الله يعينك إنشالله ما أتعب السفرة والله يوفقك وسفرة سعيدة .

1. حياك الله أخوي أبو البراء :


2. بالنسبه لسؤالك عن مالكا وأفاموسا ..


3. http://www.afamosa.com/arabic.html


4. بالنسبه لبرنامجك ... أنا شايف إنه 13 ليلة / 14 يوم


5. ج/ نعم يوجد ... للأسف

وعليكم السلام ورحمة الله ..

حياك الله أخوي أبو البراء :

بالنسبه لسؤالك عن مالكا وأفاموسا ..

مالكا هي ولاية من ولايات ماليزيا تقع جنوب ولاية سيلانجور اللي من ظمنها كوالالمبور ... ويوجد في هالولاية منتجع إسمه أفاموسا مساحته كبيرة وفيه فلل وألعاب ومسطحات خضراء وسفاري وغيره ... وهو اللي الشباب دائما يتكلمون عنه ... وخذ هذا الرابط لتوضيح الصورة ... الرابط لموقع بالعربي عن أفاموسا أتحفنا به أخونا الوطواط ..

http://www.afamosa.com/arabic.html

بالنسبه لبرنامجك ... أنا شايف إنه 13 ليلة / 14 يوم

أنا شايف إنك ظالم كوالا شوي ... يعني يومين في البداية الخيول الذهبية مع العلم إن فندق الخيول الذهبية الواقع في مدينة الماينز يبعد عن كوالا نصف ساعه بالسيارة ... يعني الأفضل إنك تاخذ فندق داخل المدينة بما إن جدولكم راح يكون مضغوط والسبب عدد الأيام .. وأرشح فندق ماندرين أورينتال تاخذون فيه يومين تتجولون بالمدينة ...
مالكا مافيه مشكلة ليلة يكفيها ويزيد ...
بالنسبه لجنتنق ... ما أنصحك تسكن فيها يعني فضيلها يوم تروح وترجع من كوالا لأنها قريبة من كوالا تقريبا نصف ساعة بالسيارة ... وبكذا تكون وفرة الليلتين ذي لكوالا ..
لنكاوي حقها ليلتين والفندقين كلهم ممتازين اللي إخترتهم ..
بينانق حقها أربع أيام والفنادق اللي .. بي فيو ممتاز وشنقريلا ترا فيه 3 في بينانق أفضلهم وأفخمهم راساساينق ..
وش رايك أشور عليك ؟؟!! أنا أقول لو تخلي البرنامج كالتالي :
2 ليلتين كوالا فندق الخيول الذهبية
بالطائرة
2 لنكاوي ( أي واحد من الفنادق اللي ذكرت )
بالطائرة ( اذا تبي الراحه) أو بالفيري ( اذا ما عندك مشكلة )
4 ليال بينانق ( الفنادق اللي ذكرت )
بالطائرة لكوالا
ثم الذهاب بالسيارة أو الباص حسب رغبتك لأفاموسا .. والعوده اليوم الثاني يعني ليلة وحده
6 ليال كوالا فندق ماريوت أو ويستن ( اذا الميزانيه طيبة) أو دورسيت رجنسي ( اذا تبي السعر الطيب)
ها ال6 أيام تخصص لها يوم لجنتنق
والباقي في كوالا تتجول في المدينة وتشوف معالمها وممكن تاخذ يوم لصن واي لاقون ..
إجابة على أسئلتك:
السؤال الأخير ....... هل يوجد على الشواطئ أشخاص بملابس البحر العارية؟

ج/ نعم يوجد ... للأسف

السؤال اآخر الأخير ..أريد شراء هدايا بسيطة ورمزية وبسعر متواضع ...فمن أين تنصحونني؟
ج/ أنصحك أخوي بكوالا السوق المركزي سنترال ماركيت فيه أشياء طيبة وسعرها معقول واذا تبي بعد الرخص مره عليك بالسوق الصيني بس تراه فيه خطورة شوي وتعامل الصينيين في جلافه.. في بينانق السوق الليلي ممتاز وتراهم صينيين بعد..
أرجو من الخوة ألا يحرموني من اقتراحاتهم وأهم شي بالنسبة لجنتنغ لأنني إلى الآن لم أعرف أماكن مميزة فيها ....... أخيرا هل تتوقعون أن تكفيني ستة آلاف ريال لهذه الرحلة ؟ علما بأنني لن اتسوق بأكثر من 300 ريال ؟
ج/ بإختصار جنتنق منطقة صغيرة جدا يوم واحد من الصباح إلى المغرب تلفها كلها ..
اذا تقصد ستة آلاف مصروفك مع التنقلات بالسيارة .... أعتقد إنها كافية اذا إلتزمت بوعدك وماشريت بأكثر من 300 ريال .. بس الأفضل تبحبحها شوي تزود ولا تنقص...
تحياتي لك وبالتوفيق إن شاء الله

أخي الميسم .....
جزيت خيرا ...أفدتني جدا جدا ...وأوضحت لي الصورة أكثر ...
رتبت جدولي حسب اقتراحك .. بارك الله فيك ..

اخي الميسم ...بالنسبة لتحويل النقود ...ما هي الطريقة المثلى لذلك؟
أحول رنجت من السعودية وأشيله كاش في جيبي؟وهل صحيح انه ممنوع أن أحمل معي أكثر من ألف رنجت للشخص؟
أم أحول نقودي دولارات وآخذها معي وهناك أحولها رنجت؟
أم لا أحمل معي إلا مبلغ بسيط وأسحب بالبطاقة من مايزيا؟
أريد الطريقة التي لا تفقدني مبلغا اكبر في قيمة التحويل؟
وجزيت خيرا

السلام عليكم ..
أخوي أبو البراء ..
صحيح ما تقدر تدخل أكثر من ألف رنجيت على ماليزيا ...
وأفضل طريقة في رأيي إنك تصرف من هنا دولارات وتاخذها معك وهناك تحولها رنجيت ... كل ما إحتجت لفلوس تحول ... لأن الدولارات راح تكون أقل وأسهل في الحمل .. ويفضل تصرف مبلغ بسيط رنجيت يعني حوالي 200 رينجيت عشان تاكسي المطار واذا إحتجت شي أول ما توصل..
تحياتي لك..