اذا السيارة تكسي 100 --120 جنيه
اليوم كامل

اخي : مازن السعودية
اجرة التاكسي حسب نوع السيارة وموديلها وهل هي مكيفة ام لا .....
بعدين سعرك مره غالي أطلق تاكسي ب 120 جنيه صدقني
بعدين انتو اذا شباب مو محتاجين تاكسي لان عندك كم مشوار باليوم خلينا نقول خمسة مشاوير
وكل مشوار بمعدل 15 جنيه وهذا معدل غالي بعد يعني يطلع ب75 جنيه مع ان اطول مسافه تروح لها بعشرين جنيه اذا بغيت مثلا سيتي ستارز وانت بكورنيش النيل
باختصار سواقك هذا غالي غالي غالي

مازن ايش هذا والله اكثر شي يقهر الاستغلال للسياح ..
شوف مو لازم تستأجر تاكسي او سيارة خاصة ..
كل مشوار روح لحالك .. وكاسر فيهم .. يعني واصحك تركب لما يقولك اللي تجيبه .. اشترط السعر .. والا لما توصل رح يعذبوك وياخذوا حق الله منك وتكره نفسك وتكره اجازتك .. خليك حذر ... المصريين طيبين بس هذي مشكلة ..

اخوي الي انت ماخذه تكسي ولا سياره خاصه اذا تكسي حرام
اما اذ اخاصه والسواق معك على طول هذا السعر كويس طبعل يختلف علىحسب نوع السياره

ادا سيارة خاصة ومكيفة وجديدة حقها من 150 الى 200 جنيه بالكثير ويكون مرابط معاك 24 ساعة

شكر للجميع على التفاعل
أقصد سواق خاص مرابط معي على طول بسيارته
ويبدو من كلام الإخوان إنه غالي ب 250 للأسف لكن لازم أشوف حالي

السياره الصغيره الجديده 150 جنيه بالكثير
واذا ما عندك مشاوير كثيره بالنهار واكثر طلعاتكم في الليل اقلبها تكاسي احسن لك
اوفر بكثير واسرع بدال ما تنتظر السواق وين وراح ووين وقف وباقي الدوخه

عزيزي مازن ،، غالي جداً واعلم أنك ستتعب لأنك لما تكلمه يبغى له وقت يجيك من المواقف الى مكانك وانواع التأخر وانواع الغلا الزائد ,,,, تاكسي وبس وبعدين هل راح يعوضك عن المواقف المضحكة والطريفة مع اصحاب التكاسي ؟؟

عزيزي مازن قيمة السائق الخاص بالقاهرة يكون من 120 جنيه الى 150 جنيه بالكثير ولكن لا انصحك بالسائق الخاص لانه في الغالب السائقين وكما قلت انت يا اخ مازن اغلب السائقين متفاهمين مع جماعتهم وخلك على التكاسي اصرف لك ولا تركب الا قبل لا تتفق معاه لانك لو لم تتفق معاه راح يسوي لك حمة ويطالبك بشيء خيالي , وصارت معنا جبنا سواق خاص معه سيارة دايو ليغانزا موديل 2003 ومكيفة ونظيفة جدا وجلس معنا يومين وسحبنا عليه لانه كل ما قلنا له ودنا المكان الفلاني او المطعم الفلاني قام هو يختار لنا على كيفه وبالاخير يطلعون اخوياه متفاهم معهم وكان اتفاقنا معه 150 جنيه باليوم لان السيارة كانت روعة وجديدة ولكن صدناه يحاول يراوغ وصرنا نستأجر سائق خاص من الماريوت بالزمالك ياخذ على المشوار حوالي 50 جنيه بسيارة مرسيدس E280 موديل 2005 وصدقني اصلا السائق الملازم لك 24 ما له حاجة لانك لو نزلت بمجمع او مطعم عائم اقل شيء تجلس 6 ساعات او اكثر والوقت كله ضايع لو عندك سائق خاص بالكثير يوصلك 3 مشاوير باليوم وهذا رائي الشخصي , ونتمى لك كل خير اخونا مازن وترجع بالسلامة......