- حد الجنون
- عشق لاينتهي
"" السلام عليكم ورحمة الله وبركاته ""صباح الخير مساء الخيرعاشقه تعشق معشوقتها
حد الجنون
عشق لاينتهي
ومستملك لها فقط(( أبطا وخلى سؤال يلهث بصدري مدري يصون الغلا مدري هو يخونه ))طبعا صيف هالسنه يختلف عن كل صيف من دون تخطيط وألا تفكير ولا استشاره ولاتردد ولا اي شيء اخر تم اختيار العشق ألامحدود ان يكون مصيف لنا طبعا كان التفكير يختلف ، قبلها بأشهركنت مخططة للتوجه الى شرم الشيخ وتركيا ، لكن الأحداث اللي صارت منعت التفكير لهم . السفره هالسنه ان شاءالله مختلفه بكل شيء وستكون متنوعه من جميع النواحي سابقا قلت السفره أتت من دون تفكير وتخطيط ولكن حنان العشق يترامش
بين أجفان عيني ويداعبها بين حين وأخر وذكريات الحب والغرام ببحارو شواطئ بوكت الجميلة وسهرات باتونق وزينة وخسارت ليمونه في مجمعات بانكوك والاستجمام والراحه في هواهين والتراث التايلاندي والبساطه في شنق ماي ويسترجع فيني الحنيه والشوق واللهفه الى الرجوع إليها مره اخره فبحثت في google لطيران الخليج والاتحاد والاماراتيه وكان الأرخص الخليج 568 ديناروالاتحاد 589 طبعا من دون نقاش اخذت قراري بعمل حجز تذاكري علي طيران الاتحاد السعيد لنقلي الى معشوقي اقصد معشوقتي تايلاند الحب الأبدي 1 كبار و3اطفال وكان اختيار يوم السفر جدا صعب يعني شلون ؟ شنو اسوي ياربي؟ ، خلصنا امتحانات اخر العام واشوي تنفسنا الا دخل علينا شهر الخير والطاعه " رمضان المبارك " وعزايم وعباده وغبقات وطبخ ، طبعا ماتحلى العزيمه من دون طبخ تشريب اللحم من ايدي الحلوه وكل يومين عزيمه وليمونه تطبخ لين ينهد حيلها وخلاص حتى بعد ماتفتح النت وتشوف اخبار معشوقها اقصد معشوقتها تايلاند ، بعدها القرقيعان والاحتفال فيه الله يعاد عليكم كل سنه يارب """ خلصنا طبخ التشريب اف يوعانه ، اخذت التذاكر وحجزتها 589 دينار تاريخ السفره بعد القرقيعان مباشره والسبب رخص التذاكر لي 2/8 .بعدها ترتفع دبل حاولت بعد العيد ماحصلت سعر مناسب قبل العيد بليله ماحصلت واغلب الطيران ومكاتب السفر مرتفعه اسعار التذاكر . الموسم قصير وخطير ألا وهو بعد الرمضان ولمدة شهر لقرب بداية العام الجديد الدراسي . بعد قطع وتصدير التذاكر وتأكيد الحجز ً تم استشارة الخبراء ًو المميزين قسم استفسارات تايلاند باختيار وترشيح فنادق نظام شقق او سويت والسبب لاختيار الشقه او السويت تًوافر مطبخ لطبخ وجبة الفطور. طبعا مطاعم شارع العرب ماعليها كلام بس مايحلى الطبخ اذا ماكان بيدي وطبخ خليجي . قبل السفر بيوم جهزت حقائب الفراخ ( الاولاد ) وحقيبة صغيره فيها الأكل من : ( اجبان متنًوعه - مرتديلا - قهوه عربيه -هيل وفناجين - مطارات القهوه والشاي - معكرونه - جلي - زيتون و لبنه - فيمتو حبيب الكل - بهارات متنوعة - شوربه وارز : ( وبس مومكثره مًواد تموينيه لتوافرها في تايلاند).و يامحلا روحة المطار وختم الجواز صبرا ، صبرا ، تعالو ماقرب بعد موعد السفر باقي ليله كانت لنا اخر ليله في الكويت وبيت الاهل مسوين قرقيعان وفطور والطباخه المسكينه طابخة تشريبة اللحم ليمونه ورحت اطبخ ومن تدخل ليمونه المطبخ بعد خلاص تسوي وتطبخ كل شي ماعلينا رديت البيت وجهزت حقيبتي وباقي النواقص ورتبت بيتي وشفت اللي علي واللي موعلي ، يو,,, لحظه يا الربع طلع في ليله زايده العزيمه والطبخ يوم الخميس صح؟؟؟ وتجهيز الحقيبه وترتيب البيت الجمعه وأكملت حقيبتي وحقيبه الفراخ وتجهيز نواقص الأجبان من الجمعيه ( السوبر ماركت ) وما نمت ليلتها لي 5 المغرب يعني يوم الانتخابات الكويتيه وصوتج يا ليمونه امانه وحق ولازم ماتفرطين بصوتج البس يا اللي ماتلبس ولحق على اللجان وروح صوتبأسرع وقت لضيق الوقت وراحت ليمونه وبكل ضمير واعطت الصوت ياعيني ع شخطت القلم،،، المهم ورديت البيت بسرعه صحيت الفراخ واخذت شور تسبوحه و سريعه الي المطار ، عند البوردينغ الحلوه تذكرت انها مومصرفه لا بات و لا دولار يا لهوي راحت فيها ليمونه ، اعطت البوك لأخيها وراح يصرف لي وقلت له قبل الصرف علمني كم سعر الصرف البات والدولار؟ صدمني من قال لي : البات 2870 بات مقابل 100دولار مباشره أعطيت أمر عسكري بعدم الصرف البات ما أريده وألا اريد شوفته السبب كان عمي قبلها باسبوع راد من تايلاند وعلمني انه الصرف كان3100المهم قررت صرف دولار و30 دينار بات تايلاندي لزوم اول يوم 30 كويتي == 3،70 بات و1410 كويتي 48 ورقه متسلسله العدد وباقي الفلوس فيزاكارد والبطاقه العاديه يعني الفلوس مجزءه كاش وفيزا وبطاقه عاديه للبنك.ودعت اخواني ، دخلت انا والفراخ ، طبعا بعدنا من السرعه وضيق الوقت مافطرنا وماكنا نشتهي ناكل بس نبي نروح المطاروتم اعلامي بتأخير الرحله الى الساعه 11،15 وساعه وربع طيران الى ابوظبي والتجول بالسًوق الحرة وبدأ النعاس يداعب عيني ويلاطف اجفاني ويامحلا الغزال واهو يمشي سريع على فندق المطار يتجه قاعه الريم او جناح الريم واخذ غرفة بها سريرين والى النًوم سعر الحجز الغرفه ب 853،13 درهم . وعلي الساعه 6،30 صحينا من النوم وسوالف واوامر وطلبات طبعا موانا اللي اعطي اوامر وطلبات الفراخ وحنه يواعه يواعه الجوع كافر وتم عمل الجيك اوت الخروج من الفندق والذهاب الى الحبيب الأخر ماك و من ثم الذهاب بعد إلحااح كثير من الفرخ عبود بشراء كاميرة حجم العدسه650 كانون وتم الشراء 340 دينار كويتي وشراء تلفون نقال للفرخ الأخر جالاكسي بالقوه والطيب اقتنع بالجهاز كان يبي نوت 2 او اس4 عشتو ولد الرزريزترانزيت كان10 ساعات واقلعت طائرتنا من بوابه32 الى بانكوك وبحمدلله لم تكن الطائره مزدحمه فتم اخذ كل منا جناح من الطائره للنوم بما انه مدة الطيران6 ساعات واشوي يعني يانوم اشلع وطير الوقت من عندنا ونسينا المده اقصد جناح بكراسي 9:49 تم دخولنا الى الطائره و تم الاقلاع من أبوظبي الوصول الى بانكوك يابعد حيي يابعد قلبي الساعه 8 صباحاا وغير مزدحم بعد مطار بانكوك مو اللي يخليه مزدحم ولويه وازعاج غير العرب والخليج يموتون ع السفر وع تايلاند بعد عيني ترى اغار عليها من الجنس الخشن المهم لاتعصبون وماتكملون التقرير اقصد القصه بعد ختم الجوازات والتوجه لأخذ الحقائب مرورا بصراف استفسرت كم الصرف كان 2،941 بات . واخذ مني تاكسي 700 بات مع الهاي واي25 على الفندق مباشره وكانت أجواء بانكوك ممطره اف ياريحة المطار ومن تطلع من بوابة المطار ههه المهم انا اخترت وحجزت شقه 7 ليالي وسويت4 ليالي بتقولون ليش التغير انا قلت اغير وانوع لكسر الروتين والتجديد واكتشاف فنادق لم اعرفها من قبل والشرع محلل4 ههه شكو نسيت انا اسفه نتكلم احنا عن اختياري للفندق واول فندق اخترته مع الخبراء والأخ المشرف والخبير حسن الحمادي1 دوم يحجز فيه والاخرآخونا و خبيرنا العصيمي وانا كنت من قبل مسجلتهم من ضمن الاختيار ولكن لكثرة الأصوات عليهم تم فوزهم بالانتخابات الليمونيه ههه أول فندق7 ليالي ب19625،76بات أي 181 دينار كويتي والاخر 4 ليالي ب 10008،00 بات أي 91 دينار كويتي وبعد التوجه الى الفندق ومشاهدة الشقه السعيده بجلوسي فيها وتبديل الملابس واخذ تاكسي الى شارع العرب55 بات متر عداد طلبت منه والتجول في شارع العرب بعض المحلات مغلقه وبعضها صيانه وترميم وغير مزدحم الشارع لأول مره بحياتي ألعب و أمرح بكيفي وبعدها الرجوع الى الفندق بطلب من الفراخ وشوق لركبوب التوكً توك 100بات وقبل الرجوع الى الفندق استفسرت بسعرالصرف عند بوداوود3000بات اها يعني افضل من المطار طبعا الجديد في شارع العرب افتتاح مكتب او كشك صغير لتحويل النقود وسترانيون مادري شلون يكتبونها لاتعلقون بعد ليمونه صايمه ويوعانه واشم رائحة ربيان مشوي أخ بطني وراسي للحين انا لازلت مواصله مونايمه من يوم السفر والوصول الى تايلاند عندنا الساعه 10،31 صباحااً
أشوفكم ع خير والسموحه ع الإطاله والكلام الزائد ويمكن مامنه فائدة .
