مثل (بيتزا داليا ، بيتزا خورشيد يعني بيتزا الشمس) بس البيتزا ما توصل لمستوى البيتزا في مطاعمنا ، أحسن شي عندهم الشوربات والحلى ، ومحلات الكيك عندها نوع من الكيك ايراني مثل الصمول وداخله كريمة قشطة ، والايسكريم والكيك في محلات الحلى راقي ومميز حتى أحلى من اللي عندنا في البلد .
اذا احتجت أخوي أي خدمة احنا حاضرين .

ونسيت اقول أنه في رامسر في شلال اسمه دهكولو على ما أظن ..
والتنقلات لازم تتأكد من الحجز 100 % لأنه الطيران الايراني ما يلتزمون بالحجز اذا ما أكدته وخصوصاً أنك بتروح في موسم ...
فيه مطارات في شيراز (مطار شينكو) وفي أصفهان وطهران ومشهد بس للشمال تقدر تأخذ قطار من طهران للشمال أو باص ...

أخي الفاضل أبو خليل سلمه الله
أعتذر من عدم مشاهدتي لطلبك ولكني بادرت بكتابة موضوع إيران لأجل عيونك يا محب وهو لم يكتمل ولكن استجابة لرسالتك على الخاص ؟ وقد سبقني أخي الفاضل الكريم شرهان بوضع الرابط فالحمد لله ..
وما شاء الله لم يقصر الأخوة الكرام // خوي الماشي // وبنت الشرقية طرحوا معلومات غاية في الأهمية بل كثير منها فات علي في موضوعي فالله يبارك فيهم ..
ولي رجاء من الأخ الفاضل خوي الماشي بسرعة إنزال الصور فقد شوقتنا لها كثيرا .. كم أرجوك ثم أرجوك الإفادة عن رحلتكم إلى الجنوب الإيراني ؟ فالسؤال عنها كثير وليس عندي من إجابة .. بالمناسبة أخي سوف اذكر قصة المسجد الموجود في طهران ؟؟