يا الله الخيره
2يوم ودافع تذاكر وسكن 28 الف ريال ؟؟ سلامات ؟؟ ساكن سويتات انت ولا غرف عاديه ؟؟
انا 22 يوم سفرتي ورحت ثلاث دول اوروبيه وبمنطقة سكنت خمس ليالي بجناح قيمته 1750 ريال لليله وطلعت علي ب 30 الف ريال اجل انت 12 يوم بس و ب 28 الف كثير وربي كثير مره
الميرديان فينا مافيه اختلاف على روعته الا ان كنت تبحث عن الفخامه فا الميرديان ليس با الفندق الفخم بل يعتبر مصصمم على نمط القرن الواحد و العشرين كل شيء بسيط ومو متكلف وانيق ومو دفش بس لو كنت تبي الفخامه و الاثاث الكلاسيكي روح ماريوت يمكن مايعجبك الميرديان
الشيراتون انا في نظري مايستاهل سعره دخلت غرفته اللي ماخذها ولد عمي ب 1450 ريال لليله اشوف انها ماتستاهل السعر ابد...فيه خيارات كثيره زي فندق ريناسانس انا سكنته واعتبره من اميز الفنادق اللي سكنته وهو فخم ومرتب
الجراند زالامسي لو يعطوني فلوس ويقولون امس فيه ليلتين مارضيت لمواقف حصلت لي فيه رغم اني ماخذ فيه سويت ودافع فيه با الليله 1750 ريال بس مايستاهل...ان حصلت بسي فيلا احجز فيه ارخص وابرك
دور على مكتب ثاني يعطيك اسعار ترى اسعارك خياليه ومبالغ فيها بشكل كبير
لو حسبناها حسبة بدو
الخطوط الاماراتيه التذكره 3700 = 7400 ريال للشخصين
الفنادق لو فرضنا
الميرديان 1200 ريال في الليله * 3 ليالي = 3600 ريال
الشيراتون 1500 ريال با الليله * 4 ليالي = 6000 ريال
الجراند 1000 ريال با الليله * 4 ليالي = 4000 ريال
ليله ميونخ ب الف با الليله عشان ترجع منها لديرتك = 1000 ريال
يطلع المجموع الكلي 22 الف ريال....طبعا انا حاسبها على اعلى سعر توصل له التذكره وعلى اعلى سعر توصل له الفنادق المذكوره يعني المفروض مايتجاوز 18 الف و الخيار الاول و الاخير لك
با التوفيق

رحلتي 14 ليلة
ب 13600 ريال
وكلك نظر

وين ... لا والله مو معقول .. الا اذا كانك حاجز درجة اولى ؟؟؟؟
رحلتي 12 يوم انا وزوجتي ..
كانت التذاكر 6782 ريال
فيننا ميريديان غرفة ديلوكس 4 ليالي = 5520
زيلامسي سي فيلا غرفة عادية 4 ليالي =3920
ميونخ ميريديان غرفة عاديه 3 ليالي = 2370
التذاكر والفنادق = 18.592ريال
اخوي تأكد من حجوزاتك ... وبالتوفيق

اسمحلي اقول هذا المكتب الي سوالك البكج نصب عليك ،،،،، يعني حتى لو اخذت سويتات في الفنادق الي ذكرتها ما يوصل هذا السعر معك ،،،،، لا يكون قايله انك عريس وقال خليني انصب عليه . لكن بعطيك برنامجي الي رحت فيه الى اوربا وانت راجع نفسك:
تذكرتين للخطوط الاردنية الى فينا والعودة من باريس ب 7080 ريال
3 ليالي في فيينا بفندق اناناس ب 1420
ليلتين بسالزبورج بفندق star inn (فندق ممتاز وتوه جديد) ب1090 ريال
4 ليالي بزيلامسي في فندق نيوبوست ب 3450 (طبعا هذه نصب علي المكتب السياحي فيها لاني حصلت سعرهم اقل من كذا بكثير لمن سالت الريسبشن)
ليلتين بميونخ في فندق ارابيلا شيراتون ويست بارك (فندق جدا ممتاز من حيث الفخامة والموقع) كانت 950 ريال
4 ليالي بباريس في فندق Best Western قريب من الشانزليزيه ب 2550 ريال
تذاكر القطار كاملة وشاملة لشخصين كانت تقريبا ب950 ريال
تذكرة طيران من ميونخ الى باريس لشخصين كانت 820 ريال
الفنادق طبعا مع الافطار جميعها
المجموع :18310 ريال لمدة 16 يوم
وكلك نظر ،،،، تحياتي

واجد في 12 يوم
ليش وين رايح انت
اخوي حاول مره اخرى او احجز عن طريق الموقع ضبط روحك بروحك
booking .com

أحنا 13 يوم وطيران الأمارات ب15000ريال دفعناها للمكتب بالرياض وأخدنا البكيجات وفنادقنا ممتازه من فينا ألى زيلامسي ألى سالزبورغ ألى ميونخ ,,غير المصروف الشخصي صرفنا حوالي 7000 ريال والتسوق له ميزانيه أخرى

حجوزاتي كانت اغلبها من موقع بوكينغ دوت كوم وسفرتي كانت 17 يوم كالتالي
0درهم تذاكر لبالغين 2 واطفال 2 ويومين بفندق الهليتون الدانوب وكان سعر الليله 700 درهم
يوم 1 بزلامسي بفندق اسمه صعب شوي بس على البحيره من جهة ثمرباخ بخمسمائة درهم
7 ايام في كابرون بشقه الاجار اليومي 300 في اسبوع يعني 2700 درهم
2 يومان في ميونخ بفندق شيراتون ارابيلا 650 ليله يعني 1300 درهم
4 ايام في مدينة اوفينبورغ الالمانيه 400 درهم لغرفه ديلوكس لليله يعني 1600 درهم
المجموع 20140 درهم + اجار سياره 4000 درهم لمدة 16 يوم + 14000 مصروف طوال مدة السفره
المجموع الكلي 38140 غير المشتريات

بصراحة غريبة
أنا مسافر يوم الاثنين القادم على خطوط الامارات
4 ليالي في ميريديان فيينا
3 ليالي في شيراتون سالزبورغ
5 ليالي في سي فيلا زيلامسي
و ليلتين في مريديان ميونخ
التذاكر+الفنادق=19300 ريال سعودي

أشكر الجميع على الرد
والله ياجماعة اني احترت المشكلة يوم سألت اللي في المكتب يقولي الفندق يحاسب على الشخص مو على الغرفة يعني مثلا :
الغرفة في فندق المريديان ب 142,86 يورو وطلع مجموع 4 ليالي ب 1142.88 يورو
هل المفروض ان الفندق يحاسب على الشخص والا على الغرفة اللي انا ماخذها ؟؟؟
وعلى فكره كل اللي ماخذها غرف وليست سويتات والتذاكر درجه سياحيه وبعدين فيه مشوار من والى المطار للفندق بسيارة خاصه ب 43 يورو وكمان ماخذ من عندهم تذاكر القطار من فيينا الى سالزبورغ الى زيلامسي وبعدين الى فيينا تقريبا حسبتها ب 185 يورو
المشكلة اني معطيه دفعة تحت الحساب 10.000 ريال بس آخذت منه التذاكر جده الى جده
جده - الدمام - البحرين - دبي - فيينا - والعودة بنفس المسار وكمان حق التأشيرة
اش رايكم ؟؟؟
أرجو الرد بسرعه خصوصا باقي على السفر اقل من اسبوع
وشكرا مره اخرى