مرحبا أخوي د.السراوي ..
الحمد لله على سلامتك .. وان شاء الله انك استمتعت بالرحلة وغيرت جو وعملت رفرش ممتاز ..
انا رحلتي بعد أسبوعين وعندي بعض الاسفسارات ..

• * للسفر لاوزونجول الافضل احجز الطيران الداخلي من هنا والا اذا رحت لتركيا ؟؟
• * كم تبعد ايدر والسلطان مراد عن اوزونجول ؟؟ وهل يومين كافية لزيارة ايدر والسلطان مراد واوزونجول ؟؟
• * الرحلات الى بورصة أو يلوا .. هل عندك فكرة عن الاوقات ؟؟ ( اذا جدول الرحلات معاك ياليت تعرضه لنا ) ..

اذا عندي استفسار اخر .. برجع لك تحملني ..

1. وجه المرايا


2. ياهلا حبيب قلبي

وجه المرايا

ياهلا حبيب قلبي

بالنسبه للطيران انصحك تحجز اون لاين على التركيه في النت وتدفع بالفيزا وتشوف الوقت والسعر المناسب لانه بيكون فرق تقريبا الضعف اذا حجزت من مكتب سياحه وتقدر تحجز من الان ومر الخطوط التركيه بس عشان تتاكد ان حجزك اوكيه
ثانيا تبعد السلطان مراد عن اوزونجول ب 45 دقيقه طلوعا للجبل يعني تروح وتجلس ساعتين وتنزل
بالنسبه لايدير تقريبا ساعه ونصف طبعا نصيحتي تسكن في طرابزون وتروح من هناك يوم لاوزونجول ويوم لايدير ويوم لصوميلا و مثل ماسوينا نحن لان مشكلة اوزونجول وايدير يمكن تطفش خصوصا في الليل الا اذا كان هدفك طبيعه وماترغى غيرها هذي شي ثاني
بالنسبه لرحلات بورصا ويلوا ماعرف عنها لاني مارحت لها لان شمال تركيا يغنيك عنها نفس الطبيع بل اجمل شمال تركيا لكن اذا تبغا فيه واحد تركي بس يتكلم عربي عنده باكيجات لها وحتى لو تبغى حجوزات شقق في تقسيم باسعار حلوه ممكن اعطيك رقمه اذا تبغا تعامله دغري وماعنده لف ودوران
يعني لازم تحدد انت ايش هدفك وايش تبغا بالضبط شمال تركيا انصح في كعائله ممتاز جدا اذا حددت كم بتجلس في شمال تركيا قولي كم المده وانا اعطيك افضل جدول وترتيب والاسعار انصحك تكسن في طرابزون وتروح لايدير واوزونجول وصوميلا يعني كل وحده يوم يعني المجموع 4 ايام كفايه وتسكن في قراند زورلو 5 نجوم وسط طرابزون
واي استفسار اخر انا حاضر

يعطيك العافية يا دكتور ..
بالنسبة للحجز حاولت احجز ومالقيت حجز ع التركية بس بشوف اونر يمكن القى .. كم اسعار التذاكر من اسطنبول الى طرابزون ؟؟؟
بالنسبة للمدة اللي بجلس فيها في شمال تركيا 3 ايام .. علمني وش أفضل جدول لها ؟؟ وين أفضل السكن في اوزونجول والا ترابزون خصوصا اني رايح مع صديقي يعني رحلة شباب ..
ايدر وش افضل الاماكن فيها ؟ وكذلك صوميلا ؟
اذا ممكن ترسل لي اسم الشخص التركي ورقمه ع الخاص أكون لك شاكر ومقدر ..
يعطيك العافية ع تجاوبك .. وانتظر ردك ونصايحك ..

حياك الله يادكتور
والحمدلله على السلامه.....

بليز الليره التركيه كم تعادل بالريال ؟؟
ضروري انتظر جوابك
الله يجزاك الف خير

نشكر لك اهتمامك بأعضاء المنتدى وزواره وحمدا لله على سلامتك..
عندي استفسارات بسيطة يا أخوي.. حبيت أعرف عن تكلفة تذكرة الطيران من إسطنبول إلى أنطاليا متى حجزتها ومن أي مطار أقلعتم علما بأنه فيه مطارين في إسطنبول؟
وبالنسبة للفندق اللي كنتوا فيه في أنطاليا اللي هو رمادا بلازا.. هل هو مطل على البحر؟ وكم دفعتم وهل يشمل كل الوجبات الثلاث؟
وايش الأنشطة اللي سويتوها طلية بقائكم في أنطاليا..؟
بالنسبة لاستفسارات زميلنا "وجه المرايا" وانه يبى يروح أوزونغول بعد أسبوعين.. أنا كان عندي نفس الرغبة بس استشرت الزملاء في المنتدى فقالوا لي مرة برد.. فقررت أغير وجهتي (المسافرون 2 أنا والمدام) إلى أنطاليا مع إسطنبول.. وناوين نسافر بعد أسبوعين بمشيئة الله

الف الحمد لله على السلامه ...
وان شاء الله اسمتعتوا في رحلتكم
ونحن طبعا بأنتظار التقرير ... بعد ترتيب امورك واخذ نفس عميق للراحه بعد الرحله ,,

1. وجه المرايا


2. اهلين اخوي

وجه المرايا

اهلين اخوي

طيب بالنسبه للحجز غريبه ماحصلت لان اسبوعين فتره كويسه بس عالعموم انت حاول على الاونرا بالنسبه للسعر يفرق بصراحه على حسب انا اختها تقريبا ب 90 دولار لكن انت حاول تاخذ في اوقات اخر الليل او الفجر عشان السعر يكون اقل الاسعار وعلى فكره التذاكر الداخليه رحت لمكتب سياحه في جده وجابها لي تقريبا 2200 ريال للشخص انا دخلت بنفسي لموقع الطيران التركي وسويت الرحلات ودفعت بالفيزا ب 1100 للشخص تصور حتى ماصدقت ورحت لمكتب الخطوط التركيه نفسه عشان اتأكد قالوا حجزك اوكي تطمن شوف فرق السعر
ثانيا بالنسبه لشمال تركيا بما انكم شباب اثنين فانصح زي حالتنا انصحكم وبقوه تسكنون في طرابزون ومن هناك تروحون يوم لصوميلا ويوم لايدير ويوم لاوزونجول صوميلا اساسا كنيسه قديمه ومكانها حلو تروح مع بكيج اخذناه من الفندق تقريبا ب 40 ليره للشخص 5 ساعات يوديك ويجيبك واوزونجول كمان رحنا الصباح ورجعنا المغرب مع باص ب 20 ليره للشخص وهناك تتمشى على البحيره وتاكل اذا تبغا تطلع السلطان مراد تطلع وتنزل 45 دقيقه من اوزونجول وايدير طلبنا سائق من الفندق وكنا محظوظين يتكلم انجليش ودانا لايدير وجلسنا شوي هناك واكلنا ورجعنا ب 300 ليره نفس الطريقه تروح 10 الصبح وترجع المغرب السكن فيه فندق زورلو قراند 5 نجوم اللي سكنا فيه ممتاز واسعاره حلوه وفي الداون تاون وفيه فندق ثاني حلو اسمه اوستا بارك
وفيه ملاحظه الله يعينك اللغه بتكون عائق ومتعبه شوي في تركيا عموما وخصوصا في الشمال لانه غير لغه تركيه مافيه
ارجو اكون افدتك واي شي اخر انا حاضر وبالنسبه لاسم الشخص اللي في اسطنبول من عيوني ارسللك

aldosee
الله يسلم قلبك عزيزي