1. 5 ليالي في برشلونة:


2. اليوم الاول:


3. اليوم الثاني:


4. اليوم الثالث:

مرحبا اخوي

5 ليالي في برشلونة:

اليوم الاول:

تطلع ساحة كاتالونيا وتركب الباص السياحي , لونه اخضر فاتح وشعاره عين ورموش ملونة, (اماكن بيع التذاكر في ساحة كاتالونيا) وتختار المسار الازرق , وبتطلع معاه لملعب برشلونة Camp nou والمتحف داخله وبتطلع لحديقة Parc guell وكنيسة Sagrada Familia ومتحف بيكاسو وبعض مباني جاودي..

اليوم الثاني:

تطلع الى ساحة كاتالونيا وتدخل شارع الرامبلا وتمشي فيه الى النهاية لين توصل دوار مكتوب عليه (colon) وبعده بتشوف البورت , تطلع رحلة بحرية (ساعة ونص) , وبعدها ترجع وبتشوف ع اليمين مجمع Maremagnum , وخلفها لوحبيت تروح الحديقة المائية Aquarium , وبعدها تروح شاطئ برشلونة La playa ..

اليوم الثالث:

تطلع الى قوس النصر وجنبه فيه حديقه اسمها سيوتاذيه وداخل الحديقة فيه حديقة حيوانات , بعدها تروح لساحة كاتالونيا وعندها فيه مجمع اسمه el corte ingles وبعدها من نفس ساحة كاتالونيا فيه شارع اسمه Passeig de gracia حلو للتسوق والتمشية وفيه مطاعم وكافيهات حلوة , وهذا من احلى الشوارع في برشلونة..
اليوم الرابع:
تروح القرية القديمة Poble espanyal village , بعدها الحي القوطي Barrio gotico جنب شارع الرامبلا..
اليوم الخامس:
تطلع بالتلفريك الى جبل المنجويك من ميناء برشلونة (قريب من فندق Marina) ,بعدها تروح ساحة اسبانيا تتمشى فيها وتزور المجمع اللي عندها وبعدها عروض فلامنجو في ساحة ريال Plaza rial تبدا من 8:30 الليل..
من برشلونة الى ماربيا ,
ماربيا لايوجد بها مطار , تطلع الى ملقا بالطيران الداخلي , انصحك بطيران Vueling الحجز من هنا http://www.vueling.com
وبعدها بالباص الى ماربيا..
من ماربيا تستأجر سيارة وتروح الجنوب الاسباني (غرناطة - اشبيلية - قرطبة ) , وبعدها الى مدريد وتسلم السيارة في مدريد..
ماعندي خبرة بالاماكن الا في برشلونة..
يوفقك ربي ان شاء الله ودرب السلامة