السلام عليكم ورحمة الله وبركاته ....
الله يصبحكم بالخير جمي عاً..
حبايبنا الاعضاء والمشرفين والقائمين على نجاح هذا الصرح العظيم..
كل عام وانتم بخير ... وعسى الله يعيده علينا وعليكم بالخير ...
حبيت استفسر...
بعد بكره . بعد يومين ان شاء الله رحلتي للنمسا
وانا حجزت فنادق رحلتي على النحو التالي ..
1 اول يوم اوصل فيه فيينا حجزت يوم واحد فقط في فندق هيلتون فيينا الدانوب عشان نريح من السفر واليوم الثاني على سالزبورغ ... يمدين في نفس اليوم اللي اوصل فيه اشتري التذاكر لسالزبروغ ...
2 بجلس 4 ايام في سالزبورغ .... حجزت في فندق قريب من نهر السالزاك اسمه Altstadthotel Kasererbräu
بعدها بجلس 5 ايام في زيلامس .. وايضا حجزت في فندق Hotel Fischerwirt Zell am See
3 - بعدها معاي يومين ما حجزت فيها شي ما ادري وين اروح لان معاي بس يومين من 29 سبتمبر الى 1 اكتوبر .. .. لانه من 1 اكتوبر الى 4 اكتوبر حاجز في فيينا في فندق الماريوت؟؟؟ اليومين اللي بعد زيلامسي يالربع وش اسوي فيها ارجع فيها فيينا ولا اروح ميونخ لانه انا خايف من التعب والمشوار من زيلامسي الى ميونخ ومن ثم الى فيينا .. ومثل ما ذكرت هي يومين بس .... والله يسعدكم ويجزاكم خير....
4 والسؤال الاهم ... هل تنصحوني اخذ سياره ولا اقدر اتمشى براحتي بالاندر قراوند.. وكم راح تكلفني السياره من ايجار ومن وقود طبعا انا معاي قارمن ..
5 واخر استفسار حبايب قلبي .. انا حجزت الفنادق اليوم بالفيزا من موقع بوكنق وكلفتني 8200 طبعا غير ( اليومين الضايعه اللي كلمتكم عنها)) وانا حدي في البطاقه 10500
المبلغ المتبقي في الفيزا ما يكفي لو بستأجر سياره وش الطريقه اللي اقدر اسويها مع بنوكنا فيالسعوديه عشان يكون فيها رصيد كافي لعمليات اخرى .. .. لانه حتى الفيزا بعد ما شيكت على حسابي في البيت ما حجز المبلغ ولا سوا له هولد
انتظر ارشاداتكم وتوجيهاتكم التي لاغنى لي عنها....
واعذروني على الاطاله والتأخير ...
وجزاكم الله ألف خير ...
ومشكورين أول وتالي ياحبايب والله يجملنا معكم
ودمتم بود ...