1- تقدر تقدم عن طريق السفاره او عن النت والنت اسهل مايحتاج الا تعبي الفورم
2- الافضل تبدء من سيدني - ملبورن- قولد كوست والافضل الطياره واسعارهم رخيصه مافي طيران اسيوي في استراليا ! في الجيت ستار و بلو فيرجن وتايغر اقتصاديات وكوانتاس الاغلى بينهم تقريبا
3- للوقوف في هونغ كونغ احجز على الكاثي باسفيك .. بخصوص العوده من قولد كوست ل بالي ومن بالي للخليج اعتقد الطيران راح يكلفك الكثير وما عندي فكره كيف راح تضبط التذاكر بهالشكل !
4- شوف التقارير وبتلقى كل الاجوبه ولوقت السفر يمديك تحلل المنتدى كامل وتاخذ كل المعلومات
5- السكن رخيص مقارنه باوروبا بس المصرف تقريبا مثله مايختلف خاصه ان الدولار الاسترالي مرتفع و 1$ = 3.88 درهم

ممكن تتوجه إلى ماليزيا ومن هناك تاخذ طيران آسيآ Air Asia الإقتصادي .
المسار خليه : ملبورن - سيدني - جولد كوست ، والسبب ، المسافة من كوالالمبور إلى ملبورن أطول من الجولد كوست ، ففي العودة راح تكون تعبان فبالتالي حتختصر ساعة طيران.
سبب آخر أن أمتع مدينة من المدن الثلاث هي جولد كوست ، خلص من ملبورن ثم الرائعة سيدني واختمها بالأروع جولد كوست.
طبعاً أصبحت أستراليا غالية الآن ووصل إلى 4 ريالات سعودية.
أما الجو في شهر 7 راح يكون بارد لكن تقدر تستحمله ولا يفوتك الهوت شوكلت على الدارلنغ هاربر في سيدني.

© ladybird

busharaf
يسلمو يخليك ربي

أولاً : ما هي الطريقة التي أقدم بها على الفيزا عن طريق النت وهل هي سهلة أم صعبة وهل لديهم طلبات وكم تأخذ من وقت ؟؟؟
اخوي ابدا من الحين طلع الفيزا من النت وبتطلع لك خلال يوم او بعض الاحيان خلال ساعه مثل ماصار مع واحد من الشباب قدم على النت وبعد ساعه جته على الايميل وطريقتها مره سهلة واعتقد في موضوع مثبت يشرح كل شي . لكن انا افضل دائما اطلع الفيزا قبل ما احجز الفنادق وارتاح من همها .
ثانياً : انوي الذهاب إلى ملبورن وقولد كاست وسيدني ؟ ما هي طريقة الإنتقال بينهم القطار أم الطيران ؟ وما هي أرخص الطيرانات الآسيوية للتنقلات الداخلية ؟
طريقة الانتقال بالطيارة اكيد وارخص طيران اعتقد جت ستار وتايقر وبشكل عام التذاكر مو مره غالية بين المدن واوقاتها متعددة .. أنا أرشح لك تهبط في سدني وبعدها قولد كوست وبعدها ملبورن والسبب يا طويل العمر ان سدني فيها فعاليات جيدة وبتكون تعبان من الرحلة فحلو تكون اول مدينة وبعدها مدينة الفعاليات قولد كوست وبعدها مدينة الروقان والحياة والتنظيم ملبورن
ثالثاً : لبعد المسافة بين الخليج وأستراليا لدي فكرة الوقوف في الذهاب ب هونك كونج ثم الذهاب الى استراليا وفي رحلة العودة الانطلاق من استراليا متوجها إلى جزيرة بالي اندونيسيا ثم العودة إلى الخليج ..
اخوي افضل شي تختار خطوط وحده توديك ذهاب وعودة علشان تطلع أرخص عليك بالنسبة لي انا أحب امسك الرحلة مره وحده 13 ساعة وانا واصل افضل من اني اجلس في مدينة يومين ماتسوي اني افتح شنطتي وانزل ملابسي وبكون على اعصابي لان عندي رحلة ثانية ومن رأيي الرحلة مادامها فوق 8 ساعات ماراح تفرق معك 13 ساعة .. معلومة ثانية من ملبورن إلى بالي قيمة التذكرة 1000$ ذهاب وإياب على خطوط جت ستار مسوين تخفضيات عليها الحين ادخل على موقعهم وشيك
رابعاً : ما هي أهم المناطق والأسواق في المدن التي ذكرتها بأستراليا وما هي أفضل الفنادق ؟
كل بلد فيها اسواق ومدن انا لي سنتين ونص في ملبورن ماغطيت ولا ربع الاماكن الحلوة اللي فيها .. فيه موضوع لي اسمه ملبورن ادخله وبتحصل بعض الفعالات في مدينة ملبورن اتمنى يفيدك
خامساً : كيف البلد هل هو غالي أم معتدل أرجو المقارنة مع أوربا ...
الحين الدولار وصل لاعلى مستوى له اتوقع من 20 سنة يعني الدولار الواحد يساوي 4 ريال وكم هللة ومارخصت الاسعار يعني نفسها لكن اللي يطمن ان الاسعار ماترتفع بشكل مبالغ فيه في في شهر 6 و 7 مثل اوروبا ..
الجو بيكون بارد فخذ احتياطك .. بالتوفيق

انا اتفق مع الاخوة في مااقترحوه ولدي تعديل بسيط
تبدأ في ملبورن ثم سيدني ثم جولد كوست والسبب بسيط جدا فعلا سبيل المثال لو انك طالع من دبي وجاي السعودية راح تبدأ في الدمام او جدة ، يعني مثلا جدة الرياض ثم الدمام وليس من المعقول الذهاب من الدمام الى جدة وبعدين الرياض لانها في المنتصف
لك الخيار ان تبدأ بمطار برسبين مثلا واللي هو بجوار جولد كوست وبعدين سدني وبعدين ملبورن
خيارات الطيران كثيرة
فلك ان تشتري تذكرة الى سنغفورة فقط وبعدين تطلع على جت ستار http://www.jetstar.com/gx/en/index.aspx الى مطار ملبورن والعودة من جولد كوست الى سنغافورة على اير اسيا مع تغيير طيارة في كوالالمبور
او انك تشتري الى كوالالمبور وبعدين تطلع على اير اسيا الى ملبورن وترجع من جولد كوست الى كوالالمبور
قبل كم يوم شفت عرض على الطيران العماني الى كوالالمبور وبعدين على الماليزية ، بس عيب العرض لازم تحجز من فترة الى الكلاسات خلصت الآن.
طيران الكاثي باسيفيك من الخليج الى هونج كونج وبعدين ملبورن والعودة من برسبين ايضا خيار جيد