السلام عليكم
بصراحة ما فدرت افهم كل استفساراتك لو ترتبها على شكل نقاط بيكون افضل.
بخصوص المكاسرة:
فقظ في الاسواق العامة والشعبية و المراكز التجارية العادية مثل ام بي كي لكن ليس في كل المحلات.. بعض المحلات اسعارها ثابته لكن تعوضك بعروض جميلة مثلا تشتري بضاعة و الثانية تكون بنص السعر وهكذا...
جربت السفاري ولا عجبني شي حلو للاطفال.. الرحلات افضلها في بوكت فقط اما باقي المدن و الجزر رحلاتها عادية ما عدى بعض الرحلات في شانغ ماي و في النهاية الناس اذواق.
شركات اعتقد ليش تستخدم التاكسي والقطار المعلق متوفر و سعر البطاقة في متناول اليد و تقدر تستخدمها لسنين جدام. وعن سعر الرحلة بالتاكسي فيكون على العداد الا اذا كان نصاب و شافك سائح بيقولك سعر مرتفع ..عالعموم من تركب التاكسي قولة المنطقة او المكان المطلوب ولاتقولة بكم انتظر لحضة لو ما شغل العداد اطلب منه ان يشغل..
بخصوص المساج حسب الفندق الي انت فيه... بعض الفنادق الرخيصة تخلي الي تسوي مساج تحضر للغرفة.. المساج في الفنادق ذو فئة 5 نجوم له وقت محدد اعتقد من الساعة 10 صباحا لين 7 مسائيا طبيعي يتوفر لديهم نساء و رجال.
بخصوص موقع فندق ادخل جوجل وشوف المسافة

شكرا لك اخي الكريم واتمنى من باقي الاعضاء المشاركة وبخصوص القطار طريقة استعمالة وبكم؟ ووين نروح عشان ناخذ البطايق للقطار

1. ايهما افضل سفاري ورلد او ايلاند سفاري وماذا يشمل كل منهما على العروض؟


2. مالفرق بين التكاسي الي لونهم وردي والي لونهم اصفر؟

بغيت استفسر عل يمكن المكاسرة مع البائع في المجمعات او لا ؟ او فقط في الاسواق

• نعم بعض المجمعات تقدر تكاسر والبعض لا واللي ما تقدر تكاسر فيها المجمعات الفخمة والي تبيع ماركات اصلية دايما اسعارها ثابتة.

ايهما افضل سفاري ورلد او ايلاند سفاري وماذا يشمل كل منهما على العروض؟

• الرحلتين مختلفتين كليا ،، سفاري ورلد هذي رحلة في بانكوك وهي حديقة حيوانات مفتوحة وجزء مخصص للعروض الخاصة بالحيوانات وغيره اما رحلة ايلاند سفاري فهذي في بوكيت وهي رحلة منوعة تختار انت نوع رحلتك وما تشتمل فيه وكل نوع له سعر مثل تشمل عرض الفيلة وركوب الفيلة و سياقة البانشي و التجديف في النهر وامور اخرى.

مالفرق بين التكاسي الي لونهم وردي والي لونهم اصفر؟

• مجرد الوان واللون يتبع شركة معينة ،، اهم شي تركب تاكسي بالعداد مكتوب عليه تاكسي ميتر او اذا رفض يشغل العداد شوف غيره او حاول تفاوض لتوصل لسعر معقول ولغب التوصيلات تتراوح بين 100 الى 250 بات في المناطق المحيطة في بانكوك او حتى في منطاق اخرى مثل بوكيت.

وكم ياخذون مبالغ الى مجمعات مثل جاينا تاون مجمع ام بي كي البلاتبنبوم نانا سكوير

• جاينا تاون مو مجمع هو الحي الصيني وسوق مفتوح ومحلات تجارية من فندق الى هناك تقريبا 150 الى 200 بات واذا بالعداد بيطلع اقل بكثير ونفس الشي بيكون للا م بي كي والبلاتينيوم اما نانا سكوير هذا مجمع صغير جدا يعني حق تطلع عليه في 10 او 15 دقيقة بس وما يحتاج تاكسي لانه يفصله وعن فندق جران ان شارع بس وهو مقابل الفندق كلها تعدي الشارع في 30 ثانية وانت بالمجمع .

هل يمكن طلب من الفندق الحضور للغرفة لعمل مساج وهل هو مضمون الفنددق هو جراند ان في بانكوك وبامبوري في بوكيت والاسعار في حدوود كم؟

• ممكن بالاتفاق مع الفندق وفي بامبوري في نفس الفندق في خدمة مساج لانه عندهم سبا اتفق وياهم يوفرون لك احد يمر الغرفة وطبعا السعر بيكون مرتفع .

عادي اطلب مساج في اي وقت او ليهم وقت محدد الا يمكننا الاتصال بهم لحضور الغرفة في ساعة معينة وهل يكونوا رجال او نساء ؟

• طبعا لهم اوقات معينة يعني ما يصير في وقت متأخر او مبكر جدا يعني من الساعة 9 صباحا وحتى 7 مساء واغلب اللي يسوون مساج حريم

وشاطى الباتونج بيتش هل هو قريب من فندقي ؟

• نعم تقريبا 10 دقايق مشي من فندق بامبوري الى الشاطئ.

وبالنسبة للقطارات شلون نستخدمة وهل هي افضل؟
وبالنسبة سفاري ورلد او ايلاند سفاري كتجربة ايهما افضل وامتع

وبالنسبة للقطارات شلون نستخدمة وهل هي افضل؟

• القطار طبعا اوفر من التاكسي واسرع بالتوصيل ،، طريقة الاستخدام تلاقيها في قسم تقارير تايلند انا منزل موضوع شرح هناك .

وبالنسبة سفاري ورلد او ايلاند سفاري كتجربة ايهما افضل وامتع

• قلت لك الرحلتين مختلفتين ولا وجه بالمقارنة فيهم وكل وحدة بمنطقة مختلفة ،،

في بوكيت التكاسي من غير عدادات، و أسعارها كأنك في لندن. و موظفين التكاسي اللي ينطرونك خارج مول جانكسيلون أوقح منهم ما شفت.

هلا يمكن احجز الفنادق من مكتب العجوز بوم ؟ وهل يمكن تنزيل الاسعار عند الحجز فاي الفنادق او اسعارهم ثابتة وشنو نوعية الغرفة الي اخذها تكون افضل واجمل

تقدر تحجز من اي مكان
بوم تعطيك سعر اقل بكثير من اسعار الفندق نفسه و حتى اقل من الحجز من النت ،،
حتى تحصل مكاتب في مطار بوكيت تحصل سعر زين ،، والاسعار مو ثابته طبعا كل موسم له سعر
واحد من الشباب بالمنتدى حجز من بوم غرفة سوبر ديلوكس في بامبوري ب 1500 بات مع الافطار اعتبره بلاش لان هذا السعر سعر غرفة سوبيريور في النت ،،
افضل الغرف دايما تكون نوعيتها ديلوكس ورايح ،، اما الاستاندرد او الايكونيمي هذي اقل فئة من الغرف واللي افضل منهم هو بالترتيب : سوبيريور ، ديلوكس ، سوبر ديلوكس ، جونيور سويت ، سويت ، اكزوتيف سويت وغيرها من مسميات تختلف من فندق واخر ،،