1. عاد أنا أبغى تنصحوني على المواصفات اللي أبيها ..


2. تخبرون معرس .

السلام عليكم و رحمة الله و بركاته ..
كثيراً ما نُصحت بدخول هذا الصرح و الاستفادة منه ..
و لكن لم أقدر قدره إلا عندما أذهلني ما شاهدته هنا ..
من قاعدة معلوماتية واسعة عن كل شئ و أدق التفاصيل ..
الله يعطيكم العافية جميعاً >>> لا تحسبوني أمدحكم عشان تجاوبون على سؤالي
أنتم و الله تستاهلون .. و الأجر يبقى لكم ان شاء الله ..
حبايبي الأعضاء أخوكم ** مبتسم ** ناوي يكون عرسه ان شاء الله الأيام القادمة و بيقضي في لندن أسبوع العسل .. في شهر 1 .. طبعاً اخترت لندن لأني أصلاً أدرس حولها ..
على العموم .. أنا عندي اطلاع لا بأس به عن معالم لندن و الشباب هنا استفدت منهم كثير و خاصة المواضيع المثبته .. بالفعل روعة ..
و لكن الشئ المهم اللي خلاني أنزل هالموضوع الزغنطوط .. هو الفندق ..
أنا قريت موضوع أخوي الرائع سعد .. و بصراحة دخت من كثرة الفنادق و أسمائها .. و الصور ..

عاد أنا أبغى تنصحوني على المواصفات اللي أبيها ..

تخبرون معرس .

• * أهم شئ تكون الغرفة حلوة .. و جديدة و نظيفة .. و تفتح النفس .. يعني مطلة على حاجة حلوة .. ( تكفون أهم شئ الغرفة )) و افهمومها عاد
• * الأسعار حول 140 الليلة حلو .. وحول هالمبلغ يعني ..
• * بالنسبة للمكان بصراحة أنا تعجبني الحدائق .. يعني لو يكون حول الهايدبارك .. حلوو .. بس أحس إن الاندرقراوند ما يقصر .. حتى لو كان المكان مش قريب مرة عاادي .. بس طلة الهايدبارك أو غيرها ما تتفوت ..
• * شطحت في بالي فكرة .. في أحد منكم يخبر فندق أو شقق أو سمول هاوس ، يعني مكان يكون فيه هدوء و روقان و مو مع العالم .. أنا رحت كثير لأرياف انجلترا و هي بصراحة جنان .. بس هل في لندن شئ حول الوضع ، يعني تقعد في مكان تحس إنك بروحك و تآخذ راحتك ..؟؟ و التعب على الاندرقراوند ..

يعني أنا منيب لازم احلل هالست أيام في لندن و أروح لكل مكان .. لأني عايش حولها و أقدر اجيها بعدين ..
الله يذكر أيام العزوبية بالخير ، نبي أي سيب يضف عفشنا و ننام فيه ..
وداعاً يالعزوبية .. و دعواتكم لي يا شباب ..
و ترى أنا متحمس و بخلص أموري هنا في بريطانيا قبل ما أرجع للسعودية و اعرس .. يعني اللي بيعطيني اسم فندق على طول بشيك عليه و احجز ..
الله يسعد اللي يدلني على شئ مناسب ....
بانتظاركم ..