الفارة الذكية
22-03-2022 - 01:40 am
السلام عليكم
اخباركم ؟؟
ان شاء الله طيبين
لو سمحتوا ممكن تساعدوني وتقولون لي سنهي الاماكن الترفيهيه في كوانزوا
ادري ان سؤالي قديم وحاولت قد مااقدر اقرى مواضيع الاعضاء بس تعبت
وعرفت ان ماركات المقلده في سوت كوانزو واماكن الاثاث في شندي
لان انا وزوجي باثث بيتنا كامل من هناك حتى السيراميك و عشان جيه ابيكم تساعدوني
امانه لاحد يحقرني
لان حجزت خلاص ومافي وقت
يعني ابي اعرف الاماكن الترفيهيه في كوانزو وغيرها من المناطق الحلوه
وابي اعرف وين الاماكن المشبوهه عشان نتجنبها ومانروح عندها خبركم انا اخاف وايد
يعني كل الي تعرفونه اكتبوه وحتى لو كلام فاضي
ممكن يكون مفيد لي
ودمتم سالمين
انا بساعدك بشرط اذا جا ولد تسمينه على اسمي ههه امزح
انشالله توصلون بالسلامه في جوانزو حديقة حيوانات حلوه بس انها بعيده تقريباً 75 ريممبي بالتاكسي ولازم تاخذون رقم جواله وتتفقون معه انه يجيكم بعد ما تخلصون لأنكم بتتعبون على ماتلاقون تاكسي والمسافه بين بوابه الحديقه الداخليه وبوابة الخروج الرئيسيه طويله واذا وصلتو للشارع العام يمكن تلاقون تاكسي المهم فيه بعد مدينة ملاهي مائيه توها فاتحه جديد لااعرف موقعها لاني مارحتها ولكن يمدحونها وتلاقين اعلاناتها على بعض الباصات الكبيره
هذي المعلومات الي اعرفها وسامحيني اذا قصرت والاخوان انشالله ماراح يقصرون معك