عزيزالمتفائل
30-12-2022 - 07:36 pm
يابو عزيز جعلك تسلم ان لي رغبة في سويسرا انا وزوجتي وبزرين بنت اربع سنوات وولد عمره سنة مزكم:ill_h4h: ورحت لدول كثيرة وودي اشوف سويسرا قبل مايكثر البزارين وتصير الروحة مكلفة .وانا يهمني الطبيعة وودي بثلوج قريبة وليست بعيدة وودي بسكن نظيف في جنيف و مدينة واحدة فقط بالكثير اذا كان المدينة الثانية تستاهل . وودي بسواق يتكلم عربي وليس ثرثارا ولا طماعا يمشيني اذا احتجت وترا روحتي كلها 10 ايام بالكثير وودي اعرف وش ارخص الخطوط وكان فيه باص يطلع من الرياض زين ! وبعدين فيه شي ما فهمته انك تقول المدن الي حول البحيرة يعني هل هذا المدن برا جنيف ؟ اجل وشي بحيرة جنيف ؟
البرامج جاهزة وموجودة في الدليل
والمدن اللي اقترحه هي ديفون وانترلاكن والأولى ماتنفع لك لأن الفنادق اللي فيها خلاص امتلت هذه السنة والشيء الثاني يبيلها سيارة
انت حصل لك حجز طيران سواء الى جنيف او زيورخ وارجع لنا بالتواريخ والباقي ان شاء الله يستهل