1. وأبشركم..

ورجعنا للحر والرطوبه..وتركنا المطر والبر..
وصلت أمس الساعه 3,15صباحا...ومشينا من أبها 4,30 عصرا..
رحنا وجينا عن طريق الساحل والدرب..
كانت أبها الجوا يجنن وغير أمس جانا برد في الشوراع على الزرع كأنه ثلج والمطر ياسلام..ماكان ودنا نرجع ونترك هالبرد والمطر..بس عندنا عرس أقاربنا ولازم نرجع..
لاتفوتكم شيء الخضره كلام..والجو أروع مايكون..نفسي أبكي أبغى أرجع لها..

وأبشركم..

راحت شنطتي والكميرا والفلم اللي كنت مصوره لكم المناظر..مأدري إنسرقت طاحت الله أعلم عهدي بها تحت رجل أختي وإحنا نتفرج في الطرطيع..حقت أبها الجديده..في الشارع اللي جنب حديقة السد المقابل لأبها الجديده..:rolleyes:
بس الشنطه مافيها شيء إلا أدوات تجميل(أرواج ومحددات وظل وغيره) والكميرا اللي مستلفتها وسويت الهوايل عشانها وإتصالات وترجي كنت بأوريكم جمال الطبيعه اللي شفته ياربي وش خضره تجنن أبها هالسنه خاصه أنا رحنا لها بعد فتره من الأمطار يعني نبت الزرع والعشب على هالمدرجات الخضراء والغيوم
مايحتاج..وعلى فكره كنت شايله معي ورقه وقلم أكتب لكم الطرق والملاحظات..وكنت طول ماأتمشي أتذكر المنتدى..وأحاول أفيدكم بس الورقه راحت مع الشنطه..
وماشاء الله فيه كثير سياح من الخليج..اه كل ماشوف سياره مكتوب عليها الكويت..أقول يارب الباحثه تكون..ياسلام يالباحثه لو قابلتك في أبها تصير رحلة كل وناسه وفله على قولت أهل نجد..(ترى إذا كانت فله سبه أسحبوها لأن وحده من زميلاتي فهمتني فله بمعنى الفرحه الشديده والإنبساط)..
والحمدلله أنبسطت كثير وخاصه مع اللي معانا..لأنا دائما مانروح أبها الإمعاهم