السلام عليكم
مرحبا اخوي ابو ضرار متكله على الله ثم عليك
بسافر انا وزوجي لبانكوك وبوكيت وهونج كونج , وبنقعد بهونج كونج 4 أيام فياليت تعطيني هالاربع أيام وش
نسوي فيها أنا عارفه ماقصرتوا والله بالمعلومات اللي شايفتها قدامي بس أبي الشي المهم والضروري اللي
لازم نروح له وتنصحنا نشتري من أسواقهم ولا من أسواق بانكوك .
على فكره سفرتي اللي العام سافرتها كانت لجنوب افريقيا واخذت التفاصيل من منتداكم بس ياهو روعه
من كثر مااخذت معلومات وتفاصيل وشفت صور ولله العظيم يوم رحت احس اني شايفتها من كثر ماسنترت
هنا وزوجي كان يقولي فكك منهم نروح هناك وناخذ بروشورات قلت له طيب وطبعتها بورقه ولا قلت له يوم
وصلنا كنا نروح يمكن رحلتين باليوم وكان يبقي وقت ويقول ياربيه وين بنروح اللحين واقوله نروح لمكان كذا
ويسالني وشو هالمحل واعطيه التفاصيل يقول شكلك جايه لجنوب افريقيا قبل كذا لدرجة احتجنا سواق
تكسي وكلهم هناك غالين وانا كنت مسجله رقم واحد اسمه يوسف اسعاره حلوه وفتحت جوالي
وقلت سجل قال وشو قلت مو تبي سواق تكسي دق عليه يجي اللحين والله ودق وجانا وصار هو المسؤول
عننا طوال الرحله وصار زوجي اي شي يبيه يسالني لدرجة اخذ مني الاوراق وصار يمشي عليها بس
كانت رحله وربي شاهد أروع من الخيال فجاني امس قالي بالله خذيلك لفتين بالمنتدى جيبي معلومات
حلوه مثل العام قلت له فكك منهم ماعندهم سالفه
سفري فجر السبت الجاي وربي يسهلها .