هلا بك اخوي
لا عادي عندك السفارة التايلندية في الحي الدبلوماسي في الرياض ممكن تفيز عندهم ب 130 ريال وتاخذ من يوم إلى يومين با لكثير ، وبالعكس أحسن لك من زحمات المطار والتأشيرة لمدة شهر ما هي 15 يوم زي المطار

انا اقصد هل توجد اي مشكلة من قبل الجوازات السعودية عند تجديد الجواز ؟؟؟؟ ( اذا طلعتلها بهذه الطريقه ( نظاميا عن طريق السفارة التايلندية بالرياض او جدة )

ايوه كذا وقف ما فهمت السؤال عدل ،،،
العذر والسموحه ،،،،،،،
كثير من الاخوان لقو صعوبات وانتهت بتعهد أو غرامة مالية ، حسب ما قرأت في المنتدى
وأنا اعرف أحد الاصدقاء جدد جوازه في رمضان الماضي وما صار له شي ،، ممكن تتطلع على الرابط التالي
هذا موضوع لأخونا الفاضل ابو بدر
https://artravelers.com/p/re/231549
وشكلها شختك بختك ،، والله اعلم

شوف اخوي انا طلعت الفيزا عن طريق السفار بالرياض اولا علشان ارتاح نفسيا لما اوصل بانكوك
بالنسبه لتجديد الجواز ممكن حدوث مسائله لانه ممنوع السفر لتايلند لكن واسطه صغيره تمشي وضعك ..

حبيبي
سواء استخرجت الفيزا من الرياض او من بانكوك كلها نفس الشي
وفي كلا الحالتين بيقولون لك وين التصريح ؟ بتقول لهم : انا مستخرج الفيزا من هنا من الرياض وبطريقة نظاميه ؟
راح يردون عليك وبكل برود : حنا نشوف ماحنا عميان !!!!!!!!!!! لكن حنا نقول لك وين التصريح

الثميري
بالتاكيد لكن اذا الرجال ناوي . اقوله سافر واذا جاء وقت التجديد . يسهل الله الامر . غرامه وكم طراق :112: على الماشي بس لاتخاف ترى مزحه كل ما في الامر تعهد وغرامه بعد خمس سنين اذا جوازك جديد . وطحت بواحد معقد . اما اذا ماهو معقد صدقني يخرم الجواز ويعطيك اياه .

شف يا عزيزي
بالنسبة لسؤالك عن استخراج الفيزا عن طريق السفارة في الرياض
فهو افضل من الزحمه في المطار وكذلك مدة الوقت المسموح فيها بالبقاء في تايلاند
وبالنسبة للجوازات فحصل هذا الشيء معي يوم السبت الماضي ( قبل امس
كنت بجدد جواز المدام ، ويوم جاء دوري سلمته الاستمارة + الجواز القديم
قام يناظر ويطقطق على الكمبيوتر وقال خلاص ، وحط الجواز بداخل الخرامة ، وتعنيت أسأله السؤال التالي :
هالحين موب انتم مانعين السفر الى تايلاند .. ؟؟
طبعا قبل م يرد علي أخذ الجواز وقام يفتحه صفحة صفحة ههه
قلت لا تخاف ما راحت المدام ولا أنا
بس ناوين نروح ان شاء الله
قال لا تروح نصيحة .. !!!!
قلت له : طيب ليه
قال : لأنه ممنوع
قلت : طيب ممنوع يعني قصاص أو سجن
قال : لالالا ما توصل .. بس غرامة وحرمان من السفر
قلت له هين الغرامة مدخلينها بمصاريف السفرة .. بس الحرمان كم
قال أقصى مدة خم سنوات حرمان
قلت زين
وطلعت من الرجال ومعي ورقة استلام الجواز
ما يستفاد من السالفه :
أولا : تفتيشهم على الجواز .. أي كلام .. (( دعوتين قبل التجديد لعل اله ييسر أمرك ))
ثانيا : قرار المنع لا يترتب عليه سوى غرامة مالية أو حرمان من السفر بحد أقصى خمس سنوات
ثالثاً : رح وتوكل على الله ترا الامور طيبه
بالتوفيق لك وللجميع