ما شاء الله تبارك الله
بداية جميلة ومشوقة
منتظرين الباقي

حمدا لله على السلامة
بداية جميلة

سهم..
مرورك الاجمل اخي سهم..ويارب تنال البقية اعجابك

علي صبري
الله يسلمك يارب ومرورك اسعدني

ليبية حرة
واسعدني اكثر
ان شاء الله هذه السفرة مع زوجك الذي كنتي تفتقديه في سفرتك السابقة
الله لايحركم من بعض
وتحياتنا الى البطل عبد الرحمن (الحلو) الله يحفظه
ومتابعين التقرير

واسعدني اكثر
ان شاء الله هذه السفرة مع زوجك الذي كنتي تفتقديه في سفرتك السابقة
الله لايحركم من بعض
وتحياتنا الى البطل عبد الرحمن (الحلو) الله يحفظه
ومتابعين التقرير[/COLOR
الله يسلمك يارب والحمدلله المرة هادي كانت مع زوجي ^_^ وعبودي يشكرك على التحية

ماشالله دوم مبدعه ياليبيه وواصلي احنا كمان سافرنا هذا الصيف بشهر سته وكانت احلا ايامي بس الظهر كان حر وشمسهم قويه
اشتهيت ارجع مره ثانيه واكل بقلاوه بشارع استقلال
لكن الاكل ماكان مره ماتوقعته كذا خاصه الشاورما الي جمب برجر كنج سيئه واعتمدنا اكثر شي على رويال تشكن من برجر كنج وكان يفتح الى اوقات متاخره جدا ماشالله وزحمه
ان شالله اقدر القى وقت وانزل تقريري البسيط

احاسيس فياضه
الف الحمدلله على السلامة وفعلا كان الجو جدا حر بشهر يونيو انا رجعت مرة تانية بعد رمضان وكان الجو احلى بكتير والحر اخف..وبالنسبة للشاورما فحسب المكان اللي تشتريها منه في سلسلة محلات اسمها بركات زي ما اتذكر وموجود منها فرع بجواهر كانت من افضل الشاورما اللي اكلتها باسطبنول وفعلا الشاورما في الدول العربية افضل من تركيا ..
وبانتظار تقريرك لا تتاخري علينا ^^

1. نواصل وبالعامية لاني تعبت من الفصحى


2. يالهوي!! ملغي مرة واحدة!! طبعا زوجي رمقني


3. بس الحقيقة كان جدا مريح او يمكن من كثر التعب ماصدقت


4. وحسيته مريح..

نواصل وبالعامية لاني تعبت من الفصحى

وصلنا الفندق واحنا هلكانين من التعب والارهاق وشحططة الشنط اللي لازم تكون ثقيلة وتهد حيل زوجي مهما حاولت اخفف ومااخد معاي ملابس كتيرة..والحمدلله على نعمة العربات اللي تشيل الشنط والا كان زوجي يعاني من انزلاق غضروفي من شيل الشنط...
وطبعا لما وصلنا الهوتيل كنا مانشوف الا السرير والنوم من التعب ..وكان معانا طبعا ورقة تاكيد الحجز من موقع بوكينج وامورنا تمام...
واول مادخلنا لقينا الفندق بدايته درج ..والصراحة بداية لاتبشر بخير ابدا عشان عربية ابني اللي صعب تركب وتنزل من الدرج كل يوم وبدون ما
يكون في مكان مخصص
للعربات..
..دخلنا وكلنا ثقة وورقة الحجز معانا الا وموظف الريسبشن يفاجئنا بسلامته ويقول ان الحجز ملغي!!

يالهوي!! ملغي مرة واحدة!! طبعا زوجي رمقني

النظرة اللي هي عشان انا اللي عملت الحجز واكدتله ان الحجز مؤكد..واخذ يتفاهم مع الموظف ويفهم منه ولو انه حتى انجليزيته منيلة بستين نيلة..اللي فهمناه منه ان الكريدت كارد اللي سوينا بيها الحجز ما اشتغلت وطبعا بعتوا ايميل يبلغونا بس وقتها كنا في الطيارة وما استلمناه!!
وبعد نقاش وكلام مكسر بين زوجي والموظف وانا طول النقاش افكر جديا اني انام على الكنبة من كتر التعب ! وطبعا الموظف كان مصر ان ماعندهم اي غرفة ! بس بعدين قال ان عندهم جناح بس نوعية الغرفة اللي موجودة بحجزنا ماهي متوفرة! وطبعا احنا ماصدقنا على طول اخذنا الجناح مع انه كان اغلى وانا طبعا اقترحت على زوجي انا ناخد الجناح الليلة بس ولما نصحى الصبح ندور على هوتيل تاني بس زوجي اشترى راحة باله وقرر ياخد الجناح طول مدة السفرة..
وماتغركم كلمة جناح!! لان الجناح ضيق وهو عبارة عن غرفة مقسمة جزئين

بس الحقيقة كان جدا مريح او يمكن من كثر التعب ماصدقت

وحسيته مريح..

وطبعا لما استلمنا الغرفة كان الوقت جدا متاخر واول ما استقرينا فيها راح التعب والنعاس وحسينا بجوع فظيع كأننا ما اتعشينا بالطيارة ..وكلمنا موظف الاستقبال وعرفنا ان المطعم سكر! الموظف اقترح علينا يطلبنا اكل ديلفري وفعلا طلب بيتزا من دومينوز بيتزا ..وما ادري ليش طلب بس واحدة ! وصغيرة كمان!! واحنا ميتين جوع!! المهم تذوقناعينة البيتزا وحمدنا الله ونمنا على طول بدون مانخطط لليوم الاول في الرحلة..
وهادي صور الغرفة
هذ السرير

اعجبني انهم حاطين روب حمام رجالي ونسائي وباينين بالصورة على السرير

وهادي ما ادري وايش تسمونها المهم موجودة جنب السرير

وهذا القسم الثاني من الجناح او الغرفة لو تحرينا الدقة..وفيه تلفزيون تاني والكنبة اللي في الصورة ومكتب عليه كاتلر وسكر وشاي وقهوة والذي منه

وهذا المكتب وللامانة الكيتلر مو ظاهرة بالصورة عشان كانت عطلانة واخدوها عشان يستبدلوها

وبعدين فيه ممر صغير فيه الحمام اكرمكم الله وهادي صوره

وللحديث بقية ...