هلا والله انا اول مره راح اطلع لفينا والتخطيط هو فينا سالبورغ زلمسي وميونخ وبالنسبه لنا حجزنا على الخطوط القطريه انا وزوجي وبنتي ب 10000 ريال

1. السلام عليكم ....


2. اما عن ترتيب السفر الى النمسا انصح تكون :


3. زيل ام سي لمدة 7 ايام معدل السكن فيها تقريبا 400 ريال باليوم .

السلام عليكم ....

اخوي سلمان ... انا انصحك اذا كنت تحب الطبيعه والمناضر تروح للنمسا بدون تردد واذا تبي ترفيه عندهم اماكن ترفيهيه بس مو بمستوا اوروبا وبعدين فيها شيء بصراحه انا ما اعجبني هو لمن يسكرون كل شيء من الساعه 6 مساءا وتضطر ترد الفندق

اما عن ترتيب السفر الى النمسا انصح تكون :

فيينا 7 ايام فندق هلتون الدانوب يتميز بموقعه على نهر الدانوب والمقاهي اللي تطل على النهر معد اليوم ب 500 ريال تقريبا
والمواصلات في فيينا انصح بالاندر قراوند تذكره اسبوع ب 50 ريال للشخص والاطفال مجاني ويقدم خدمته من الساعه 5 الصبح الى الساعه 12 بالليل وطريقته سهله وعلى فكره التذكره تشمل جميع المواصلات النقل العام في فيينا قطار كهربائي او باصات
ثانيا :
سالزبورغ لمدة 3 ايام لزيارة الكهف الجليدي + مغارة الملح ( ممنوع دخول الاطفال تحت 8 سنوات )
ثالثا :

زيل ام سي لمدة 7 ايام معدل السكن فيها تقريبا 400 ريال باليوم .

فيه بنسيونات رخيصه ونظيفه وانصح فيها بكل صراحه معدلها اليوم 200 ريال للغرفه .
والمواصلات في زيل ام سي عن طريق باصات نظيفه ومرتبه ورخيصه وممتعه لها مواعيد مرتبه وحلوه مثلا تبي تروح للثلج تحفظ اسم اقرب محطه عند الفندق اللي انت ساكنه ولمن تبي ترد معاك نشرة مواعيد الباص تشوف اسم المحطه اللي انت فيها عند الثلج وتشوف متى وقت اتجاه الباص من اسم المحطه لي المحطه اللي بجنب الفندق
والعوده لازم تكون عن طريق ميونخ ( المانيا ) لانها تكون اقرب لزيا ام سي من فيينا
ونصيحه من القلب الشنط لازم لازم تكون صغار ومقتصدين فيها عشان ماتتعذبون بالقطارات
وتروحون وتردون بالسلامه وسفره سعيده

اتيكيت
أخي الكريم ممكن سؤال ..؟
بالنسبة لفندق هيلتون الدانوب شلون مستواه والغرف كبيرة او ضيقة .. وكم يبعد عن ساحة ستيفان ؟
وشلون نوصل للساحة هل يوجد بالقرب منه اندر قراوند ؟؟ احنا حاجزين فيه لمدة 7 ليالي وحبيت اعرف المنطقة اللي حواليه هل فيها قعدات ومقاهي حلوة ؟؟ والمقاهي اللي على ضفتين النهر هل عي قريبة من الفندق ؟
ادري طولت بأسئلتي معليش تحملنا وعذرا صاحب الموضوع
أختك
sullmish

سلمان
النمسا فيها ترفيه والدولة هذي جميلة بشكل يبهر العقول ..
وبالنسبة لسابزبورغ في كثير ناس مايروحون لها لأسباب انهم يشوفنها بنظرهم ماتستاهل .. ولكن بنظري اشوفها تستاهل ولو يحصل لي اقعد فيها 10 ايام ... جميلة هالمدينة العريقة القديمة المميزة بطرازها القديم الراقي .. ومافيها شي اذا زرتها لمدة يومين او ثلاث وبعدها ممكن تقرر اذا تستاهل او لأ لأنه كل شخص يتميز بذوقه ومزاجه ... والتجربة خير برهان ...
اتمنى لك رحلة سعيدة في احضان النمسا الساحرة ...
أفضل خطوط من ناحية السعر >> القطرية
أختك
SULLMISH

اختي sullmish
بالنسبه حق فندق الدانوب فندق ممتاز وغرف كبيره ومستوى عالي من النظافه وبالنسبه للمقاهي مرادفه للفندق بالضبط وتابعه للفندق اصلا .
وبالنسبه لبعده عن ساحه ستيفان اتوقع ربع ساعه او 10 دقايق .
والاندر قراوند مو بعيد حيل بس ضروري القطار الكرهربائي الي بجانب الفندق تستقلينه لي موقع الاندر قراوند .
وتمنياتي بسفره سعيده وتردون بالسلامه .