أنقل لكم أول تجربة لي في المكتب الموحد لأصدار الفيز الأوربية بالرياض!انتظرت شهر ونص تشييك على موقع السفارة الأسبانية لفتح موعد حجز، وبعد ماحجزت انتظرت شهر زيادة على موعدي..كنت المرة الأولى لي أن أكون هناك! عندما ذهبت الى الموعد انتظرت ساعة كاملة ولم ياتي دوري، المشكلة ليس هنا، المشكلة كانت عند الموظفيين ذووي الجنسية(الهندية، الباكستانية) اللي يجلسون معقبين وناس اخرين بدوون ارقام شوف عيني!!! ذهبت الى الموظف المعني وتكلمت معه ليش ماتمشي الارقام، الرد كان بنفس خايسة وكانه سوف يدفع رسومي بنفسه!! اتى شخص اخر من نفس الجنسية طلب مني الجلوس والانتظار، فرفضت وقلت الارقام ماتمشي الى متى؟!! اصار علي على الجلوس، وعندما جلست، دقائق وطلب مني اوراقي الخاصة، ونادني وقال خطاب تعريف العمل مايمشي ويجب تغيره!! أخبرته بأن الخطاب هو الرسمي والمتدوال لدى جهة العمل وأيضا مقبول لدى جميع السفارات..من الأخير قال لا مايمشي, وقلت والموعد والانتظار كذا يروح، قال لا عادي جب ورقة جديدة وانا موجود في الاستقبال ولا راح انساك راح ادخلك الصالة ثانية!! رجعت العمل عشان اغير الصيغة والجميع استغرب وقالو لي بالحرف الواحد أن أكثر السفارات تعقيدا وتشديدا هي السفارة الأمريكية ولا قد ردو احد قط!!
المهم رجعت يوم الخميس الماضي والموظف كان موجود في الاستقبال حق الارقام وزحمة وفوضة ومعقبين كل شخص يعرض عليك خدماته، يوم رحت لنفس الموظف واقوله انا اللي رجعتني، يقول ورني اورقك، يوم شافها يعطيني موعد vip بزيادة رسوم 150 ريال!! أقوله ليش ادفع زيادة وانا في الاساس كان عندي موعد يقول بكل وقاحة انا اقدم لك خدمة ( يمن ) وبكل بجاحة يقول تبيها ولا راح دور لك موعد جديد!! المضحك خدمة vip ماتحتاج خدمة من احد ولا شي ، بفلوسك تقدر تدخل تقدم اوراقك بدون موعد..المهم اني رضيت لاني كنت مجبر، وادخل الصالة صالة vip بس الوضع يختلف، موظفين كانو من الأخوات السعوديات اللي والله كانو قمة الرقي في التعامل والأخلاق والشفافية.. اخر مرحلة كانت التبصيم وكنت موظفة تأخذ البصمات ودخل اثنان من الجنسية الاسيوية طالبين من ترتفع اوراق اناس توهم داخلين عشان يأخذون البصمة بسرعة!! طيب واللي ينتظرون قبل؟!!
هل الدعوة هناك من يدفع اكثر يخلاص على طول أما ماذا؟؟!