:8888::8888:
حيهم والله انا اول وحده ترد
بس والله زيغتني اخوي لما قريت العنوان خفت اتحريت ان في تفجيرات صايره في تايلاند
شوي ركزت واكتشفت انه تقرير مب خبر
اول شي الحمد لله على سلامتك اخي الكريم
ويعطيك الف عافيه على هالتقرير والبدايه الطيبه والصور الرائعه
تابع وسجلني متابعه معاك للاخر
تقبل تحياتي

الله يعطيك العافيه تقريرحلو
سجلني من متابعينك

فض فض يا الاستشهادي وخبرنا عن العلوم
وترانا متابعين معاك يا الغالي
وما شاء الله عليك ما عطيت روحك فرصة من ثاني يوم coral Island or Koh lean
والله يساعدك على بوكيت؟!!!!

جميل جداً ......... بس الفندق كأنه مو كويس

فندق شبابي يمشي الحال وسجلنى من متابعينك

شكرا على المتابعه يا جماعه
Bnt'Zayed
مشكوره اختي على المتابعه و انك اول وحده اتردين على الموضوع (لا تحاتين التفجير بكون في الرحله القادمه شهر اكتوبر في فوكت فاحرصي على ان لا تتواجدي في المنطقه :) )
zooox : شكرا على المرور
القانون : الله يستر اخوي في فوكت شكلي بفله فل من ثاني يوم وبرجع بعد يومين من الرحله (نبي وقفتك ويانه)
انا هنه : شكرا على الرد , و بخصوص الفندق مثل ما قال اخوي soqor الفندق شبابي و يمشي القرض سعره زين, وحنا شباب شايلين روحنا و مو محتاجين الا لمكان للنوم وقضاء الحاجه بس.
soqor : شكرا على الرد اخوي

1. بنكمل التقرير من مكان ما وقفت في الجزء الاول


2. (من الاستقرار على الفندق و البقاء فيه الى الرجوع الى بانكوك)


3. وكنا نتسابق بينا وصادني موقف بالجت سكي:

السلام عليكم

بنكمل التقرير من مكان ما وقفت في الجزء الاول

(من الاستقرار على الفندق و البقاء فيه الى الرجوع الى بانكوك)

في صباح اليوم التالي استيقظت من النوم الساعه 7:00 صباحا وحاولت اصحي ربعي الي معاي لكن دون فائده , نزلت عشان اشوف شنو افطر لقيت عربه في الشارع يبيعون فيها جح (بطيخ) و اناناس , قلت خوس فطور المهم اشتريت الجح و الاناناس لي و لربعي ورحت على الفندق
دخلت الغرفه و الجماعه ليحين راقدين تميت اصحيهم و ماصحو الا الساعه 10:00
المهم نزلنا من الفندق الساعه 10:30 وعلى طول بتايا بيش , ومن شافونا الجماعه قامو يهلون علينا (جزيره,جزيره) قلنا بكم قالو 2000 بات
قلت لا 1200 بات يله قال لا 1500 بات , تركته و رحت اشوف واحد ثاني لكن الكل كان واقف على 1500بات ,
فتوكلنا على الله ورحنا Coral Island ب 1500 بات بالسبيد بوت لثلاثه اشخاص, مده الرحله 20 دقيقه من بتايا الى الجزيره , وكان البوت بينتظرنا لين انخلص الساعه 5:00
و في طريقنا للجزيره قلنا له نبي انروح البرشوت قال اوكي, رحنا على السطحه الى في البحر وركبنا البرشوت ثلاثتنا و كانت تجربه جدا رائعه لدرجه انا كنا نبي نركم مره ثانيه .
سعر البرشوت كان 500 بات للشخص (لفه واحده)
وكان هناك طريقتان للبرشوت:
1- مع النزول في الماء ( يخفف السرعه لين ما ينزل جسمك في الماء و يرجع ينطلق مره اخرا) احنا اختارينا هذه الطريقه
2- بدون الماء( بدون ما يبللك في الماء و ما ينزلك في الماء)
بعد ما خلصنا من البرشوت كملنا طريقنا الى الجزيره
الوصول الى الجزيره
وصلنا الى الجزيره ونزلنا على الساحل , وياسلام على الطبيعه الى عندهم و الرمال الى على الساحل صج انهم عايشين في الطبيعه
اول ما نزلنا من البوت استقبلنا واحد وتم يتكلم ويعدد الاشياء الى عنده, المهم حجزنا من عنده 3 كراسي و مظلات بسعر 50 بات للكرسي و المظله يعني 150 بات للثلاثه و خذنا لوكر واحد بسعر 50 بات وحطينه اغراضنا
استرحنا على الكراسي وشربنا عصير الجح , و تناقشنا شنو بنركب اول و تم الاتفاق على الجت سكي اول.
اجرنا الجت سكي بسعر 500 بات لل20 دقيقه عدد ثلاثه
وطلعنا بالجت سكي و ستانسنا وايد بس الحسافه اني ما اقدر اصور بالكاميرا ,

وكنا نتسابق بينا وصادني موقف بالجت سكي:

كنت اتسابق مع بسام وكنت وراه وكنا مسرعين و مره وحده بسام خف على الريس و انا جاء مسرع من وراه وحسيت اني مافي مجال اتفاده شكلى بدعمه وباتكسر صرخت عليه (تحرك) سمعني وتحرك مره ثانيه و انا كنت منعطف بالجت سكي جهت اليمين بس مالحقت اتفاداه فحكيت الجت سكي مالته على جهة اليمين والحمدلله الله ستر علينا انه ماتعورنا و انقلبنا في البحر
وبعدين رحنا يم بعض انشوف اذا شي تعور في الجت سكي , الحمد لله ماتعور شي وبعدين جاء اخوي حمد و تم يستحمق علينا ويقول حاسبو و بلعدال يا الميانين
شنسوي خذنا الحماس و بذات انه احنا من محبين السرعه.
المهم خلصت ال20 دقيقه وحسينه انها خلصت بسرعه, فرجعنا للشاطئ و كنا ميتين من الضحك على الحادث الى صار.
جانا التايلندي الي استقبلنا في البدايه وقال ما تبون تاكلون , التفتنا على بعض وقلنا يله شالو .
المهم رحنا المطعم وقام التايلندي يروينا السمك و القراقب في الاحواض وقمنا الاختيار و كان الطلب عباره عن:
1-هامور مشوي 1500 بات
2-ربيان جامبو 6 حبات مشوي 700 بات
2-خثاق 200 بات
3- قباقب 3 حبات مفيوح 600 بات
4- ارز بالربيان 250 بات
5- سلطه 150 بات
3- كولا 3 علب 90 بات
بعد ما خلصنا الغداء ريحنا على الكراسي لمده ساعه وبعدين قررنا نلعب بالبنانا
اخذنا البنانا لفه واحده ب 600 بات لثلاث اشخاص
ركبنا البنانا و مصلنا الطراد الى نصف البحر و قلبنا في البحر مره وحده بدون انذار , وتوهقنا واحنا انحاول انرجع البنانا ونرجع نركن عليها مره ثانيه ,
المهم نجحت العمليه و واصلنا الجوله مره اخرى , و رجع السائق مال الطراد وقلب البنانا مره ثانيه , هذي المره كنا منتهين و انا ماتم ماء في البحر ماشربته فتميت فتره اريح في الماء قبل ركوب البنانا مره ثانيه
وهذه المره طولنا لين ما نعدل البنانا ونركب عليها و بعد ما ركبنه وجعنا الى الشاطئ و في الشاطئ رجع و قلبنا مره ثالثه و بس عاد انا مكانك سر جلست 10 دقايق في الماء مستلقي.
بعد ما خلطنا البنانا رحنا في جوله على الجزيره ب 300 بات بالموترسيكل لثلاث اشخاص (كان كل موترسيكل معاه السائق ماله)
ورحنا ضمن الجوله للشوتنق (الرمايه بالاسلحه الثقيله اه قصدي الخفيفه)
اول ما وصلنا وقال التايلندي اختارو الاسلحه , انا قلت ابي ار بي جي (RBJ) قال مينون انت قلت انزين عطني كلاشنكوف ( حسبت روحي في العراق او افغانستان) قال بعد مافي قلت عيل شنو في قال هذي الاسلحه
المهم كانت اسعار الاسلحه اتراوح ما بين 600 الى 900 بات لل7 و8 و9 طلقات مابين المسدسات العاديه 9 مم و الاسلحه المتوسطه الاوتوماتكيه و الشوت جن (Shot gun)
بعد ما لعبنا بالاسلحه كملنا فرتنه و رجعنا الى السبيد بوت تحاسبنا مع راعي المطعم على كل شي
طلع الحساب 4870 بات شامله البنانا وبدون الجت سكي و الموترسيكل
عطيناه المبلغ ورجعنا الى بتايا
رجعنا الى الفندق اخذنا شور وريحنا و قلنا خل ننزل و انتمشى قالو الجماعه انهم تعبانين و ما فيهم شده قلنا ننزل انجين عشاء
ذهبت انا و اخوي حمد وخذنا عشاء من مطعم كنتاكي (الجماعه في المنتدى قالو ان اكله حلال و انا سالت المسؤل هناك و قال حلال قلت له اكيد قال اكيد 100%)
خذنا ثلاث وجبات زنجر و كانت الوجبه ب 129 بات (كنتاكي الي في الرويال جاردن)
رجعنا الفندق تعشينا و خلدنا الى النوم.
و انتهي يومنا الثاني في بتايا و نشاء الله نكمل برنامج اليوم الثالث في التقرير القادم
اترككم مع الصور
يتبع.............