احلى روقان منج يااحلى عيون سوده ومنتظرين التقرير بفارغ الصبر

اهلين اختي سوداء العيون كل عام وانتي بالف خير
سجليني متابع

1. هذي صوره من داخل الطياره

شكرا لكل المتابعين وغير المتابعين وان شاء الله عجبكم الكيك انا مسويته
احب ابتدي موضوعي بdata_travel/data/5340/30936.JPG
كانت الرحله على خطوط طيران الخليج وكان سعر التذكره 3000ريال سعودي للشخص وطبعا كنت انا والغالي فكان المجموع 6000 ريال
كانت الرحله البحرين بانكوك البحرين طبعا الذهاب لمطار البحرين بالسياره
موعد الرحله كان حوالي الساعه 9 صباحا وكعادته الغالي لازم يودينا بدري لانه مايحب التاخير
حاولنا نصحى بدري وعلى طول الى جسر الملك فهد الساعه 6ونص الصباح طبعا مو المغرب
هذي الصوره من على الجسر واحنا رايحين الصباح
وصلنا مطار البحرين الدولي حوالي الساعه 7 وربع واخذنا البوردينق واخذو الشنط وعلى طول توجهنا على gate ,وقلت للغالي تراني ميته من الجوع ورحنا جلسنا بكوفي واكلنا خفايف ننتظر النداء على الرحله
وفعلا واحنا لسه نشرب الكوفي نادو وركبنا الطياره وكعادته طيران الخليج لا يصلح للمسافات الطويله نظرا لضيق الكراسي بتقولون لي ليش رحتي فيه بقول لكم لاني مااحب الترانزليت والانتظار
السنه الماضيه سافرت على طيران الاتحاد كان اكثر من رائع بس الانتظار بمطار ابوظبي كان هو الممل

هذي صوره من داخل الطياره

وصلنا مطار بانكوك الساعة 8 بتوقيت تايلند اخذنا الشنط ورحنا نسال التاكسي عن الفندق الي احنا اخترناه قريب من المطار القديم لان كان موعد رحلتنا على مدينة شينغ ماي اليوم الي بعد الساعه 10 الصباح والكل قالي ان الرحلات الداخليه تكون من المطار القديم حجزنا بفندقmiracle grand hotel
الفندق كان مره حلو رايق كان سعر الليله للغرف المزدوجه حوالي 360 ريال
Miracle Grand Hotel Bangkok
هذي صوره للغرفه

بتوقف لحد هنا اليوم وانتظرو تكملت الموضوع وشوفو المقلب الي صار فينا ثاني يوم

مراحب ياسوداء العيون
وسجليني من المتابعات لتقريرج ....

حياالله اهل زايد كلهم

الحمد لله على السلامة اختي
بداية مشوقة
سجليني من المتابعين
وكل عام وانتي بخير

الحمد لله على السلامة ياسوداء العيون ويا ليت ما تطولي علينا يا سوداء العيون يا أختي حتى تعم الفائده وخاصة ان فيه مقلب (نحب المقالب)وبالتوفيق لكي وللغالي في رحلتكم املين أن تستمتعوا وأن يكون المقلب خفيف !!!!!

في الانتظار
ماشاء الله تقرير حلو من البدايه

شكرا لجميع المتابعين
: حاولنا نصحا بدري حوالي الساعه 7 صباحا لا تنسون ان رحلتنا الساعه 10 وقمنا وعلى طول ترويشه وعلى الفطور سوينا الشيك اوت واخذنا تاكسي والساعه 9 واحنا بالمطار ورحنا لموظفه الخطوط
نبغى البوردينق الا وهي تقول هذا الحجز تبع المطار الجديد قلت ايش شنو قالت ايه المطار الجديد
قلت شالسواة قالت ماراح يمديكم على الرحله لانها بعد اقل من ساعة بتطير الطياره
قالت حاولو تغيرون الحجز الان على الرحله الجايه طبعا احسن شي بالموضوع ان رحلاتهم الداخليه كل ساعتين غيرنا الحجز ...
هذا واحنا مسوين ذكيين وماخذين ذا الفندق بس بيني بينكم روعه الفندق يعني عوضنا شي بشي
رحنا المطار الجديد وانتظرنا موعد الرحله الي بعدها كانت الساعه 12 ظهرا
جميع الرحلات الداخليه كانت على الطيران التايلندي وكان جدا مريح ورائع
وصلنا شينغ ماي على الساعه1 وربع واخنا تاكسي وعلى الفندق طبعا الفندق كان 3 نجوم بس موقعه كان 5 نجوم يقع في السوق الليلي بالضبط ومتوفر عنده جميع المطاعم الفاست فود والعربيه الحلال
اعذروني لعدم توفر صور للفندق لانه بصراحه لا يستحق التصوير يعني ماعجبني
الفندق اسمه Suriwongse Hotel
اول يوم نزلنا نتعرف على المنطقه تغدينا وعلى طول على محل سبا ومساج ودلعنا نفسنا شوي
المحل الي رحنا مره نظيف وحلو يقع على شارع السوق الليلي بالقرب من ماكدونالدز والجميل بالموضوع للبنات المتحجبان في غرف خاصه للمساج والسبا وكملنا باقي اليوم سوق جلسنا في ستاركافي نتمتع بالجو الحو .
الي يميز شينغ ماي ان جوها حلو ومافيها رطوبه نظرا لانها بالشمال وبعيده عن خط الاستواء ..اليوم الثاني كانت للشلالات آآآآآآآه على الشلالات ...وناسه ]كان سعر الرحله حوالي 1200 بات شامله الغداء

يوجد عندهم 3 شلالات من الاكبر للا صغر
وهذا الثاني

للحديث بقيه احلى في فوكت الجميله