اذا فقط 17 يوم وفي منتصف فبراير.....
نصيحة نيويورك 3 ايام ميامي 3 ايام اورلاندو 10 نيويورك 1 ...... او .... ميامي 3 كروز بالكاريبي 4 اورلاندو 9 ميامي 1....
هاواي تبعد بحدود 10 ساعات طيران عن ميامي او اورلاندو ، بعيدة وايد

اذا 17 يوم. نصيحة فقط 3 مدن ..... مؤ شرط تروحين نيويورك اذا ما تبين ....ممكن الطيران علي البريطانية مثلا من لندن الي اورلاندو او ميامي مباشرة...
الجو في فبراير رائع في ميامي واورلاندو ......الكروز تغني عن هاواي

جزاك الله خير اخي عزيز
يعني المقصد اقسم ايامي
اورلاندو
ميامي
الكروز
رايك الشخصي في ايش ابدا ولأي مدينه انهي وحلتي ؟
وكيف بخصوص الكروز ؟ هل في برنامج معين اقدر احجز اون لاين والفنادق لازم احجزها لوحدي بخصوص الكروز ؟
ممكن احصل مثل المنتجع فيلا مع بركة سباحه ؟ لان شهر عسل والقصد هو الراحه والاستجمام ؟
وبرايك ايش الميزانيه التقريبيه بدون التذاكر ؟؟

الاخ عزيز ما قصر ياليت اشوف ردود الاعضاء الي عندهم خلفيه وممكن يفيدوني

17 يوم في أمريكا ماتسوى المشوار الطويل زوديها شوي بعدين عندك كاليفورنيا هي الأفضل

أختي العزيزة
مبروك الزواج مقدما
بالنسبة للكروز فستكون رحلة بحرية بباخرة عظيمة مثل تايتنك
يعني تصحين وتنامين وتتفسحين وتحضرين سينما وتتسوقين في السفينة وما يحتاج تحجزون فنادق لأنكم بتنزلون جزر أو مناطق لنصف يوم ثم تعودون للسفينة والعشاء والنوم فيها
وهذا عنوان حجز سفينة الكروز بالشرق الأوسط كما أفاد مشرفنا إمباكت سابقا في أحد موضوعاته
يمكنكم الحجز عن طريق الموقع أعلاه او بالاتصال على الأرقام التالية :
من داخل السعودية الرقم المجاني : 8008971419
من الإمارات العربية المتحدة : 97143314299
ولجميع الدول العربية في الشرق الاوسط : 97143314299
رابط الشركة للحجز
http://www.royalcaribbean-arabia.com/

هلا بو فهد
من اي ناحية كاليفورنيا افضل ؟ وايش الاماكن الي تحسها زينه غير الي انا فكرت اروحلهم ؟

مشكوره عزيزتي قطريه الله يكثر من امثالك

الله يوفقك يارب ويتمم لك بالخير
خليك على فلوريدا افضل في فبراير
وممكن اضافه نيويورك 3 ايام حلوه وماتتفوت
والكروز ماانصحك فيه كشهر عسل
مافيه رواقه ابد انتي ينفع لك فنادق فخمه او منتجع رايق
خصوصا ان المده كلها 17 يوم
وزعيها بين نيويورك ( مدينة سهر وصخب وزحمه )
اورلاندو ( مدينة ترفيه وتسوق )
ميامي ( مدينة استرخاء )