عندكم 14 يوم في ماليزيا وبما أنكم عرسان أرجو أن تستبعدي أيبوه وكاميرون لأن طريق كاميرون مرهق .. عندك جنتنق تكفي عن كاميرون نفس الجو وأقرب وفيها حركة ووناسة وملاهي وتلفريك بعكس كاميرون ريفية وهدوء تصلح للشياب أمثالي
التوزيع الأمثل لبرنامجكم في ماليزيا بالفنادق:
يومين منتجع قوادن بالم تري
4 لنكاوي : فندق ويستن لنكاوي غرفة ديلوكس على البحر
3 بينانج : فندق بارك رويال غرفة ديلوكس على البحر
5 كوالا : فندق تردرز غرفة ديلوكس مطلة على البرجين
(خصصي يوم لزيارة مرتفعات جنتنق ويوم لزيارة حديقة الألعاب المائية في الصن وي لاقون في سلانقور)
التنقلات : إلى لنكاوي عبر الطيران الداخلي إيرأسيا أو الماليزية المسافة ساعة
ومن لنكاوي إلى بينانج ايضا طيران (المسافة نصف ساعة)
ومن بينانج إلى كوالا : طيران (45 دقيقة ) أو بالباص 4 ساعات
الحجز عن طريق موقع إيرأسيا أو الماليزية عن طريق النت من هنا قبل السفر
بالنسبة لحجز الطيران الدولي الأفضل من الآن لأن كل ماتأخرتي ترتفع الأسعار

شكرا يا اخوي الطيب وجزاك الله الف خير .. دايما تساعد الناس وماقصرت معاي..
بس ماتشوف ان بننغ بتكون مشابهه للنكاوي وبوكت ويمكن الغائها من الجدول؟؟؟
يعطيك العافيه..
وبانتظار باقي الردود للأستفاده القصوى من خبرتكم اعزائي وللاجابه على باقي الاسئله... شكرا لكم =)

المشكلة في الإنتقال من لنكاوي إلى كاميرون مافيه طريق مباشر لابد من العودة إلى كوالا
نعم فيه تشابه بينهم ومن رأيي إذا تبي تلغين بينانج أقترح تقللين المدة في ماليزيا إلى 11 يوم

وهذا الي بيصير عشان مانتعب بعد..
شكرا لك على تجاوبك السريع =)

1. هلا بك

هلا بك

انا نصيحتي لك اختي دامك بتطلعين ماليزيا ياليت تغطي المناطق كلها وصدقيني بينانغ مره حلوه وحتى لو كان فيها تشابه بسيط بينها وبين بوكيت ولا نكاوي صدقيني مره روعه وبتجدين فيها شي غير ومختلف عن البقيه وعلى الاقل انك تزوريها اقلها
عموما التوزيع لمدة 24 ليله لو اخذتي رأيي راح اوزع كالتالي :
ليلتين في سلانقور ( تبعد عن كوالامبور مسافة ال 20 دقيقه بالسياره ) - ينصح بفندق السن لاقون
ليلتين في كاميرون ( تبعد مسافة 300 كيلو بالسياره من سيلانقور - كوالامبور ) - انصحك بفندق مخصص للعرسان وهو الليك هاوس
ووبعدها الى بينانغ 4 ليالي - وتوجد عدة طرق اما ان تاخذي سياره من كاميرون وتتمتعي يروعة المناظر على الطريق او انك ترجعي الى كوالامبور وتاخذي طياره والمسافه بالطياره من كوالامبور الى بينانغ اقل من ساعه
وبعدها الى لانكاوي 4 ليالي وتتميز بالاكواخ البحريه مثل لانكاوي لاقون او ريباك كتغيير روتين عن نظام الفنادق
وانصحك بالسفر من بينانغ الى لانكاوي بالعباره والمسافه بالعباره تكون ساعه ونصف فقط
وبعدها العوده الى كوالامبور بالطياره من لانكاوي ومده الرحله ساعه تقريبا
وانصحك تجلسي فيها 4 ليالي
ليلتين بفندق مطل على الابراج مثل تريدرز او ويستن والاستمتاع بالاطلاله
واخر ليلتين تقيمي بفندق موجود بشارع العرب للتبضع مثل فندق دورسيت ريجنسي
وانصحك باليوم الثالث في كوالامبور بالذهاب الى جينتينغ ( صد ورد ) بالتاكسي والمسافه مايقارب ال 45 دقيقه فقط
وبعدها السفر الى بانكوك
والاقامه في بوكيت كل الليالي
واخر ليلتين في بانكوك لانه بانكوك مافيها شي يستاهل انك تجلسي فيها اكثر من ليلتين
لاهنتي

اهلين
انا مع راي الاخ اللى فوق ايبوه مالخا داعى مره مجرد ارض خضراء ومترفعه هى والكميرون هايلاند وخليك على كوالا لمبور وبينانق ولنكاوي وفي مكان اسمه بانقور فيها شاطئ خاص يعني حقت عوائل.
انا الان فى ماليزيا وصراحه مافي سياح كثير الان نهائيا وخصوصا العرب مافى الا اعداد قليله جدا بالعكس صرت من النادر اشزف عبايه يعني اى مكان تروحون الان حلو ومافيه عرب كثير
الصن وي لاقون حلو جدا وحديقته حلوه المنظر وخصوصا مطعهم الطربوش يطل على الحديقه. وجلسته حلوه ورومنسبه
انا سكنت اول ما جيت فى فندق الماريوت فى شارع العرب وهو احلى فندق سكنته بصراحه فخم ومحترم. وسعره كان 580 رنقت بس اصحابي سكنوه بدايه رمضان الليله ب 400 رنقت وشارع العربزصراحه فيه مطاعم حلوه وفيه سزق بافليون افخم سوق وكل يوم وانا اشرب قهوتى فيه
واى استفسارات انا موجود فى كوالا الان.
بالتوفيق

مشكورين يا اخواني الاعزاء .. بعد مشورتهم اخر شي توصلت له التالي..

• لغيت فندق البالم تري لان في شبيه له في لنغاوي ومابي اضيع وقتي..
• لغيت الكاميرون بعد مشورتكم..

4 ليالي في لنغاوي ومحتاره بين Meritus Pelangi Beach Resort & Spa Langkawi + The Westin Langkawi Resort & Spa
2 ليلتين في جنتنغ.. والسبب ان مابي ارهق روحي اروح كم ساعه ادري ان بتعب غير ان ابي الجو الحلو بما ان لغيت الكاميرون =) .. وللحين ما اخترت فندق مناسب
4 ليالي في كوالا شارع العرب.. وللحين ما اخترت الفندق.. ومنها يوم واحد مخصص للسان وي لاغون..
6 ليالي في بوكت...
4 في بانكوك (كلها شوبنغ في شوبنغ)
يمكن لاحضتو ان ماخليت بننغ في الجدول للاسباب التاليه : اني زايرتها من قبل.. وانها شبيهه للنغاوي وبوكت..
قللت مجموع ايام السفر الى 21 يوم تقريبا عشان مانتعب..
شرايكم يا خبراء ماليزيا.؟

صحيح وسؤال مهم شلون اتنقل من لنغاوي الى جنتنغ.؟؟

الشر العظيم شوقتني على ماليزيا ولهت عليها ودي اروح على عيد الاضحى
كم بيكون التاريخ انجليزي