هلا اخوي هيما
ليتك سئلت قبل كان طلبنا منه يحولها لك بويسترن يونيون لان قيمه التحويل بتكون اقل
عموما مادامه اودعها بحسابك بيكون فيه فارق بالقيمه البنك ماراح يعطيك اربعه الاف ريال كامله بيحسبها لك بقيمه التحويل من الريال لروبيه بسعر البنك وقت السحب
وكل عمليه سحب بياخذ عليها مبلغ مقطوع تختلف من بنك لاخر بين 25 ريال و40 ريال
عموما شف الرد رقم # 5 هنا بيفيدك
https://artravelers.com/p/re/839535
بخصوص حجز الطيران عندك مكاتب الترافيل ايجنت كاها وغيره
او هذه معلومات مكتب اير اسيا في العاصمه جاكرتا ومكاتبهم
اقرب واحد لك هو رقم 2 مادامك في منقا دوا
جاكارتا
Jl. Bandara Soekarna Hatta, Cengkareng, Jakarta 19110
Terminal 3 Soekarno Hatta Airport, Jakarta. Jl. Boulevard Raya, Blok LA 4, No. 10 Kelapa Gading, 14200 Jakarta Utara
ساعات العمل الرسمية : 08:00 صباحاً - 09:00 مساءً (يومياً) Komplek Rukan Darmawangsa Jl. Darmawangsa VI No. 43, Jakarta Selatan 12160, Indonesia
ساعات العمل الرسمية : 08:00 صباحاً - 09:00 مساءً (يومياً) Sarinah Plaza Jl. M.H Thamrim No. 11 LG Jakarta Pusat
ساعات العمل الرسمية : 09:00 صباحاً - 09:00 مساء ً(يومياً) Jl. Marsekal, Suryadharma (M1) No. 1
Kelurahan Selapajang Jaya, Kecamatan Neglasari, Kota Tangerang
Propinsi Banten 15127
ساعات العمل الرسمية : 09:00 صباحاً - 09:00 مساء ً (الاثنين - الجمعة)

1. طيب بكره فين اتجه عشان الاقي ها الصرافه اتش اس بي سي

ابو خالد حبيب قلبي والله اني كنت منتظر ردك والحمدلله انك رديت ربي يعافيك وينور عليك شوف يالغالي انا كتبت الأستفسار وطلعت مباشره سألت موظف الأستقبال عن اقرب صراف فقلي في واحد قريب من الفندق رحت له وكان عطلان فتجهت الأحد السكرتية فقال راح تلاقي في سفن إليفن في سوق منقادوا ولكن مع الأسف طعل مقفل المول ولكن الأخ المحترم حارس الأمن اخذني على دبابه وطلعني من ناحية مواقف السيارات الدور الثاني وهناك لقيت صرافات كثير ولكن كلها لقيت عليها مكتوب فئة السحب 50000 إلا صرافه لقيت عليها 500000 ودخلت البطاقة وسحبت اربع مرات كل مره ب 500 الف يعني طلع لي المبلغ الأجمالي 2 مليون وبعدها عيت البطاقة ماعد تسحب .
ودورت على صراف اتش اس بي سي مالقيتها

طيب بكره فين اتجه عشان الاقي ها الصرافه اتش اس بي سي

وافي حالة لقيتها يعني يصير اختار مبلغ اخر مثل اللي في صرافتنا في السعودية واكتب 3 مليون ولا اكبر مبلغ راح يكون من ضمن الأختيارات ؟
وعندي مشكله اللي ه في شريحتي السعودية من الاتصالت ظاعت الشريحه وانا اغيرها بشريحه اندونسيه فصار الأمر معقد عاً فلا قدرت اخش على خدمة اون لاين عشان استفسر او احولها على البطاقة الأتمانية ولاني قادر اخش على الهاتف المصرفي
وبنسبه للمكتب كاهو وين عنوانة يالغالي بظبط
وطيران اسيا اركب مع التكاسي واعطية العنوان اللي اعطيتني ولا اقوله وديني لطيران اير اسيا .
والف شكر ياابو خالد

1. World Trade Center 1F


2. Jalan Jendral Sudirman Kav 29-31

هيما2
كل سحبه سحبتها ب500 الف روبيه عليها عموله من البنك اظنها 25 ريال من البنك الاهلي
يعني حاول ماتسحب كذا لانه كل ماكثرت عمليات السحب بمبلغ اقل بتزيد عليك العموله مقابل كل سحبه تسحبها
حاول تسحب اكبر مبلغ ممكن بعمليه وحده وهذي ماراح تلقاها الا بصرافه مكتوب فيها 100 الف روبيه
ركز معي بعطيك بعض الحلول
هذا موقع يعطي عنوان لبنك اتش اس بي سي في كلابا قادنج
https://foursquare.com/v/hsbc-kelapa-gading-kgd/4e7e0218108148acc6359664
بس ما وجدته بموقع البنك نفسه هذا رابطه يوضح لك اقرب الصرافات لك تلقاها باللون الاخضر
http://www.apps.asiapacific.hsbc.com/1/2/imo2/absl/absl-en?locale=in_ID&country=ID&location=jakarta
الحل جرب هالاثنين اقرب موقع لك وبعض الصرافات حتي اتش اس بي سي يكون صرفها 50 الف مو 100 الف
شف هذا رقم خدمه البنك ممكن احد موظفي الفندق يخدمك بسواله عن اقرب صرافه تصرف لك مبلغ 100 الف روبيه
Contact 24-hours HSBC Phone Banking services at: 64722 (from your mobile phone) (021) 5291 4722 (for jabodetabek area) 0804 186 4722 (from other cities) الحل الثاني
انك تقمز لوسط العاصمه ساعطيك امثله لمواقع صرافات بعضها 50 وبعضها 100 في موقع واحد
سوق الاتريوم خلفه عدد من الصرافات سيتي بنك واتش اس بي سي وغيرها
واذا بتريح راسك اطمر للبنك الرئيسي اتش اس بي سي
هذا عنوانه
jakarta, main branch

World Trade Center 1F

Jalan Jendral Sudirman Kav 29-31

بيعطيك سحب الي اربعه مليون بكل عمليه وريح راسك طبعا ماراح يعطيك خيارات سحب الا 2.5 مليون بس اختر مبلغ اخر وحط 4 مليون الصراف بيكون بالعربي اول ماتحط البطاقه مو متذكر قبل او بعد الرقم السري يعطيك خيارات اللغه اختر المبسطه هي العربيه
وهناك ايضا جنب سوق امباسادور سيتي بانك صراف يعطيك الي 2مليون ونص
انصحك تتوجه للبنك الرئيسي وريح دماغك عنوانه عندك واي تتكسي بيوصلك له ان ماوجدت شي قريب منك
بخصوص شريحتك السعوديه ليتها معك لان البنك متصل فيها ويعطيك قيمه كل صرف تقدر تطلب من شخص هنا تثق فيه يمر الاتصالات ويطلع بدل فاقد عشان يعلمك بكل عمليه سحب وكم قيمتها
بخصوص اير اسيا التكسي عطه العنوان اللي وضعته لك بالاحمر هو اقرب شي لك
واذا تبي تحجز من كاها اقرب كاها لك في سينايان جنب الاتريوم يا اللي قدام الاتريوم ولا اللي بمحطه قامبير >> هذا شغال 24 ساعه
ورقم جوالي عندك يلغلا جاك برساله خاصه
ان اشكل عليك شي اركب تكسي وعطني بنق اتفاهم معه
ورحله موفقه

تسلم ياغالي طيب مكتب كاها او طيران اير اسيا اوطيران ليون مايقدرو يسحبو من البطاقة مباشره كامشتروات علماً بأن البطاقة ليست بطاقة اتمانية هي بطاقة عادية

مادامها بطاقه صراف لا مااعتقد

هيما2
أنا صارت معي في فندق الميرديان جاكرتا وسألت هل يمكن الحساب بالبطاقة العادية ولم يكن
وقتها معي بطاقة فيزا وعادي تم خصم المبلغ ولم تتطلب مني الرقم السري وكأنها بطاقة فيزا عادية ..
أعتقد يمكن طالما عليها شعار البطاقات الإئتمانية ..
طبعا بطاقة الراجحي اللي معي ..

منكم نستفيد ابو غاده
كتبت مااعتقد بصراحه لاني مو متاكد مئه بالمئه
لاني مثلا اخر سفره للامارات كانت بطاقة الراجحي مسبقه الدفع الفيزا منتهيه واظطريت احجز من بوكينق بالصراف العادي بطاقه الاهلي فيه كود من 3 خانات خلفها ومشي الحجز بس طبعا كان الدفع كاش