مرحبا
هلا اخوي disperado عندك فندق Hilton London Metropole سعره بالثمانينات وعندك Thistle Marble Arch تقريبا نفس سعره طبعا الهيلتون راح يكون بشارع العرب الاجوردرود اما ثيستل راح يكون بشارع التسوق اكسفورد وعندك Central Park Hotel هذا 3 نجوم قريب على الكوينزواي من شارع بايزواتر وتطلع منه تمشي شوي جدامك بوابه الهايد بارك وفندق جيد ليلته تطلع عليك ان كثرت 40 دينار وانا تقريبا مجربه كل هالفنادق وعندك الكمبرلاند بس اغلى منهم يمكن ليلته 90 او 100 دينار بس مو متاكده وهم بشارع اكسفورد .
وعندك البكادللي فيها المطاعم والايس كريم واي ذكرتني
واي استفسار افا عليك
تحياتي ,,,,,

ام فجر
اختي مشكوره وماقصرتي ورايتك بيضه.,
بس كل هالفنادق لغير المدخنين
زين سؤال لندن كل فنادقها نفس السستم يعني نو سموكنج

السلام عليكم اخوي انا ارشح لك ثيستل ماربل ارش وكل فنادق لندن فيها سموكنج ونن سموكنج بس اذا اخذت نن سموكنج وسموكنجت فيها جريمه يعاقب عليها القانون وفيها غرامه 150 باوند هذا قريته في الفنادق الثلاث اي كنت ساكن فيها خلال الاسبوعين الماضيه
ثيستل ماربل ارش على الاكسفورد ستريت وبيريحك الباصات والاندرقراوند بجنبك والغرفه واسعه ومريحه واذا تبي سعر حلو انا اخذته عن طريق مكتب سياحي عطاني رقمه واحد ما قصر السعر من الفندق 222 باوند بدون فطور انا خذيته 180 باوند شامل الفطور والضريبه الحقيقه الاسعار الي عنده افضل من الحجز عن طريق النت او الفندق
واقترح عليك تاخذ البق باص (باص دورين مكشوف بالدور الثاني) ب 24 باوند باص سياحي معا مرشد يمررك جميع المعالم ب 48 ساعه واذا حبيت تنزل عند اي معلم تقدر وتاخذ الباص الي بعده مكان ما نزلت
واهم المعالم البق بن -لندن تاور- مدام توسو- لندن اي- لندن بردج- جوله بنهر التايمز- الهايد بارك- مجمع هاردز
اهم الشوارع الاكسفورد -ساحة البيكادلي- ليستر سكوير- الطرف الاغر فيه اعمال صيانه وما فيه احد-
شارع الادجور (العرب) مضيعه للوقت وما فيه الا شوية مقاهي ونصابيين وشحاتيين
وفالك التوفيق
اخوك ابوفيصل