نصيحه مهمه
بالنسبه لفنادق 4 نجوم فهي مصنفه a/b/c ,, فهناك 4 نجوم سعره 70 دولار وهناك 4 نجوم سعره 140دولار
هنا يظهر الفرق بين الفندقين في كل شيئ
تخياتي

اوكي احكيلكم عن المترو او ال train وعن الترام. الصراحة كانوا كتير رائعين وركبتهم كتير في اسطنبول.
اوتيلنا التعيس كان جمب محطة تكسيم (تقسيم بالعربي) وفندق مرمرة اقرب وفي اككتر من اوتيل كمان قريبين. اول شارع الاستقلال وين اشارات المرور والميدان في نزلة لتحت (سلالم) انزلوا مع العالم وكملوا مع العالم لليسار وامشوا مع العالم.
شوفوا كيف بيشتغل النظام، بس تمشوا مع العالم بتروحوا عند الشبابيك عند لمحصلين بتدفعوا للشخص ليرة و30 فلس وبتاخدو فيش بتدخلوا في المكان المخصص عادي متل العالم وبيكون هناك سيكورتي مع اداة التفتيش بس قدمولوا الي شايلينو بايدكن حتى يمرر عليع الي بايدو.
المهم عند المحصل في طريقين الي امامهم بيودي لمناطف منها عثمان بيه، ثم شيشلي تكتب |Sisli بس حرب ال S الي في تحتو حركة متل حرف S تاني تلفظ شين. شيشلي تحتيها مكتوب مكدو كوي اوفي اخ كتب هون اسمها مجدي كوي. المهم لام تنزلوا بهاي المحطة تأكدوا بأي فرع راح تمروا في لوحات ازا رايحين مول جواهر أكبر مول باوروبا بتتبعوا الوحات الي بتودي لشيشلي. ازا رايحين ل مول م للأسف مش متأكدة منو موجود بموضوع اح الاخوان اعتقد اسمو proflio هدا بتمشوا ورا اللوحات الي بتودي لمجدي كوي. بس تطلعوا من النفق بتوقفوا تكسي وهو بيوديكم للمول. لما تروحوا لجواهر مجرد ماتطلعو من النفق بوجهكم مول جواهر بس تعبروا الشارع. دائما اعبروا الشارع من مرور المشاة.
اما مول بروفليو فبس طلعنا من النفق سألنا دائما معانا الاسماء بورق وبنسأل ميت مرة بكل طرق الاتصال والتفاهم. أحلى شي لما طلعنا من النفق سألنا واحد قال قريب مابيحتاج تاكسي قريب 600 متر. انا ما استوعبت الموضوع قال قريب قلت امشي. ونمشي ونمشي ونمشي وحر ضهر. المهم آحر محل دخلنا وسألناه طلع صاحبهم رايح فمشينا معاه للمول. فنصيحتي خدو تاكسي للمول.
طيب فنفس مسار هدا المترة في محطة Levent وفي اخ كاتب انو فيها مول Metro City وهو صح لانو الي في الاوتيل قلنا انها 4.Levent هي الي فيها المول واول مرة تعذبنا ومشينا كتير وبالاخير اخدنا تاكسي لانا نزلنا بالمجطة الي بعدها. تاني مرة برضوا رحنا لمحطة 4.Levent بس الصبية الي بالامن لما ورجيناها الورقة قالت انو المول في Levent وماخلتنا ناخدج تاكسي قالت ارجو اركبو المترو وعلطول راح يودينا لانو المحطة تحت المول منو وفيه يعني. الزبدة المول في المحطة القبل الاخيرة مش الاخيرة الي فيها رقم 4.
طيب هدا اتجاه المترة للي بوجه عمال التذاكر. طيب من الجهة التانية بهد ما تقطع التذكرة او تاخد الفيش
في 3 اربع سلالم من خلف عمال التذاكر هده فقط بتودي لكبتاش.
بتنزل من كبتاش وامامك على طول المحطة الي بتروح منها لجزيرة الاميرات بالباخرة.
انا قرأت لحد الاخوان انو بينراح الها من ميناء امينونو بس للأسف رحلتلو وبتعرفوا صعوبة اللغة بس رجعونا لكبتاش.
طيب احنا قلنا هدا المسار فقط بيودي لمحطة كبتاش. ولما تطلع من كبتاش بتلاقي البحر. طيب فرضا حابب تروح منطقة السلطان أحمد الي فيها المسجد الازرق وآيا صوفيا ومتحب توب كابي topkapi هدا الاخير كان مسكر يومي الخميس والثلاثاء. انا رحتو يوم خميس كان مفتوح.
طيب انزلتو في محطة كبتاش المترو مابتطلعو برا لا بتروحو وين ما مكتوب tramvay يعني راح تركبو الترام هدا فوق الارض مش متل المترو او مكتوب هناك train مع انو الناس بتقلوا مترو هدا تحت الارض.
برضوا بتروحوا تقطعو تذكرة بليرة و30 فلس وتتجهوا وين مامكتوب tramvay وتطلعوا وتركبو لترام سابع او 8 محطة هي منطقة السطان أحمد طبعا بيقولو اسم المحة القادمة هناك. في متل تسجيل قبل كل محطة بيقولو انهم رايحين للسلطان أحمد. وواضحة لمنطقة لانو راح يمر على المساجد وهي فيها طلعة. ودائما اسألوا وخلوا ورقة فيها الاسم بالتركي.
طيب قبل السلطان احمد في ميناء امينونو. ماتنغشوا لما تركبوا الترام راح تسمعول التسجيل الي بيذكر اسم المنطقة الجاية بيقول كلمة امينونو بس طنشو.
عموما يا افاضل اسماء المحطات بالتسلسل ان كان في المترو او الترام مكتوب على كل باب.
المهم امينونو في رحلة البسفور وفيها الشوق المصري. هو صغير بس حلة للهدايا البسيطة. والحلويات مشكلة والمكسرات كمان وارخص من الجراند بزار فما تفتوه.
المهم دائما اسألوا خصوصا اول ايام كل العالم بتسأل حتى الاتراك.
والرجوع نفس الشي لتكسيم بتركبوا الترام العائد وبتنزلوا في كبتشاش بتنزلول للنفق وبتطلعول من الفتحة المخصصة لكبتاش مش مكان تاني وبتركوا ودقيقيتين وبتوصلوا تكسيم.

الجراند بزار مابينراحلو بالمترو ودنا بتسع ليرات.
كمان ركبنا وسيلة اخرى للمواصلات الا وهي الميني باص الو اسم تاني خلي صاحب الاوتيل يكتبلك اياه. حبيت اروح على مولات. في اخ كاتب انو في 3 مولات بمنطقة باكر كوي. التاكسي بيودي لهناك ب 30 ليرة هيك قالو وممكن اكتر لانها بعيدة. ربع ساعة تقريبا. فقالونا خدوا باص رحنا محطة الباص الي في الميدان قلنا روحول قدام رحنا سألنا امرأة وافقة قالت مافي باص بيودي لباكر كوي ارجعو وين ماجيتو المحطة الرئيسية بعد شوي لحقتنا امرأة بأول الثلاثينات وقالت no english وكعادة الاتراك انطلقت بالتركية وتأشر
المهم والله ما قصرت تدل وتقدمنا مشيا حتى تقلنا الي فهمتو انو ورا اللوحة القرميذية( على فكرة كرميزي يعني أحمر بيالتركي) المهم حضنتنا وبوستنا وراحت
شفتو وين بياعين الورد بتمشو بعديهم لتحت بتلاقو باصات صفر صغار واقفين بليرتين ونص اعتقد بيزودي لباكر كوي. بتنزلو بتمشوا او تركبوا تاكسي لمول جاليريا او كراسول والاخ قال في مول تالت هماك مامريت عليه الي هو الزيتونة.
عموما المول الاحلى هو جواهر. ومول زافر مول ببورصة.
ازا تزكرت شي راح اقلك
وازا راح تستفادوا من خرابيشي ادعوا لي.

حبيت اضيف عن رحلة البسفور. انا قرأت انها ساعتين بس. بس راحوا نزلونا من ال 1 ونص لل 3 وربع لما تتححرك رحلات العودة. المنطقة كانت بس مطاعم. مملة وحر. مابعرف ازا كان في شي ورا. بس ماكان في طاقة نمشي.
الرحلة بتكلف 12 ليرة ونص للشخص.

أولا حمد الله على السلامة أختي ديالا
بس اسمحيلي تعقيبا على الجو انا زرت ماليزيا وتركيا
في ماليزيا في ارطوبة يعني مشوار واحد صغير بترجعي منو مايه لا مؤاخده من الرطوبة
أما في تركيا لا والله الجو غير يمكن حر بس ما في ارطوبة زي ماليزيا

شكرا ولد تركيا. بس انا حسيت الجو نفسو وكنا نغرق مي من امتار قليلة.

لا مقارنة بين تركيا وماليزيا من ناحية كل شيء ماليزيا الأفضل بلا منازع أنا رحت تركيا ورحت ماليزيا وماليزيا أعجبتني أكثر.

شخبط00شخابيط000
واحنا ناظرين ، قبل مانكتب على الحيط000