بسم الله الرحمن الرحيم
تقريري السريع والبسيط عن رحلتنا في عطله نهايه السنه (والكريسماس للمدارس الاجنبيه) قررنا نروح فيها اسطنبول وبورصه
اليوم الاول
24/12
رحلتنا على الخطوط الجويه التركيه .. وكانت الطائره الساعه 7 ونص صباحا ..
رحنا المطار ودخلنا الجناط وقعدنا ننتظر في قاعه اللولو في مطار دوله الكويت

وركبنا الطياره بالموعد .. الطياره ضيقه من داخل بس تمشي حالها

ما اجمل الشتاء

ووصلنا بحمد الله لي اسطنبول وكنا حاجزين عن طريق النت سياره لي الفندق .. و اتوقع كان ارخص من سعر التاكسي لو خذيناه من المطار

ووصلنا الفندق
Senator Hotel Taksim
وطلبنا منهم يحطون لنا بيبي كوت ... الفندق صغير والممرات ضيجه .. والريق مو متنوع بس حجم الغرفه زين

وبعد ما حطينا اغراضنا وريحنا شوي .. طلعنا باول جوله
ل موول استينيا

ولابد من تجربه القهوه التركيه و الحلويات

تمشينا وتسوقنا باول يوم بين استينيا و فوريوم

بعدها توجهنا لشارع الاستغلال ... تنقلاتنا كلها كانت عن طريق التكسي لوجود اطفال

اغراني شكل البطاط وقررت اخذ منه للعشا لكن للاسف مو زاكي

بعدها ردينا الفندق ...
بالنسبه لي كان الجوو بارد جدا بس تستحملون تقعدون وتتمشون بالبرد لانه حسيته بارد بس مايدخل بالعظم .. مادري شلون اوضح بس ان شالله تكونون فهمتو قصدي
هذا ملخص سريع لليوم الاول ..