M~ajed
12-11-2022 - 06:39 am
*
السلام عليكم ..
كيف حالكم اخواني .. ان شاء الله مرتاحين يارب
المهم انا ولله الحمد قررت انا وواحد نسافر لبلاد العمّه وهذي أول مرّه وإن شاء الله مهب الأخيره
وأنا جاي بآخذ مشورتكم وأستفسر لأني دخلت على مواقع الفنادق ومواقع للحجوزات خصوصاً ب بالي وباندونغ .. إتضح لي ان باندونغ رخيصه .. بعكس بالي
مابي اطول عليكم .. ابي تعطوني ميزانيه مبدئيه
خطة الرحله ../
الوصول جاكرتا .. علطول للجبل مدة الإقامه 9 أيام
بعدين باندونغ 3 أيام .. بعدين بالي 3 أيام .. وبالنهايه جاكرتا 4 أيام
ابي تعطوني ميزانية السكن والمعيشه مع السواق والسياره ..
العدد إثنين ( شباب )
حنا حاطين ميزانيه مبدئية 14 الف .. يعني الواحد 7 الآف غير شامله التذكره طبعاً ..
وإذا تنصحوني أغير خطة الرحله .. ف وش الخطه اللي تقترحونها ..؟
وأبي نصايحكم سواءً بالفنادق أو المطاعم والأماكن الزينة .. وماراح تحصلون الا الدعاء لكم ..:55654:
وجزاكم الله خير .. والله يرحمنا وإياكم
الجبل 9 ايام بالي 3 باندونق 3 و جاكرتا 4 ايام المجموع 19 يوما
ياليت تزيد بالي يوم او اثنين لانها بصراحة مشوار وثلاثة ايام تقريبا قليلة على بالي
بالنسبة للاسعار في بالي اغلى منها في جاكرتا وباندونق خصوصا الفنادق كلامك صحيح
بالنسبة لتكلفة الرحلة هي تتوقف بالدرجة الاولى عليكم هل ترغبون السكن بخمس نجوم مثلا
لكن خلونا نحسبها
الجبل 9 ايام بفلة سعر الفلة في حدود 350 الى 400 ريال يوميا يعني نقول 3500
بالي فندق سيكون في حدود 400 ريال في منطقة كوتا سواء فندق هاريس او احد فنادق الاربع نجوم
يعني تكلفة السكن في حدود 1500 ثلاثة ايام
باندونق السكن في حدود 400 ريال باليوم ثلاثة ايام 1500 ريال
جاكرتا شقة بشقق بوري كازبلنكا مدة اربع ايام اليوم بسعر 350 ريال شقة غرفتين
350×4 =1400 ريال
مصاريف المواصلات يوميا 170 ريال للسيارة في مدة الاقامة 19 يوم =3200 ريال
مصاريف المعيشة والتمشية 300 يوميا مضروبة بعدد الايام = 5700
مصاريف السكن كاملا بجميع المدن = 8900
+
مواصلات 3200
+
مصاريف المعيشة والتمشيات والهبقات حلوة الهبقات 5700
المجموع كاملا شاملا = 17800 ريال
يعني يلزمكم دفع كل واحد 9000 ريال
طبعا انا رفعت الاسعار ببعض الامور متعمدا الزيادة ولا النقص وهذا برنامج تكالبف تقريبا خمس نجوم
سكن وتنقلات وتمشيات وسيارة
يمكن يزيد او يقل بمعدل 10 %
بالنسبة لبرنامج الرحلة رائع اقامة الجبل هي الاطول وهذا رائع بالي تستحق خمسة ايام او اربع ايام
يكون خط سير الرحلة
من المطار الى الجبل بعد ذلك باندونق بعد ذلك بالي ثم العودة الى جاكرتا
تمنياتي لكم برحلة سعيدة