جاكرتا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
هيما2
27-11-2022 - 07:21 pm
السلام عليكم
احبتي الأفاضل بعد التحيه ...
اليوم وانا ادور على حجز لأندونسيا فتحت موقع الخطوط السعودية
وحطيت تاريخ السفر يوم 5 سبتمر من جده الى جاكرتا
والعوده يوم 12 سبتمبر من جاكرتا على الرياض ومن الرياض على جده للعلم احنا ثلاثه اشخاص 2بالغ وطفل ( هل يحسب لطفل نصف القيمه ؟)
المهم طلعتلي ثلاثه عروض ..
العرض الأول مكتوب .. الضيافة تشجيعي وسعره 1238 لذها والعوده ب 841 لشخص الواحد
والعرض الثاني مكتوب .. الضيافه الاقتصادية وسعره 1333 لذهاب والعود ب841 لشخص الواحد
والعرض الثالث مكتوب .. الضيافة مميز وسعره 1769 والعوده ب 1719 لشخص الواحد
بصراحه يااخوان انا مغريني العرض الاول لكن ماني عارف هل اذا لاقدر الله ماقدرت اسافر لأي ظرف من الظروف ماعد اقدر استرد فلوسي او حتى اعدل مواعيد الرحله واجلها لتاريخ آخر ..
فأتمنى اللي عنده تعليق على العروض الثلاثه يحلقني وينصحني بأي من العروض اختار
وكمان اتمنى توضحو لي الفروقات في كل شي مابينها
وهل فيه خطوط اخرى تنصحوني بها غير السعوديه وسعرها اقتصادي ومجرب
وفي الأخير كل المحبه والموده لكم مني
تحياتي


التعليقات (9)
مستر طارق
مستر طارق
العرض الاول يطلع ب 2100 !!
ام سعر كويس بس مافيه استرجاع نهائيا
  • * تاريخ سفرتك بالهجري كم يوافق؟


alhwawy
alhwawy
هلا وغلا
بخصوص العرض
عرض فاشل استغلالي واجباري يعني اذا حجزت وماسفرت مع السلامة
الطيران البديل
طيران سنغافورة
طيران الاماراتية
طيران الاتحاد
طيران الجارودا
وصدقني لو يغيرون الخطوط السعودية طيراتهم ويستبدلهونها ب 200-777 اول واحد يحجز انا عليها
لكن طيارات متهالكة وغير كذا مافيه ترفيه ولا فيه وشي ولاتعرف الوقت الزمني
انا بسافر في 31 اوقست إن الله أحيانا على طيران سنغافورة على البزنس كلاس سعرها خيالي

هيما2
هيما2
مستر طارق
يعطيك الف عافيه اخوي
والله عن مغري مغري ولكن المشكله مافيه استرجاع
شاكر مرورك وتعليقك ...

هيما2
هيما2
alhwawy
ياهلا وغلا فيك ومنور صفحتي
والله عيوبها كثير الخطوط السعوديه ولكن ايش نسوي مايصبرنا على المر إلأ اللي امر منه ........
ولكن والله انا اشوفه سعر كويس بس لوكان بدون شروط او قيود احلى بكثير
عموما اسعدتني بمرورك ورأيك الجميل وحاب اعرف بكم اخذت التذكره على السنقافوريه وياليت تعطيني السعر وكمان ارقام الاتصال او موقعهم
تحياتي

جورج الرومانسية
جورج الرومانسية
بصراحة عروض خيالية وسعر مناسب جداً
ولا يوجد خطوط طيران بهذا السعر
السعر هو لذهاب والعوده 1733 ريال
لكن هذا السعر لابد الحجز علية مسبق ولا يمكن الغاء او تغيير الحجز
يعني اذا ما سفرت ما تقدر تاخذ ولا ريال

عاشق الابداع
عاشق الابداع
عرض مغري v كلاس احجزي وتوكلي على الله واذا صار ضرف والحمد لله انه مبلغ بسيط انا بصراحه سافرت انا والعائله في 19 ينار قبل 3 اشهر ووفر على العرض مبلغ السكن في رحلتي كلها بقيمة 7000 ريال تقريبا والله يعطيك العافيه واعقلبها وتوكلي واحجزي وسفره سعيدة ان شاء الله

alhwawy
alhwawy
هيما2
من ناحية الخطوط السعودية قيود ولا بدون قيود مستحيل اركبها الاإذا غيروا الاسطول
من ناحية سعر تذكرتي لطيران سنغافورة
خذيتها ب 5790 قبل شهرين قصيت التذكرة
وفيه إمكانية الاسترجاع وفيه أماكنية تغيير الحجز بدون مقابل حتى لو كانت على السياحية
مدري إذا الإدارة يسمحون بوضع ارقام
موقعهم في الرياض

فارس..
فارس..
كم..كم..كم..!!!
سعر خيالي......؟؟؟؟
والله هذا الصفقة
يشيخ لو يجلسني بجنب الكبتن ما أخذتها ب5790 ريال
هذا رايئي وإنت لك الإختيار..!!

srpc
srpc
لو يقولون ببلاش لاتغامر وتروح معهم
هذي نصيحتي وانت حر
طيران متهالك ، عديم المصداقية ، ما عندهم احترام للمواعيد
انا توني جاي من اندونيسيا
وكاتب قصتي اللي صارت تقراها في الموضوع التالي
حصلتي قصة والله ما تجي على بالك ابد
وعلى فكرة ، انا حجزت بنفس ب 1700 ريال على اساس ان الرحلة راح تكون دايركت من الرياض لجاكرتا وقبل الرحلة بيومين وبعد ماارتفعت اسعار التذاكر من قبل المنافسيين قاموا غيرو مسار الرحلة وخلوها من الرياض لجدة ومن جدة لجاكرتا وياليتهم اكتفوا بكذا وبس ، لا اخروا الرحلة اللي من الرياض وبغت تروح علي الرحلة كلها ، بعد ما قدمت اجازة من العمل راح عليها اسبوع والله اني كنت في موقف لا يحسد عليه
انا اقولك رح على رجلك ولا تروح على الخطوط
وهنا قصتي اقراها بكل رواقة وقرر ، وعلى فكره في واحد صار له نفس مشكلتي بس مادريت عنها الا بعد ما حجزت
https://artravelers.com/p/re/511276


خصم يصل إلى 25%