السلام عليكم ورحمة الله وبركاته
فندق الويستن بشارع العرب موقعه ممتاز وفيه حاجات كثير قريب منه واهم شي هو مجمع البافليون
مقابله بالظبط بس تقطع الشارع وانت وسط البافليون وهو من افضل المجمعات وفيه مطاعم واسواق ومقاهي
والمطاعم غير اللي بالبافليون مقابل الويستن في نفس الجهه اللي فيها فندق القراند ملينيوم وفيه بقالة سفن إلفن
وبالنسبه لقرب استار بوكس فيه استار بوكس في البافليون وفيه واحد ثاني مقال مدخل البي بي بلازا تقريبا
وهو يبعد عن الويستن دقيقتين مشي تقريبا او ثلاث بالكثير وهو في نفس الرصيف اللي عليه الويستن بس تعدي الإشاره
وفيه اصلا مقهي ممتاز قريب من الويستن مقابل الماريوت
وبالنسبه لمحطة المونوريل بوكيت بينتانق قريبه جدا بس تطلع من فندق الويستن البوابه الرئيسيه وتخلي الويستن
والماريوت علي يسارك وتمشي إلي الإشاره قريبه حوالي دقيقتين مشي ومن الإشاره من كورنر سوق اللوت 10
تلف يسار بتشوف المحطه واضحه وقريبه
بالنسبه للتوجه من الكاميرون لجينتنق مباشره ممكن بتاكسي خاص يوصلك مباشره اما بالباص لازم تاخذ باص
من محظة الباصات بالكاميرون إلي محطة باصات بودورايا بكوالالمبور ومن هناك تاخذ باص لجينتنق
بالنسبه لفندق الفيرست ورلد كلوب مافيه مشكله إن شاء الله لأن الكلوب لهم إستقبال خاص وسريع
بالنسبه للباصات من جينتنق لكوالالمبور انت لما تروح من كوالالمبور لجينتنق تحجز الرجعه علي نفس الباص
لأن اغلب الباصات اللي هناك محجوزه او تاخذ لك تاكسي وعموما فيه باصات تحرك تقريبا كل ساعه اسمها
قو جينتنق ممكن تحجز عليها اول ماتصل وانت بكيفك تبي تحجز من التلفريك او من البدايه من فوق
وعموما فيه شركة قو جينتنق في الكي إل سنترال عندهم عروض من كولالمبور ذهاب وعوده وتلفريك
وتذكرة العاب خارجيه الشخص الواحد ب 45 رنقت تقريبا

الله يسعدك دنيا واخرة ويحقق كل امانيك