با النسبة للبرنامج ودي تشيلين ليله من ميونخ وليله من فينا لان فينا تكفيها 3 ليالي وميونخ تكفيها ليلتين وتضيفون الليالي بزيلامسي لانها الاحق ويادوب تكفيها 4 ليالي
با النسبة للفنادق جيده باستثناء فندق فينا ماعندي عنه اي فكره ولو قدرتو فندق زيلامسي تخلونه السي فيلا (المجدد من سي هوتيل) يكون افضل
الجو في شهر مايو معتدل مائل للبروده ولازم تكثرون ملابس شتوية خصوصا بزيلامسي وسالزبورج
موفقين ان شاءالله

رأيي من رأي (حدي مصر)

اختي مناوي
انا من البحرين وراح اسافر بالصيف شهر 7 من البحرين الى امستردام ثم الى فينا
حبيت استفسر بالنسبة للفيزا شنو متطلباتها ..
وعلى اي سفارة طلعتونها ؟؟ واذا كانت الرحلة ترانزيت هل مطلوب فيزا ثانية ولا شسالفة؟!!
انا سمعت ان لازم كشف حساب! كم لازم يكون الحساب لعدد 4 اشخاص وطفلين مع العلم اني بصرف كاش هناك
وبالنسبة للفنادق الي ذكرتيها .. كم اسعارها في الليلة
اتمنى المساعدة

بصراحه خط الرحله جميل جدا بس ياختي مناوي انتي رايحه مع قروب او انتي و زوجج بروحكم انا ودي اروح مثل خطتج بس محتار ياقروبات او وحداني اتمنى تفيديني وبالتوفيق

اختي لايف
المتطلبات : تعريف بالراتب من جهة عمل زوجك باللغة الانجليزيه _ صورتين لك واطفالك وصورتين لزوجك بدون شماغ او قتره _
وكشف الحساب من البنك يكون فيه من 20 الى 40 الف ريال لمدة 4 شهور _ الحجوزات للفنادق والطيران الأكيد مع فاكس من كل فندق.
طبعا الفيزا لازم تكون شنقن يعني تدخلين فيها اي دوله في اوربا
اسعار الفنادق بالضبط مو عارفتها لكن البكج كامل 15200 شامله التذاكر على الخطوط الاماراتيه والفنادق شامله الفطور

اخوي كويت
بالنسبه لي انا وزوجي بدون قروب لكن هناك نقدر نروح الرحلات مع قروبات من هناك
بس انت اذا حاب تروح في قروب حلو