أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
مساء الفل
انا بانصحك لله
اقل حاجة 15 ليلة
وما تنساش
الكاميرا لتصوير اجمل اللحضات
وخليك حنيّن يابني
وبالنسبة للفسح
اطلع من الصبح
وسيب السهر
الارياف مافيش احلى منها
في الصباح
الف الف مبروك الله يجمع بينكم في خير
اعتقد لمده عشر ايام المبلغ هذا زوين بس بدون التذاكر واتمنى تاخذ معاك احتيط يعني فيزه اوماستركارد يكون افضل
وبالنسبه للاماكن تصفح المنتدى وبشوف الي يسرك وترتب الجدول الي يناسبك وسفره سعيده ان شاء الله
يعطيكم العافيه عالردورد بس الى الحين مااحد فادني
ابي جدول او تنصحوني باماكن اروح لها من خبرتكم
الفلوس مو مشكله
اتمنى التفاعل والرد
للي لهم خلفيه بهالشي
وبكون شاكر لكم
اهم شي السكن لا تروح من غير ما تحجز من هنا صعب تلف على الفنادق وانت عريس
العروسه تكرهك
وبالنسبة للميزانية اذا السكن متوسط فهي كافيه اما لو سكنت خمس نجوم فلازم تحسبها من جديد
علشان كذه لازم تعرف فين بتسكن قبل ما تروح وتعرف كم السعر
والف مبروك
السلام عليكم ورحمة الله وبركاته مرحبا .. أولا ... ألف مبروك ثانيا لازم ترتب أمورك حسب ميزانيتك ... حسب االفنادق اللي راح تسكنها من اربع الى خمس نجوم والمناطق وايش تفضل يعني تفضل المناطق الهاديه ع النيل زي الزمالك او بعيد عن النيل وزحمته زي مدينة نصر والا تبي ازعاج السيارات والزحمة زي شارع جامعة الدول ( عموما السكن فيه ماينفع مره لعرسان ) ... فيه كثير أماكن ممكن تروح لها .. وتستمع لكن عفوا ميزانيتك يمكن تكون بحدود 15000 الف جنيه مصري يعني يبي لك تسكن بفنادق فور ستارز .. اذا كان معدل صرفك في حدود المتوسط الأماكن روح الأهرامات هذي أكيد لكن روح الصبح بدري مره يعني عالساعه 7 او بالمساء علشان ماتحرقكم الشمس اكيد لازم تزور القرية الفرعونية مره حلوه انصحك تزورها العصر علشان تبدوا الرحلة ولما تنتهوا من الرحلة بالليل راح تركبوا السفينة الفرعونية تتجول بكم ع النيل ... طبعا هذا مشمول بالتذاكر ولكن خذوا التذاكر من غير عشااء لان مطاعمهم داخل القرية الفرعونية خايبة بالمره الأزهر بارك لازم تزوره مره يجنن ..برضو روحوه المساء ( بداية العصرية )... المتحف المصري .. سينما سيتي ستارز .. وبالمره تسوقوا بالمول بس لاتشتروا كل شئ تشوفوه لان التاكسس ( الضرايب) داخله ضمن اسعار السلع وراح تطلع اغلى من عندنا خاصه العطور والميك أب اذا بالليل حابين تسهروا روحوا لفندق الانتر بسيتي ستارز - مدينة نصر مره رايقه الجلسه والجو حول المسبح بالليل ولا في زحمة ولا ازعاج روحوا للحسين والله يعينكم على النظافه الزايده بس برضو اكشن وحلو الجو مروا قهوة الفيشااوي بالنسبة للمطاعم والكوفي شوبز ( مطعم الروشة كندهار - شارع جامعة الدول - نظيف اكله كويس فيه اكلات هنديه وشرقيه لبنانيه) المطعم الهندي بفندق قراند حياة مطعم جوه البحر ماكولات بحريه بمدينة نصر او اقرب لكم روحوا الفش ماركت عالسفن الثابته عالنيل استوديو مصر للمشويات بسفينة النايل سات الهابي دولفين بشارع الملك عبدالعزيز مره اكله لذيذ ينفع تروحوا تتغدوا سفينه مفتوحة ع النيل مطعم فيروز مره رايق وذوق بفندق الانتر سيتي ستارز بمدينة نصر برضو بلانت أفريقا مطعم حلو بميدان تريامف هذي أنظف المطاعم اللي أكلت بها بمصر ........... احسن كوفي شوب بجامعة الدول هو ( البيكري bakery ) مره حلويااته تجنن وخطيره ولذيذه ... فيه اشياء كثيره غير ولي باك وانا حاضره لاي اسألة ........... لي باك معك ...
أولآ مبروك ألف مبروك ووفق الله بينكم وجمع بينكم في خير ثاني حجة المبلغ ممتاز ,,ولا يغرك يقولون ماتكفي بس أهم شيء تكون منتبه وواعي للصرفك لومعك 100000 بدون إقتصاد ماتسوى شيء
طبعاً المبل خارج التذاكر
وبما انكم شخصين ممكن تسكن فندق غرفة وحدة حلوة مطلة على النيل ماراح مبلغك يكفي الفايف ستارز لكن حتمآ في القاهرة أماكن متنوعة السعر وفنادق جدآ حلوة وأسعارها من النت برضوا حلوة ممكن تحجز بيكون أوفر لك بدل تروح هناك وتنصدم برفعة الأسعار فخذها من هنا أزين وبرضوا تاخذ خلفية عن الفنادق كلها أعطيك أمثلة :بالأقل سعر والأسعار من النت فندق فالمينكو وهو في الزمالك مطل على النيل سعر الليلة ب450 رس وراح أختصر عليك شوف مواقع حجوزات الفنادق وراح تفيدك اكثر أنت على حسب رغبتك بس أول يوم لازم تحجز قبل تفادياً للتعب والمشقة وبعدها شوف اللي يناسبك وأحذر السماسرة المنتشرين على الطرقات ممكن تاخذ لك سواق خاص أو تستغني عنه حاول تروح للأماكن السياحية المهمة أكيد الأهرامات والحسين وخان الخليلي والقرية الفرعونية والمتاحف وماشاء الله موجودة بكثرة وأنت عارف مو شيء جديد هنا مئات البرامج الموجودة من الأخوة الأعضاء والمشرفين تقدر تنقي اللي يعجبك خذلك بين فترة وفترة رحلة نيلية مدة ساعة او أكثر و و و و أي بعد لاتنسى المطاعم عاد كل(ن) وذوقة أختار مايعجبك ذو السمعة الممتازة ولاتنسى البوفيهات المفتوحة ولا أوصيك أكيد بتروح فرغلي والعمدة
