السلام عليكم ورحمة الله وبركاته ..
طبعاً قبل لا أبدأ في طرح موضوعي
أحب اشكر كل الاخوان والاخوات اللي يقدمون لنا النصايح والتوجيهات
من خلال الاطلاع على ماتقدمون من تقارير ومواضيع افادتنا كثيراً ..!
ولاعليكم أمر واعتبروها خدمة لأخوكم والله لايحرمنا من تواصلكم الطيب
أتمنى عمل جدول مقترح لي عريس جديد لأول مره يسافر
حجزت الطيران الدولي من الرياض لكولالمبور بمبلغ وقدره 6250 ريال بعد تعب
صح غالي شوي بس فضلته على اساس دايركت على ماليزيا بدون توقف
طبعاً الميزانيه إلى الحين شبه مجهوله ولكن حاط في بالي ماتزيد على 20 الف
وأحتاج فنادق مميزه وبسعر مناسب وفي نفس الوقت شي يجمل ويليق بالعرسان
ولامانع من الرومنسيه والاماكن الهادئه..
موعد السفر بإذن الله بعد الزواج بيومين تقريباً الموافق 23يونيو
وموعد اقلاع الرحله الساعه 00:50
بالليل صباح السبت والوصول الساعه 14:00 بتوقيت ماليزيا
العوده 7يوليو 2012
المغادره الساعه 16:00
والوصول إن شاء الله الرياض الساعه 18:35 بتوقيت الرياض
طبعاً بعد البحث عن الأماكن راح أزور بإذن الله
سلانجور وكوالا وبينانج ولنكاوي
والذهاب ل (جنتنغ) من كوالا لأن واحد من الزملاء يقول الجو يكون برد هناك ..
ولاتنسونا من دعواتكم ولكم منا الدعوات في الحل والترحال
والله يتمم لي ولكل عريس على خير يارب ..!!