ههه ان شاء الله ماتصل انك تكنسل الزواج وانت بين اخوانك يفيدونك مايقصرون الله يعطيهم العافيه وتقبل مروري

ههه لا منجدك اكنسل وين يا حبيبي لا بس ابي اشد الانتباه يا حبيبي ناوي.. ما اكنسل لو نقضي شهر العسل في كيس رز خ

هلا عزيزي
اولا خط سيرك يجبرك تاخذ باصات من سلانجور الى كاميرون باص او تاكسي و من كاميرون الى بينانق نفس الشي باص او تاكسي
المهم خط السير يبغاله تعديل علشان يكون مريح ونلغي الكاميرون علشان ما تتعب في يوم سفرك ونعوض بدالها جينتينق
بس اعطينا تاريخ وصولك للمطار حق كوالا و الساعه و تاريخ العوده وابشر

الله يعطيك العافيه يا حبيبي العدني عشان هيك انا قلت نقبل اي تعديل في ترتيب المدن لان والله انا ما اعرفها وابي شي مريح ياخي الباص قرف وشهر عسل فرقت 200 ريال والا 500 ريال واشتري راحتي ..
بعدين هل جنتينغ تستحق يومين ..؟؟؟ كثيري يقولون ننصح انك تجيها يوم وترجع لانها ممله ومافيه نشطات حقت يومين ..
بالنسبه للذهاب والعوده للحين والله انا ماني متاكد لاني باقي ما رفعت اجازتي واحنا على جدوله جديده فالشركه .. وتعرف سابك شفتات فالبلان هي تقريبا في ابريل اغلب الضن 65 % ان الذهاب 9 ابريل والعوده 26

الاخوان الوافي و عدني
تم تثبيت الاجازه على التوايخ هذي واخيرن
تبدا من الاربعاء 9 ابريل الر حله بحرين ابو ظبي - ابو ظبي كوالا الساعه 10 مساء طيران الاتحاد
حتى يوم 27 ابريل كوالا ابو ظبي - ابو ظبي الدمام الساعه 8 مساء
سيلانجور 10 + 11 – 12 اللمغادره
بينانج 12+13+14+15 – 16 المغادره
لنكاوي 16+17+18 – 19 المغادره
جنتينغ19 -- 20 المغادره كاميرون 20 + 21—22 المغادره
كولالمبور22+23+24+25 + 26--27 المغادره
ابي الله يسلمكم
اولا : تشوفون كيف خط سير الرحله مناسب او هناك تعديل من حيث قرب المسافات من مدينه لاخرى والتنقلات المريحه
ثانيا : كيف راح يكون التنقل من كوالا الى سيلانجور وقت الوصول ؟؟
اما باقي المدن فسوف يتم تحديد الرحلات الجويه بعد تثبيت الجدول .
ثالثا : بحصل سياره فخمه بسواقها وارتاح من التاشير تخيل معرس ويأشر يوديني وين ما ابي باليوميه ؟؟
رابعا : الصرف اصرف من هنا والا من هناك وش احسن .. وهل اودعها في الفيزه زي ما سويت في الدول اللي قبل والا كاش اخاف يزرفوني
خامسا : كيف وضع الحجاب والعباه .. هل اخليها تاخذ لها عبايات ملونه والا الوظع ايزي ..
واخيرا..
باقي عليكم بس تحديد النشاطات اليوميه كل يوم وجدوله .. والمطاعم الله يسعدكم نبي شغل ترتيب والمجمعات والاالعاب المائيه اهم شي عشان ما اتلخبط ويكون الشغل مرتب وفله والامور تمشي بسلاسه ووناسه
اسال الله ان يوفقكم ويجزيكم خير واللي متزوج ان الله يسعده ويرزقه الذريه الصالحه واللي عزوبي الله يزوجه افخم وحده فالتاريخ ..

محد رد للحين ؟؟
يالله بسيل والا مطر

كل مدن ماليزيا فيها تاكسي باليومية الساعه من 25 الى35 رنقت انت وشطارتك في المكاسر
افضل
سيلانقور بعدين طيران لنكاوي ومن لنكاوي طيران لبينانغ ومن هناك تأخذ باص او سيارة خاصة للكاميرون ومن الكاميرون تأخذ سيارة خاصة لجنتنغ ومنها لكوالا
او تعال من الكاميرون ع كوالا وعندك فندق ثاني انت بتروح له خل ليلة في جنتنغ
وضع العبايات ايزي .. الحجاب في كل مكان
الفنادق أحجز فيزا كله واحسب حساب التامين اللي يأخذه كل فندق .. غالبا يكون قيمة اول ليلة .. وكاش خذ معك 5000 ريال كاش والباقي اصرف من الصرافات هناك .
لنكاوي الويستًن الويستن احسن فندق يارجل .

بيض الله وجهك ما قصرت ..
الوستن رخيص مره ^_^
باقي الشباب الوافي وعدني نبي الجدول اليومي يا حبايبي تكفوون ..

يا اخوان اليوم رحت مكتب واحد من العيال قال تعال اضبطك وليتني ما جيته جاب فيني العيد غالي وفيه واحد قالي انا طلعت عن طريق مكتب 23 يوم ب 15 بكيج كامل مع التكاسي في كل مدينه معك 24 ساعه
ورحت عطيتهم وقالو تعال بعد 10 ايام
رجعت وسويت جدول لو مثلا انا حاجز من النت من بوكينق وعطوني رايكم طبعا افضل شي عند المكتب كان حجز الطيران وفندق تريدرز في كوالا بس .. شوفو الجدول فالمرفق بس مو ذاك الوضوح ..